பல வணிக நிறுவனங்கள், நிகழ்வுகள் மற்றும் வணிக நிறுவனங்களின் உரிமையாளர்கள் கோவிட்-19 தடுப்பூசி செலுத்துவதை கட்டாயமாக்கி உள்ளனர். பின்வரும்சான்றுகளின் வகைகள் வாஷிங்டனில் ஏற்றுக்கொள்ளப்படுகின்றன. சில இடங்களில் கீழே உள்ள இந்தப் பட்டியலிலிருந்து ஒரு குறிப்பிட்ட வகை சான்றுகளை மட்டுமே ஏற்கலாம்.
அறையின் விதிகளை மதியுங்கள் மற்றும் கேட்கப்பட்ட ஆதாரத்தை காண்பிக்க தயாராக இருங்கள்.
CDC கோவிட்-19 தடுப்பூசி பதிவு அட்டை
- மொபைல் சாதனத்தில் உள்ள அசல், பிரதிகள் அல்லது புகைப்படங்கள் ஏற்கத்தக்கவை.
- கடைசியாக பதிவு செய்யப்பட்ட டோஸுக்கு இரண்டு வாரங்களுக்குப் பின்பு தடுப்பூசி முழுமையடையும்:
- Johnson & Johnson: ஒரு டோஸ், 18 மற்றும் அதற்கு மேற்பட்டவர்களுக்கு அங்கீகரிக்கப்பட்டது
- Moderna: 6 மாதங்கள் மற்றும் அதற்கு மேற்பட்ட வயதினருக்கு 28 நாட்கள் இடைவெளியில் இரண்டு டோஸ்கள் செலுத்தப்படும்
- Novavax: 12 மற்றும் அதற்கு மேற்பட்ட வயதினருக்கு 21 நாட்கள் இடைவெளியில் 2 டோஸ்கள் செலுத்தப்படும்
- Pfizer: 6 மாதங்கள் முதல் 4 வயது வரையிலான குழந்தைகளுக்கு 3 டோஸ்கள் கொடுக்கப்படுகின்றன. முதல் 2 டோஸ்கள் 21 நாட்கள் இடைவெளியில் கொடுக்கப்படுகின்றன மற்றும் 2 ஆம் டோஸ் பெற்ற 8 வாரங்களுக்குப் பிறகு 3 ஆம் டோஸ் கொடுக்கப்படுகிறது.
- Pfizer: 5 மற்றும் அதற்கு மேற்பட்ட வயதினருக்கு 21 நாட்கள் இடைவெளியில் 2 டோஸ்கள் செலுத்தப்படும்

உங்கள் தடுப்பூசி அட்டையை கையாளும் போது கருத்தில் கொள்ள வேண்டிய சில பயனுள்ள உதவிக்குறிப்புகள்:
- உங்கள் தடுப்பூசி அட்டையைத் தடுப்பூசி டோஸ்கள் பெறும் காலத்திலும் அதற்குப் பிறகும் வைத்திருங்கள்.
- டிஜிட்டல் நகலைக் கைவசம் வைத்துக் கொள்வதற்கு உங்கள் அட்டையின் முன் மற்றும் பின்புறம் புகைப்படங்களை எடுத்துக் கொள்ளுங்கள். நீங்கள் அதை மீண்டும் எளிதாகக் காணும் வகையில், அதை உங்களுக்கே மின்னஞ்சல் அனுப்புவது, ஆல்பத்தை உருவாக்குவது அல்லது புகைப்படத்தில் ஒரு குறிச்சொல்லைச் சேர்ப்பது ஆகியவற்றை கருத்தில் கொள்ளுங்கள்.
- அதில் ஒன்றை உங்களுடன் எடுத்துச் செல்ல விரும்பினால் புகைப்பட நகலை எடுத்துக் கொள்ளுங்கள்.
- அதை தூக்கி எறியவோ அல்லது தொலைக்கவோ செய்யாதீர்கள்!
- உங்கள் தடுப்பூசி அட்டை தெரியும்படி செல்ஃபி எடுத்து ஆன்லைனில் பதிவிட வேண்டாம். அதற்குப் பதிலாக ஒரு செல்ஃபி எடுத்து எங்கள் டிஜிட்டல் ஸ்டிக்கர்கள் (ஆங்கிலத்தில் மட்டும்) #vaccinateWA அல்லது #wadoh ஐ தேடுவதன் மூலம் பயன்படுத்துங்கள்! @WADeptHealth குறிச்சொல் இடுவதை நினைவில் கொள்ளவும்.
- உங்கள் அசல் அட்டையை லேமினேட் செய்ய வேண்டாம். உங்களுடன் எடுத்துச் செல்லும் நகலை நீங்கள் லேமினேட் செய்து கொள்ளலாம்.
கோவிட் -19 தடுப்பூசி சான்றிதழ் அல்லது QR குறியீடுகள்

மாதிரி C:
அங்கீகரிக்கப்பட்ட பங்குதாரர் மொபைல் செயலியில் காண்பிக்கும் QR குறியீடு. (செயலிகள் மாறுபடலாம்)
WA (வாஷிங்டன்) மாநில நோய்த்தடுப்பு தகவல் அமைப்பு அச்சுப்படி
- Certificate of Immunization Status (CIS, நோய்த்தடுப்பு நிலை சான்றிதழ்) Washington State Immunization Information System மூலம் அச்சிடப்பட்ட படிவங்கள்.
- மருத்துவ வழங்குநர் கையொப்பமிடாத கையால் எழுதப்பட்ட உள்ளீடுகள் செல்லுபடியாகாது.

கோவிட்-19 தடுப்பூசி செலுத்திக் கொண்டதற்கு அதிகாரப்பூர்வ பதிவாக வேறு என்ன இருக்கிறது?
- மருத்துவ வழங்குநரிடமிருந்து சரிபார்க்கப்பட்ட மின்னணு மருத்துவ பதிவு அச்சுப்படி