ការចាក់វ៉ាក់សាំងជំងឺ COVID-19 ត្រូវបានតម្រូវដោយអាជីវកម្ម ព្រឹត្តិការណ៍ និងនិយោជកជាច្រើន។ ប្រភេទនៃភស្តុតាងខាងក្រោមនេះត្រូវបានទទួលយកនៅរដ្ឋវ៉ាស៊ីនតោន។ ទីតាំងខ្លះអាចទទួលយកតែប្រភេទជាក់លាក់មួយប៉ុណ្ណោះពីបញ្ជីខាងក្រោមនេះ។
គោរពតាមវិធានរបស់ទីកន្លែង ហើយត្រូវរៀបចំជាមុនក្នុងការបង្ហាញប្រភេទនៃភស្តុតាងដែលបានស្នើសុំ។
ប័ណ្ណកំណត់ត្រាការចាក់វ៉ាក់សាំងជំងឺ COVID-19 របស់ Centers for Disease Control and Prevention (CDC, មជ្ឈមណ្ឌលគ្រប់គ្រង និងបង្ការជំងឺ)
- ច្បាប់ដើម សំណៅចម្លង ឬរូបថតនៅក្នុងឧបករណ៍ចល័តសុទ្ធតែអាចទទួលយកបាន។
- ការចាក់វ៉ាក់សាំងពេញលេញមានសុពលភាពក្នុងរយៈពេលពីរសប្ដាហ៍បន្ទាប់ពីដូសចុងក្រោយដែលត្រូវបានកត់ត្រា៖
- Johnson & Johnson៖ អនុញ្ញាតឱ្យចាក់ 1 ដូសសម្រាប់អាយុ 18 ឆ្នាំឡើងទៅ
- Moderna៖ ចាក់ 2 ដូសមុនក្រោយគ្នា 28 ថ្ងៃសម្រាប់អាយុ 6 ខែដល់ ឡើងទៅ
- Novavax៖ ៖ ចាក់ 2 ដូសមុនក្រោយគ្នា 21 ថ្ងៃសម្រាប់អាយុ 12 ឆ្នាំឡើងទៅ
- Pfizer៖ ចាក់ 3 ដូសសម្រាប់កុមារអាយុ 6 ខែដល់ 4 ឆ្នាំ។ ចាក់ 2 ដូសដំបូងនៅមុនក្រោយគ្នាចំនួន 21 ថ្ងៃ ហើយចាក់ដូសទី 3 បន្ទាប់ពីដូសទី 2 បាន 8 សប្ដាហ៍។
- Pfizer៖ ចាក់ 2 ដូសមុនក្រោយគ្នា 21 ថ្ងៃសម្រាប់អាយុ 5 ឆ្នាំឡើងទៅ
ទាំងនេះគឺជាដំបូន្មានមានប្រយោជន៍មួយចំនួនដែលត្រូវចងចាំពាក់ព័ន្ធនឹងការចាត់ចែងប័ណ្ណចាក់វ៉ាក់សាំងរបស់អ្នក៖
- សូមរក្សាប័ណ្ណចាក់វ៉ាក់សាំងរបស់អ្នកនៅចន្លោះពេលចាក់ដូសនីមួយៗ និងក្រោយពេលចាក់រួចរាល់។
- សូមថតរូបទាំងផ្នែកខាងមុខនិងខាងក្រោយនៃប័ណ្ណរបស់អ្នកដើម្បីរក្សាវាជាទម្រង់ឌីជីថល។ ពិចារណាផ្ញើវាតាមអ៊ីមែលរបស់អ្នក បង្កើតអាល់ប៊ុម ឬបញ្ចូលស្លាកលើរូបថតនោះដើម្បីឱ្យអ្នកងាយស្រួលស្វែងរកវាម្ដងទៀត។
- សូមធ្វើការថតចម្លង ប្រសិនបើអ្នកចង់ដាក់វាតាមខ្លួន។
- កុំបោះវាចោល ឬធ្វើឲ្យបាត់!
- កុំបង្ហោះរូបសែលហ្វីតាមអនឡាញដែលបង្ហាញកាតចាក់វ៉ាក់សាំងរបស់អ្នក។ ជំនួសមកវិញ សូមថតរូបសែលហ្វី ហើយប្រើស្ទីកឃ័រឌីជីថល (ជាភាសាអង់គ្លេសប៉ុណ្ណោះ) របស់យើងដោយស្វែងរកពាក្យ #vaccinateWA ឬ #wadoh! កុំភ្លេចដាក់ស្លាក @WADeptHealth។
- កុំអ៊ុតប័ណ្ណច្បាប់ដើមរបស់អ្នក។ អ្នកអាចអ៊ុតប័ណ្ណច្បាប់ចម្លងរបស់អ្នកដើម្បីដាក់តាមខ្លួនបាន។
លិខិតបញ្ជាក់អំពីការចាក់វ៉ាក់សាំងជំងឺ COVID-19 ឬកូដ QR
គំរូ C៖
កូដ QR ត្រូវបានបង្ហាញនៅលើកម្មវិធីទូរសព្ទជាដៃគូដែលមានការគាំទ្រ។ (កម្មវិធីអាចខុសគ្នា)
ឯកសារបោះពុម្ពប្រព័ន្ធព័ត៌មានអំពីការចាក់វ៉ាក់សាំងនៃរដ្ឋវ៉ាស៊ីនតោន
- ទម្រង់បែបបទ Certificate of Immunization Status (CIS, លិខិតបញ្ជាក់ស្ថានភាពការចាក់វ៉ាក់សាំង) ដែលបោះពុម្ពពី Washington State Immunization Information System។
- ព័ត៌មានដែលសរសេរបញ្ចូលដោយដៃមិនត្រូវបានចាត់ទុកថាមានសុពលភាពនោះទេ លុះត្រាតែមានចុះហត្ថលេខាដោយអ្នកផ្ដល់សេវាវេជ្ជសាស្ត្រ។
តើមានអ្វីខ្លះទៀតដែលចាត់ទុកថាជាកំណត់ត្រាផ្លូវការអំពីការចាក់វ៉ាក់សាំងជំងឺ COVID-19?
- ឯកសារបោះពុម្ពកំណត់ត្រាវេជ្ជសាស្ត្រតាមប្រព័ន្ធអេឡិចត្រូនិកដែលបានផ្ទៀងផ្ទាត់ពីអ្នកផ្តល់សេវាវេជ្ជសាស្ត្រ