COVID-19

 

ខ្សែ​ទូរសព្ទបន្ទាន់ផ្នែកព័ត៌មានអំពីជំងឺ COVID-19

ប្រសិនបើ​អ្នកមាន​សំ​ណួរ​ផ្សេងៗអំពី​ជំងឺ COVID-19 សូម​ទូរសព្ទ​ទៅ​លេខ 1-800-525-0127 រួច​ចុច​លេខ 7។ នៅពេល​មាន​អ្នកលើ​កទូរសព្ទ សូម​ប្រាប់​ភាសា​របស់​អ្នក ដើម្បី​ប្រើ​សេវាកម្ម​បកប្រែ​ផ្ទាល់មាត់។ ខ្សែ​ទូរសព្ទ​បន្ទាន់​នេះ​បើក​ដំណើរការ​នៅ​ថ្ងៃ​ចន្ទ ពី​ម៉ោង 6 ព្រឹក​ដល់ម៉ោង 10 យប់ និង​ពី​ថ្ងៃ​អង្គារ៍​ដល់​ថ្ងៃអាទិត្យ (ព្រមទាំង​ថ្ងៃឈប់​សម្រាក​ដែល​ត្រូវ​បាន​លើក​ថ្ងៃ) ពី​ម៉ោង 6 ព្រឹក​ដល់ម៉ោង 6 ល្ងាច។

មិនអាច​ចេញពីផ្ទះបាន និង​ត្រូវការ​វ៉ាក់សាំងជំងឺ COVID-19 ​មែន​​ទេ​?

មានវិធីបីក្នុងការចុះឈ្មោះ (ជា​ភាសាអង់គ្លេស) ឬហៅ​ទៅ​ខ្សែ​ទូរសព្ទ​បន្ទាន់​សម្រាប់​ជំងឺ COVID-19 លេខ 1-800-525-0127 រួច​ចុច​លេខ 7។

វ៉ាក់សាំងវីរុសកូរ៉ូណា (COVID-19)

ដើម្បី​ទទួល​បាន​ព័ត៌មាន​លម្អិត​នា​ពេល​បច្ចុប្បន្ន​អំពី​វ៉ាក់សាំង​ជំងឺ COVID-19 សូម​ចូល​មើល​គេហទំព័រ​នេះ​ជា​ភាសា​របស់​អ្នក៖ ព័ត៌មាន​អំពី​វ៉ាក់សាំង​ជំងឺ COVID-19​

រោគសញ្ញា សញ្ញា និងការបង្ការជំងឺ COVID-19

រោគសញ្ញាចម្បង​​​ៗនៃ​ជំងឺ COVID-19 មាន​ដូចខាងក្រោម៖

  • ​គ្រុនក្តៅឬគ្រុនរងា​ ក្អក ដង្ហក់ឬ​ពិ​បាកដក​ដង្ហើម អស់កម្លាំង​ ឈឺ​សាច់ដុំ​ឬ​ឈឺ​ខ្លួន​ប្រាណ​ ឈឺក្បាល​ ​លែង​ដឹង​ក្លិន​ឬ​រសជាតិនាពេលថ្មីៗ ឈឺបំពង់ក តឹងច្រមុះឬ​ហៀរសំបោរ ចង្អោរ​ឬ​ក្អួត​ និងរាករូស​​​។
  • ទូរសព្ទទៅលេខ 911 ប្រសិនបើអ្នកសម្គាល់ឃើញសញ្ញាព្រមានឱ្យសង្គ្រោះបន្ទាន់នៃជំងឺ COVID-19៖
    • ពិបាក​​ដកដង្ហើម
    • ឈឺទ្រូង ឬណែនទ្រូងមិនបាត់
    • វង្វេង​ស្មារតី​ភ្លាមៗ​
    • អសមត្ថភាពក្នុងការឆ្លើយតប
    • បបូរមាត់ ឬមុខ​ឡើងស្វាយ
  • តើក្រុមមនុស្សណាខ្លះប្រឈមនឹងហានិភ័យ?

តើខ្ញុំអាចការពារខ្លួនឯង និងគ្រួសាររបស់ខ្ញុំដោយរបៀបណា?

  • ចាក់វ៉ាក់សាំង និងចាក់ដូសជំរុញ នៅពេលអ្នកមានលក្ខខណ្ឌគ្រប់គ្រាន់។
  • នៅផ្ទះ​ ប្រសិនបើអ្នកឈឺ។
  • ពាក់ម៉ាស់ និងរក្សាគម្លាតប្រាំមួយហ្វ៊ីត (ពីរម៉ែត្រ) ពីអ្នកដទៃ នៅពេលអ្នកទៅកន្លែងសាធារណៈដែលមានមនុស្សកកកុញ។
  • ជៀសវាងកន្លែងមានមនុស្សច្រើន និងខ្យល់ចេញចូលមិនគ្រប់គ្រាន់។
  • លាងសម្អាតដៃរបស់អ្នកឱ្យបានញឹកញាប់ ឬប្រើទឹកលាងដៃសម្លាប់មេរោគ។
  • ប្រើក្រដាសជូតមាត់ ឬកែងដៃខ្ទប់មាត់ នៅពេលអ្នកក្អកនិងកណ្តាស់។
  • កុំ​ប៉ះផ្ទៃ​មុខ​ មាត់ ច្រមុះ ឬភ្នែករបស់អ្នក។​
  • សម្អាតផ្ទៃវត្ថុនានាក្នុងផ្ទះរបស់អ្នក។
  • ប្រសិនបើ​អ្នកមាន​រោគសញ្ញា​ជំងឺ COVID-19 សូម​ពិភាក្សា​ជាមួយ​អ្នក​ផ្តល់​សេវា​ថែទាំ​សុខភាព​របស់​អ្នក។ ប្រសិនបើ​អ្នក​មិន​មាន​អ្នកផ្ដល់​សេវា​ថែទាំ​ទេ សូម​ប្រឹក្សា​ជាមួយ​មណ្ឌល​ថែទាំ​បន្ទាន់ ឬមណ្ឌលសុខភាព​សហគមន៍​ដែល​នៅ​ជិត​អ្នក។ ប្រសិនបើ​អ្នក​មិន​មានការ​ធានារ៉ាប់រង​ទេ សូម​ទាក់ទង​ទៅ​ក្រសួងសុខាភិបាល​ក្នុង​តំបន់​របស់​អ្នក។
ការធ្វើតេស្តរកមើលជំងឺ COVID-19

ដើម្បី​ទទួល​បាន​ព័ត៌មាន​លម្អិត​នា​ពេល​បច្ចុប្បន្ន​អំពី​ការ​ធ្វើតេស្ត​រកមើល​ជំងឺ COVID-19 សូម​ចូល​មើល​គេហទំព័រ​នេះ​ជា​ភាសា​របស់​អ្នក៖ ព័ត៌មានអំពីការធ្វើតេស្តរកមើលជំងឺ COVID-19

ការធ្វើចត្តាឡីស័ក និងការនៅដាច់ដោយឡែក

ដើម្បីស្វែងយល់បន្ថែមអំពីអត្ថន័យនៃពាក្យទាំងនេះ និងរយៈពេលដែលត្រូវនៅដាច់ដោយឡែក ឬធ្វើចត្តាឡីស័ក សូមចូលមើលគេហទំព័រអំពីវិធីគណនារយៈពេលនៅដាច់ដោយឡែក និងការធ្វើចត្តាឡីស័ក

ការពាក់ម៉ាស់

ម៉ាស់​ជួយ​កាត់បន្ថយ​ការ​បញ្ចេញ​ភាគល្អិត​នៃ​វីរុស​ទៅ​ក្នុង​បរិយាកាស នៅពេល​មនុស្ស​ដែល​មាន​ផ្ទុក​ជំងឺ COVID-19 និយាយ ក្អក ឬកណ្ដាស់។ អាច​មាន​ករណី​ដែល​មាន​ផ្ទុក​ជំងឺ COVID-19 ប៉ុន្តែ​មាន​រោគសញ្ញា​កម្រិត​ស្រាល ឬគ្មាន​រោគសញ្ញា​សោះ។ ការ​ពាក់​ម៉ាស់​ជួយ​បង្ការ​មិន​ឱ្យ​ចម្លងជំងឺ COVID-19 ទៅ​អ្នកដទៃ​ដោយ​មិនដឹង​ខ្លួន។ ការ​ចម្លង​កម្រិត​ស្រាល​ចំពោះ​អ្នក ប៉ុន្តែ​អាច​គ្រោះថ្នាក់​ដល់​ជីវិត​ចំពោះ​អ្នកដទៃ។

ខាងក្រោមនេះគឺជាការណែនាំអំពីការពាក់ម៉ាស់៖

  • ម៉ាស់គួរតែគ្របលើមាត់និងច្រមុះរបស់អ្នក ហើយតឹងណែនល្មមនៅសងខាងមុខរបស់អ្នក។
  • ពាក់ម៉ាស់របស់អ្នក ហើយដោះវាចេញដោយប្រើខ្សែ ឬខ្សែម៉ាស់ ហើយកុំប៉ះផ្នែកខាងមុខនៃម៉ាស់ ឬមុខរបស់អ្នក។
  • បោះចោល​ម៉ាស់​ពេទ្យ ឬបោកគក់​វត្ថុ​គ្របមុខ​រៀងរាល់ថ្ងៃ​ដែល​អ្នកប្រើ​វា ហើយ​លាង​លម្អា​តដៃ​របស់​អ្នក​ឱ្យ​បាន​ញឹកញាប់។
  • កុមារ​អាយុ​ក្រោម​ពីរ​ឆ្នាំ​មិន​គួរ​ពាក់​ម៉ាស់​ទេ ហើយកុមារ​អាយុ 2 ដល់ 4 ឆ្នាំ​គួរតែ​ មាន​ការមើលការខុសត្រូវពីមនុស្ស​ពេញវ័យ ខណៈពេលកំពុងពាក់ម៉ាស់​។
  • សេចក្ដីបង្គាប់​បញ្ជា​ឱ្យ​ពាក់​ម៉ាស់​មាន​ករណី​លើកលែង​សម្រាប់​មនុស្ស​ដែល​មាន​បញ្ហា​សុខភាព​មួយចំនួន។ ប្រសិនបើ​អ្នកមាន​ការ​ព្រួយបារម្ភ សូម​សាកសួរ​គ្រូពេទ្យ​របស់​អ្នក ដើម្បី​ដឹងពី​ជម្រើស​ល្អបំផុត​សម្រាប់​អ្នក។
ការទៅហាង និងទីសាធារណៈនានាឱ្យកាន់តែមានសុវត្ថិភាព

មាន​ចំណុច​ជាច្រើន​ដែល​អ្នក​អាច​ពិចារណា​នៅមុន​ពេល អំឡុង​ពេល និង​ក្រោយពេល​អ្នក​ចាកចេញ​ពី​ផ្ទះ ដើម្បី​ការពារ​ខ្លួន​អ្នក និង​អ្នកដទៃ។

មុនពេលចាកចេញ៖

  • បើ​អ្នក​ឈឺ កុំទៅ​ហាង​ឬទី​សាធារណៈ​ផ្សេងទៀត ប្រសិនបើ​អាច។ ពឹង​សមាជិក​គ្រួសារ ឬមិត្តភក្តិ​ឱ្យទៅ​យក​របស់របរ​ជំនួស​អ្នក។
  • ពិចារណា​បញ្ជាទិញ​គ្រឿងទេស ឱសថ និង​របស់របរ​ផ្សេងទៀត​តាម​អ៊ីនធឺណិត ហើយ​ឱ្យ​គេ​ដឹក​មក​ផ្ទះ​អ្នក។
  • ពិនិត្យមើល​កាលវិភាគ​ពិសេស។ ហាង​មួយចំនួន​អាច​មាន​ម៉ោង​បើក​លក់​ពិសេស​សម្រាប់​មនុស្ស​ដែល​មាន​អាយុ​លើស 65 ឆ្នាំ និង​មនុស្ស​ដែល​មាន​បញ្ហា​សុខភាព​ជាក់លាក់។ ពិចារណា​ទៅ​ហាង​នៅ​ម៉ោង​មិនសូវ​មាន​មនុស្ស​ច្រើន ប្រសិនបើ​អាច។
  • ​លាងសម្អាតដៃរបស់អ្នក មុនពេលអ្នក​ចេញពីផ្ទះ។

ពេលអ្នកនៅក្រៅផ្ទះ៖

  • ពាក់ម៉ាស់ដើម្បីឱ្យវាបិទបាំងច្រមុះ​និងមាត់​របស់អ្នក។
  • រក្សា​គម្លាត​យ៉ាងហោចណាស់​ប្រាំ​មួយ​ហ្វ៊ី​ត (ពីរ​ម៉ែត្រ) រវាង​អ្នក និង​អ្នកដទៃ សូម្បី​នៅពេល​តម្រង់​ជួរ​បង់ប្រាក់។
  • ខ្ទប់មាត់ពេលអ្នកក្អក ឬកណ្តាស់។
  • កុំ​ប៉ះផ្ទៃ​មុខ​របស់អ្នក​។​
  • ប្រសិនបើទិញទំនិញ ត្រូវប្រើទឹកលាងដៃសម្លាប់មេរោគ ឬក្រណាត់ជូតសម្លាប់មេរោគ ដើម្បីសម្អាតដងរទេះ ឬកន្ត្រកទំនិញ។

ពេលអ្នកមកផ្ទះ៖

  • ប្រសិនបើអ្នកបានពាក់ម៉ាស់ ត្រូវប្រាកដថា​បោកគក់ និង​រក្សាវាទុក​ឱ្យ​មាន​សុវត្ថិភាព ឬបោះវាចោល ប្រសិនបើវាជា​ម៉ាស់​ដែល​អាច​បោះចោល​បាន។
  • លាងសម្អាតដៃរបស់អ្នក។
  • ធ្វើតាមការអនុវត្តសុវត្ថិភាពចំណីអាហារ។ កុំសម្លាប់មេរោគលើផលិតផលដែលអាចបរិភោគបាន។ លាងបន្លែផ្លែឈើតាមធម្មតា។
  • ការណែនាំអំពីការទិញគ្រឿងទេសក្នុងវិបត្តិ COVID-19។
មនុស្សមានហានិភ័យខ្ពស់ដែលអាចនឹងឈឺធ្ងន់

មនុស្សមានហានិភ័យខ្ពស់ដែលអាចនឹងឈឺធ្ងន់អាចចាត់វិធានការប្រុងប្រយ័ត្នជាមុនបន្ថែមទាំងនេះ៖

  • ទាក់ទង​ទៅ​អ្នក​ផ្តល់​សេវា​ថែទាំ​សុខភាព​របស់​អ្នក នៅពេល​អ្នក​ត្រូវការ​ដំបូន្មាន។ គ្លីនិក​មួយចំនួន​ប្រើ "ប្រព័ន្ធ​ទំនាក់ទំនង​ជាមួយ​អ្នកជំងឺ​តាម​អ៊ីនធឺណិត​" ដើម្បី​ធ្វើ​ទំនាក់ទំនង ហើយ​គ្លីនិក​ជាច្រើន​មាន​បុគ្គលិក​ដែល​អាច​ទទួល​ទូរសព្ទ និង​ផ្ដល់​ដំបូន្មាន។ ទោះ​យ៉ាងណា សូម​ចងចាំ​ថា​គ្លីនិក​ទាំងនោះ​អាចម​មា​ញឹក​ខ្លាំង។
  • ធ្វើបញ្ជី​ឱសថ​ដែល​អ្នក​ត្រូវការ​ជា​ញឹកញាប់ ហើយ​សាកសួរ​ឱសថស្ថាន ឬអ្នកផ្ដល់​សេវា​ថែទាំ​សុខភាព​របស់​អ្នក ដើម្បី​ឱ្យ​ដឹង​ថា​ពួក​គេ​អាច​ផ្ដល់​ឱសថ​តាម​វេជ្ជបញ្ជា​បន្ថែម​បាន​ឬអត់។ រក្សា​កំណត់ត្រា​អំពី​ឱសថ ឬអាហារ​បំប៉ន​បន្ថែម​ផ្សេងទៀត​ដែល​អ្នកប្រើ និង​តាមដាន​អាការ​បច្ចុប្បន្ន​របស់​អ្នកតា​មកា​រណែ​នាំ។
  • តាមដាន​ព័ត៌មាន​ថ្មីៗអំពី​វ៉ាក់សាំង​ដែល​បាន​ណែនាំ​ទាំងអស់។ ត្រូវ​ប្រាកដ​ថា​ចាក់​វ៉ាក់សាំង​ជំងឺ COVID-19 និង​ដូ​សជំរុញ នៅពេល​អ្នកមាន​លក្ខខណ្ឌ​គ្រប់គ្រាន់។ ចុច​ត្រង់នេះ ដើម្បី​ស្វែងរក​អ្នកផ្ដល់​វ៉ាក់សាំង​ដែល​នៅ​ជិត​អ្នក។
  • ត្រូវ​ប្រាកដ​ថា​អ្នកមាន​អាហារ និង​ផលិតផល​អនាម័យ​ផ្ទាល់ខ្លួន​សម្រាប់​ប្រើប្រាស់​គ្រប់គ្រាន់ ប្រសិនបើ​អ្នក​ត្រូវ​នៅ​ដាច់ដោយឡែក ឬធ្វើ​ចត្តាឡីស័​ក។
  • រកនរណាម្នាក់ដែលអាចជួយអ្នក និងស្នើឱ្យគាត់ហៅទូរសព្ទទៅអ្នក ដើម្បីឱ្យប្រាកដថាអ្នកគ្មានបញ្ហាអ្វីមួយ។ ត្រូវធ្វើយ៉ាងណាឱ្យបុគ្គលម្នាក់នេះយល់ថា គាត់មិនគួរមកសួរសុខទុក្ខអ្នកទេ ប្រសិនបើគាត់មិនស្រួលខ្លួន។
  • តាមដានសុខភាពរបស់អ្នក និងទៅរកគ្រូពេទ្យប្រសិនបើចាំបាច់។
ការមានផ្ទៃពោះ ទារក និងជំងឺ COVID-19

ប្រការដែលត្រូវដឹង​ ប្រសិនបើអ្នកកំពុងមានផ្ទៃពោះ

  • មនុស្ស​មានផ្ទៃពោះ ឬមានផ្ទៃ​ពោះ​ថ្មីៗប្រឈម​នឹង​ហានិភ័យ​ខ្ពស់​ដែល​អាច​មាន​ជំងឺ​ធ្ងន់ធ្ងរ​ដោយសារ COVID-19 ធៀប​ទៅ​នឹង​មនុស្ស​ដែល​គ្មាន​ផ្ទៃពោះ។
  • មនុស្ស​ដែល​បាន​ឆ្លង​ជំងឺ COVID-19 ក្នុងអំឡុងពេល​មានផ្ទៃពោះ​ក៏​មាន​ហានិភ័យ​ខ្ពស់​ដែល​អាច​សម្រាលកូន​មុនពេលកំណត់ (សម្រាលកូន​មុន 37 សប្ដាហ៍) និង​កូន​ស្លាប់​ក្នុង​ពោះ ហើយ​អាច​មាន​ហានិភ័យ​ខ្ពស់​ដែល​អាច​មាន​បញ្ហា​ផ្សេងទៀត​ក្នុង​ពេល​មានផ្ទៃពោះ​ផង​ដែរ។
  • មនុស្ស​មានផ្ទៃពោះ ឬមានផ្ទៃ​ពោះ​ថ្មីៗ និង​មនុស្ស​ដែល​ពួក​គេ​បាន​ប៉ះពាល់​ជាមួយ គួរតែ​ចាត់វិធានការ​ទាំងនេះ ដើម្បី​ជួយការ​ពារ​ខ្លួន​កុំឱ្យ​ឆ្លង​ជំងឺ COVID-19៖
    • ​ចាក់វ៉ាក់សាំង និងដូសជំរុញ​។
    • ពាក់ម៉ាស់។​​
    • រក្សា​គម្លាត 6 ហ្វ៊ី​ត (2 ម៉ែត្រ) ពី​អ្នកដទៃ និង​ជៀសវាង​កន្លែង​មាន​មនុស្ស​ច្រើន និង​ខ្យល់​ចេញ
    • ចូល​មិន​គ្រប់គ្រាន់។
    • ធ្វើតេស្តដើម្បីទប់ស្កាត់ការឆ្លងរាលដាលទៅអ្នកដទៃ។
    • លាង​សម្អាត​ដៃ​របស់​អ្នក​ឱ្យ​បាន​ញឹកញាប់ និង​ប្រើ​ក្រដាស​ជូត​មាត់ ឬកែងដៃ​ខ្ទប់មាត់ នៅពេល​
    • អ្នក​ក្អក​និង​កណ្តាស់។
    • សម្អាត និងសម្លាប់មេរោគក្នុងផ្ទះរបស់អ្នកជាប្រចាំ។
    • តាមដានសុខភាពរបស់អ្នកប្រចាំថ្ងៃ។
    • ទូរសព្ទ​ទៅ​អ្នកផ្ដល់​សេវា​ថែទាំ​សុខភាព​របស់​អ្នក​ភ្លាម ប្រសិនបើ​អ្នកមាន​ការ​ព្រួយបារម្ភ​អំពី​ការ​មានផ្ទៃពោះ ប្រសិនបើ​អ្នក​ឈឺ ឬប្រសិនបើ​អ្នក​គិតថា​អ្នក​ប្រហែលជា​មាន​ផ្ទុក​ជំងឺ COVID-19។

ការមានផ្ទៃពោះ និងវ៉ាក់សាំងជំងឺ COVID-19

  • វ៉ាក់សាំងជំងឺ COVID-19 ត្រូវបានណែនាំសម្រាប់មនុស្សមានផ្ទៃពោះ កំពុងបំបៅកូនដោយទឹកដោះម្ដាយ/បំបៅកូនលើដើមទ្រូង ដែល​ព្យាយាម​ចង់​មានផ្ទៃពោះ​នៅពេល​នេះ ឬប្រហែលជា​មានផ្ទៃពោះ​នា​ពេល​អនាគត។
  • ភស្តុតាង​អំពី​សុវត្ថិភាព និង​ប្រសិទ្ធភាព​របស់​វ៉ាក់សាំង​ជំងឺ COVID-19 អំឡុង​ពេល​មានផ្ទៃពោះ​មាន​កាន់តែ​ច្រើន​ឡើងៗ។ ទិន្នន័យ​នេះ​លើកឡើង​ថា អត្ថ​ប្រយោជន៍​នៃ​ការ​ចាក់​វ៉ាក់សាំង​ជំងឺ COVID-19 មាន​ច្រើនជាង​ហានិភ័យ​នៃ​ការ​ចាក់​វ៉ាក់សាំង​ដែល​អាច​កើតមាន ឬដែលគេ​បានដឹង​ក្នុងអំឡុងពេល​មានផ្ទៃពោះ។
  • មនុស្ស​ដែល​មានផ្ទៃពោះ​គួរតែ​ចា​ក់​ដូ​សជំរុញ​នៃ​វ៉ាក់សាំង​ជំងឺ COVID-19 នៅពេល​មាន​លក្ខខណ្ឌ​គ្រប់គ្រាន់។
  • វ៉ាក់សាំងជំងឺ​ COVID-19 មិនធ្វើឱ្យឆ្លងជំងឺ COVID-19 រួមទាំងមនុស្សមានផ្ទៃពោះ ឬទារករបស់ពួកគេ។
  • បច្ចុប្បន្ន​នេះ គ្មាន​ភស្តុតាង​ណាមួយ​បង្ហាញថា​វ៉ាក់សាំង​ណាមួយ រួម​ទាំង​វ៉ាក់សាំង​ជំងឺ COVID-19 បង្ក​ឱ្យ​មាន​បញ្ហា​មិន​អាច​មានកូន​សម្រាប់​ស្ត្រី ឬបុរស​នោះ​ទេ។
  • មានផ្ទៃពោះ និងមានសំណួរបន្ថែម​អំពីវ៉ាក់សាំង​ជំងឺ COVID-19 មែនទេ? សូម​ពិភាក្សា​ជាមួយ​អ្នកផ្ដល់​សេវា​ថែទាំ​សុខភាព​របស់​អ្នក ឬទាក់ទង​ទៅ​អង្គការ MotherToBaby (ម្ដាយ​ទៅ​ទារក) ដែល​មាន​អ្នកជំនាញ​រង់ចាំ​ឆ្លើយ​សំណួរ​តាម​ទូរសព្ទ ឬសារ​ជជែក។ សេវា​ឥតគិតថ្លៃ​ដែល​រក្សា​ការសម្ងាត់​នេះ​មាន​ផ្ដល់​ជូន​ពី​ថ្ងៃ​ចន្ទ​ដល់​ថ្ងៃសុក្រ ពី​ម៉ោង 8 ព្រឹក​ដល់ម៉ោង 5 ល្ងាច។ សូម​ចូល​ទៅកាន់​គេហទំព័រ​អង្គការ​ MotherToBaby (ម្ដាយ​ទៅ​ទារក) ដើម្បី​ផ្ញើ​សារ​ជជែក​ផ្ទាល់ ឬផ្ញើ​អ៊ីមែល ឬទូរសព្ទ​ទៅ​លេខ 1-866-626-6847 (មាន​ជា​ភាសាអង់គ្លេស និង​អេស្ប៉ាញ​ប៉ុណ្ណោះ)។

ការថែទាំសម្រាប់ទារកទើបនឹងកើត ប្រសិនបើអ្នកមានផ្ទុកជំងឺ COVID-19

  • ទារក​ទើបនឹង​កើត​ភាគច្រើន​របស់​មនុស្ស​ដែល​បាន​ឆ្លង​ជំងឺ COVID-19 ក្នុងអំឡុងពេល​មានផ្ទៃពោះ មិន​មាន​ផ្ទុក​ជំងឺ COVID-19 ទេ នៅពេល​ដែល​ទារក​ទាំងនោះ​កើតមក។
  • ទារក​ទើបនឹង​កើត​ភាគច្រើន​ដែល​បាន​ធ្វើតេស្ត​វិជ្ជមាន​រក​ឃើញ​ជំងឺ COVID-19 មាន​រោគសញ្ញា​កម្រិត​ស្រាល ឬគ្មាន​រោគសញ្ញា​ទេ ហើយ​ជាសះស្បើយ។ របាយការណ៍​នានា​បញ្ជាក់​ថា ទារក​ទើបនឹង​កើត​មួយចំនួន​បាន​វិវឌ្ឍ​ទៅជា​ជំងឺ COVID-19 កម្រិត​ធ្ងន់។
  • ប្រសិនបើអ្នកកំពុងនៅដាច់ដោយឡែកសម្រាប់ជំងឺ COVID-19 និងមានទារកទើបនឹងកើត សូមចាត់វិធានការប្រុងប្រយ័ត្នជាមុនខាងក្រោម រហូតដល់បញ្ចប់រយៈពេលនៅដាច់ដោយឡែក៖
    • នៅផ្ទះដើម្បីផ្ដាច់ខ្លួនអ្នកពីអ្នកដទៃក្រៅពីក្រុមគ្រួសាររបស់អ្នក។
    • នៅ​ដាច់ដោយឡែក (នៅ​ឱ្យ​ឆ្ងាយ) ពី​សមាជិក​គ្រួសារ​ផ្សេងទៀត​ដែល​មិនបាន​ឆ្លង​ជំងឺ និង​ពាក់​ម៉ាស់​នៅកន្លែង​ប្រើប្រាស់​រួម។
    • មាន​អ្នកថែទាំ​ដែល​មាន​សុខភាព​ល្អ បាន​ចាក់​វ៉ាក់សាំង​គ្រប់​ចំនួន និង​មិន​មាន​ហានិភ័យ​ខ្ពស់​ដែល​អាច​មាន​ជំងឺ​ធ្ងន់ធ្ងរ ដើម្បី​ថែទាំ​ទារក​ទើបនឹង​កើត​របស់​អ្នក។ ប្រសិនបើ​អាច សូម​ច្របាច់​ទឹកដោះ​របស់​អ្នក ដើម្បី​ឱ្យ​អ្នកថែទាំ​អាច​បំបៅ​កូន​អ្នក​បាន។ ប្រសិនបើ​អ្នក​កំពុង​បំបៅ​កូន​ដោយ​ប្រើ​ម្សៅ​ទឹកដោះគោ សូម​ឱ្យ​អ្នកថែទាំ​ដែល​មាន​សុខភាព​ល្អ​នោះ​រៀបចំ។
    • អនុវត្ត​តាម​វិធានការ​ប្រុងប្រយ័ត្ន​ជាមុន​ដែល​បាន​ណែនាំ ប្រសិនបើ​អ្នក​ត្រូវតែ​ថែទាំ​ទារក​ទើបនឹង​កើតមុន​បញ្ចប់​រយៈពេល​នៅ​ដាច់ដោយឡែក រួម​ទាំង​ការ​ពាក់​ម៉ាស់​ក្នុង​ពេល​កំពុង​បំបៅ ឬពរ​កូន​របស់​អ្នក។
    • តាមដានទារកទើបនឹងកើតរបស់អ្នកក្រែងមានរោគសញ្ញាជំងឺ COVID-19។
    • ការមានផ្ទៃពោះ ការសម្រាលកូន និងការថែទាំទារករបស់អ្នកដែលមានការសង្ស័យ ឬបញ្ជាក់ថាមានផ្ទុកជំងឺ COVID-19
  • ភស្តុតាងបច្ចុប្បន្នបង្ហាញថា ទឹកដោះម្ដាយទំនងជាមិនចម្លងវីរុសទៅទារកទេ។ ការសិក្សាស្រាវជ្រាវថ្មីៗនេះបានបង្ហាញថា មនុស្សដែលបានចាក់វ៉ាក់សាំងការពារជំងឺ COVID-19 ផ្ទេរអង់ទីករការពារទៅទារករបស់ខ្លួនតាមរយៈទឹកដោះម្ដាយ។ ប្រសិនបើអ្នកមានផ្ទុកជំងឺ COVID-19 និងជ្រើសរើសបំបៅកូនដោយទឹកដោះម្ដាយ/បំបៅកូនលើដើមទ្រូង៖
    • លាងសម្អាតដៃរបស់អ្នក មុនពេលបំបៅកូនដោយទឹកដោះម្ដាយ/បំបៅកូនលើដើមទ្រូង
    • ពាក់ម៉ាស់ក្នុងពេលកំពុងបំបៅកូនដោយទឹកដោះម្ដាយ/បំបៅកូនលើដើមទ្រូង និងរាល់ពេលដែលអ្នកនៅក្បែរទារករបស់អ្នកក្រោម 6 ហ្វ៊ីត (2 ម៉ែត្រ)។

Parent Support Warm Line (ខ្សែទូរសព្ទមិនបន្ទាន់សម្រាប់ផ្ដល់ជំនួយដល់មាតាបិតា) បើកដំណើរការសម្រាប់អ្នកមានផ្ទៃពោះ ឬមាតាបិតាថ្មីថ្មោង ឬមនុស្សជាទីស្រលាញ់របស់ពួកគេដែលត្រូវការជំនួយ និងព័ត៌មានអំពីសុខភាពផ្លូវចិត្ត។ ទូរសព្ទ​ទៅ​លេខ 1-888-404-7763 ពី​ថ្ងៃ​ចន្ទ​ដល់​ថ្ងៃសុក្រ ពី​ម៉ោង 9 ព្រឹក​ដល់ម៉ោង 4:30 រសៀល (មាន​ជា​ភាសាអង់គ្លេស និង​អេស្ប៉ាញ​ប៉ុណ្ណោះ)។ ខ្សែ​ទូរសព្ទ​មិន​បន្ទាន់​របស់​យើង​មាន​អ្នកធ្វើ​កិច្ចការ​សង្គម អ្នកព្យាបាល​មាន​អាជ្ញាប័ណ្ណ ឬមាតាបិតា​ដែល​ធ្លាប់​មាន​ជំងឺ​បាក់ទឹកចិត្ត​/ថប់អារម្មណ៍​ក្រោយ​សម្រាលកូន​រង់ចាំ​ផ្ដល់​ជំនួយ។ ប្រសិនបើ​ហៅ​ទូរសព្ទ​មក​ក្រោយ​ម៉ោង​ធ្វើការ យើង​នឹង​ហៅ​ទូរសព្ទ​ទៅវិញ​ក្នុង​ពេល​ឆាប់​បំផុត​តាមដែល​អាច​ធ្វើ​បាន។ ហៅ​ទូរសព្ទ ផ្ញើ​សារ​ជា​អក្សរ ឬអ៊ីមែល​មក​យើង​តាមរយៈ​ warmline@perinatalsupport.org

ការថែទាំខ្លួនអ្នក និងគ្រួសាររបស់អ្នក

Washington Listens (ស្តាប់​ក្តី​កង្វល់​រដ្ឋ​វ៉ាស៊ីនតោន)៖ ប្រសិនបើ​អ្នក​ត្រូវការ​ជជែក​ជាមួយ​នរណា​ម្នាក់​អំពី​បញ្ហា​ស្ត្រេស​ដែល​បណ្ដាលមកពី​ជំងឺ COVID-19 សូម​ទូរសព្ទ​ទៅ Washington Listens តាមរយៈ​លេខ 1-833-681-0211។ ពី​ថ្ងៃ​ចន្ទ​ដល់​ថ្ងៃសុក្រ ពី​ម៉ោង 9:00 ព្រឹក​ដល់ម៉ោង 9:00 យប់ និង​នៅ​ចុង​សប្ដាហ៍​ពី​ម៉ោង 9:00 ព្រឹក​ដល់ម៉ោង 6:00 ល្ងាច តែងតែមាន​នរណា​ម្នាក់​សម្រាប់​ជជែក​ជាមួយ​ជានិច្ច។ TTY (ទូរ​អង្គុលីលេខ) និង​សេវាកម្ម​ប្រើប្រាស់​ភាសា​នឹង​មាន​ផ្ដល់​ជូន។ អ្នក​ក៏អាច​ស្វែងរក​ធនធាន​បន្ថែម​សម្រាប់​សុខភាព​ផ្លូវចិត្ត និង​ផ្លូវ​អារម្មណ៍​នៅ​ទីនេះ (ជា​ភាសាអង់គ្លេស)។

  • បន្ត​តាមដាន​ព័ត៌មាន​ថ្មីៗអំពី​ស្ថានភាព​ឆ្លង​រាលដាល​បច្ចុប្បន្ន និង​ការណែនាំ​បន្ថែម​ដែល​ផ្ដល់​ព័ត៌មាន​ដោយ​ទីភ្នាក់ងារ​សុខភាព​សាធារណៈ​ក្នុង​តំបន់ ព័ត៌មាន​ថ្មីៗពី​គេហទំព័រ​ផ្នែក​សុខភាព​សាធារណៈ និង​ប្រព័ន្ធ​ផ្សព្វផ្សាយ​ដែល​អាច​ទុកចិត្ត​បាន។
  • រៀបចំ​បញ្ជី​ធនធាន​សហគមន៍ ដូចជា​លេខទូរសព្ទ គេហទំព័រ និង​គណនី​ប្រព័ន្ធ​ផ្សព្វផ្សាយ​សង្គម​ជាដើម។ អ្នក​អាច​បន្ថែម​ឈ្មោះ​សាលារៀន វេជ្ជបណ្ឌិត ស្ថាប័ន​សុខភាព​សាធារណៈ សេវា​សង្គម ខ្សែ​ទូរសព្ទ​បន្ទាន់​របស់​មជ្ឈមណ្ឌល​សហគមន៍​សម្រាប់​សុខភាព និង​វិបត្តិ​ផ្លូវចិត្ត។
  • រក្សាទំនាក់ទំនងជាមួយសមាជិកគ្រួសារ និងមិត្តភក្តិតាមទូរសព្ទ ឬសេវាកម្មតាមអ៊ីនធឺណិត។
  • មាន​សម្ភារៈ​ថែទាំ​សុខភាព​ជា​មូលដ្ឋាន (ដូចជា​សាប៊ូ​ដុំ ទឹក​លាងដៃ​សម្លាប់​មេរោគ​ដែល​មាន​សារធាតុ​អាល់កុល ក្រដាស​ជូត​មាត់ ទែ​រម៉ូ​ម៉ែត្រ ឱសថ​កាត់បន្ថយ​គ្រុនក្ដៅ និង​ឧបករណ៍​ធ្វើតេស្ត​រកមើល​ជំងឺ COVID-19 នៅផ្ទះ)។
  • ព្យាយាមធ្វើយ៉ាងណាឱ្យមានឱសថដែលអ្នក ឬសមាជិកគ្រួសាររបស់អ្នកប្រើជាប្រចាំ។

ជំនួយសម្រាប់សមាជិកគ្រួសារវ័យក្មេងៗរបស់អ្នក

  • ស្វែងរក​ជំនួយ និង​ការ​ទំនាក់ទំនង​ជាបន្តបន្ទាប់​ពី​មិត្តភក្តិ​និង​គ្រួសារ​របស់​ពួក​គេ​ដោយ​ជជែក​តាម​ទូរសព្ទ សារ​ជា​អក្សរ អ៊ីមែល ឬប្រព័ន្ធ​ផ្សព្វផ្សាយ​សង្គម។
  • ប្រសិនបើ​ព័ត៌មាន​ធ្វើ​ឱ្យ​ពួក​គេ​មានទុក្ខ​កង្វល់​ខ្លាំង កុំ​ភ្លេច​សម្រាក។ ជជែក​ជា​មួ​យកូនៗរបស់​អ្នក ដើម្បី​បញ្ជាក់​ឱ្យ​បាន​ច្បាស់​អំពី​ព័ត៌មាន​ដែល​ពួក​គេ​អាច​ទទួល​បាន​ពី​អ៊ីនធឺណិត ឬប្រភព​ព័ត៌មាន​ផ្សេងទៀត។
  • ផ្ដោតលើការជួយកុមារដោយលើកទឹកចិត្តឱ្យពួកគេសួរសំណួរ និងជួយឱ្យពួកគេយល់ពីស្ថានភាពបច្ចុប្បន្ន។
  • ជជែកអំពីអារម្មណ៍ដែលពួកគេមាន និងយល់ពីអារម្មណ៍ទាំងនោះ។
  • ជួយឱ្យពួកគេបង្ហាញអារម្មណ៍ក្នុងចិត្តដោយគូររូប ឬសកម្មភាពផ្សេងទៀត។
  • លួងលោម និងមានការអត់ធ្មត់ជាងធម្មតា។

សកម្មភាព​គ្រួសារ

ទោះបីជា​គ្រួសារ​របស់​អ្នក​កំពុង​នៅ​ដាច់ដោយឡែក ឬធ្វើ​ចត្តាឡីស័​កក៏ដោយ សូម​ចងចាំ​ថា​វា​ជា​រឿង​បណ្ដោះអាសន្ន​ប៉ុណ្ណោះ។

ធ្វើតាម​កាលវិភាគ​របស់​គ្រួសារ​ឱ្យ​បាន​ជាប់លាប់​ពាក់ព័ន្ធ​នឹង​ម៉ោង​គេង ទទួលទាន​អាហារ និង​ហាត់ប្រាណ។

ប្រសិនបើកូនរបស់អ្នកចូលរួមក្នុងឱកាសសិក្សាពីចម្ងាយដែលផ្ដល់ជូនដោយសាលារៀនរបស់ពួកគេ ឬអង្គការផ្សេងទៀត សូមស្វែងរកឱកាសឱ្យកូនរបស់អ្នកជួបជុំជាមួយកុមារតូចៗដូចគ្នាដោយសុវត្ថិភាព។

ទទួលស្គាល់​ថា​អារម្មណ៍​ដូចជា ឯកា ធុញទ្រាន់ ខ្លាច​ឆ្លង​ជំងឺ ថប់អារម្មណ៍ កើតទុក្ខ​ខ្លាំង និង​ស្លន់ស្លោ គឺជា​ប្រតិកម្ម​ដែល​កើតមាន​ជា​ធម្មតា​ក្នុង​ស្ថានភាព​ដែល​បង្ក​ភា​ពស្ត្រេ​ស ដូចជា​ការ​ឆ្លង​រាលដាល​ជាស​កល​ជាដើម។

ជួយគ្រួសាររបស់អ្នកធ្វើសកម្មភាពសប្បាយៗ និងមានអត្ថន័យដែលស្របតាមតម្លៃគ្រួសារ និងវប្បធម៌របស់អ្នក។

ធនធានបន្ថែម