ການຕິດເຊື້ອ COVID ຍາວນານແມ່ນຫຍັງ?
ຜູ້ທີ່ຕິດເຊື້ອ COVID-19 ສາມາດສືບຕໍ່ມີອາການ ແລະ ຜົນກະທົບໃນໄລຍະຍາວ ຫຼັງຈາກການຕິດເຊື້ອຂອງພວກເຂົາທີ່ເອີ້ນວ່າ “ການຕິດເຊື້ອ COVID ຍາວນານ” ຫຼື “ຫຼັງໂລກ COVID”. ມີຫຼາຍຄົນຍັງບໍ່ທັນຮູ້ກ່ຽວກັບການຕິດເຊື້ອ COVID ຍາວນານ. ພວກເຮົາສືບຕໍ່ຮຽນຮູ້ເພີ່ມເຕີມໃນຂະນະທີ່ການຄົ້ນຄວ້າກ່ຽວກັບການຕິດເຊື້ອ COVID ຍາວນານຢ່າງຕໍ່ເນື່ອງ.
ອາການຕ່າງໆຂອງການຕິດເຊື້ອ COVID ຍາວນານ
ຄົນທີ່ຕິດເຊື້ອ COVID ຍາວນານສາມາດມີຫຼາຍອາການທີ່ຢູ່ເປັນຫຼາຍອາທິດ, ຫຼາຍເດືອນ ຫຼື ຫຼາຍປີຫຼັງຈາກການຕິດເຊື້ອ.
ອາການຕ່າງໆລວມເຖິງແຕ່ບໍ່ຈໍາກັດສຳລັບ:
- ຮູ້ສຶກເມື່ອຍ, ໂດຍສະເພາະຫຼັງຈາກຄວາມພະຍາຍາມທາງຈິດໃຈ ຫຼື ທາງກາຍ
- ເປັນໄຂ້
- ຫາຍໃຈຍາກ
- ໄອ
- ເຈັບໜ້າເອິກ
- ການປ່ຽນແປງການໄດ້ຮັບກິ່ນ ແລະ/ຫຼື ລົດຊາດ
- ຄວາມຫຍຸ້ງຍາກໃນການຄິດ ຫຼື ສຸມໃສ່ ຫຼື "ຄິດບໍ່ອອກ"
- ເຈັບຫົວ
- ເຈັບທ້ອງ
- ການປ່ຽນແປງຮອບວຽນປະຈໍາເດືອນ
ໃຜຈຶ່ງສາມາດມີການຕິດເຊື້ອ COVID ຍາວນານ?
ທຸກຄົນທີ່ຕິດເຊື້ອ COVID-19 ສາມາດມີການຕິດເຊື້ອ COVID ຍາວນານ. ສ່ວນຫຼາຍແມ່ນຜູ້ທີ່ມີອາການ COVID-19 ຮ້າຍແຮງ, ໂດຍສະເພາະຜູ້ທີ່ຕ້ອງເຂົ້າປິ່ນປົວຢູ່ໂຮງໝໍ. ຄົນທີ່ປະສົບກັບໂລກອັກເສບຫຼາຍລະບົບໃນລະຫວ່າງ ຫຼື ຫຼັງຈາກການຕິດເຊື້ອ COVID-19 ຂອງພວກເຂົາອາດຈະມີຄວາມສ່ຽງຫຼາຍຂຶ້ນຕໍ່ກັບການຕິດເຊື້ອ COVID ເປັນເວລາຍາວນານ. ແມ່ຍິງ, ຜູ້ສູງອາຍຸ, ຄົນທີ່ມີໂລກປະຈຳຕົວ ແລະ ຜູ້ທີ່ບໍ່ໄດ້ສັກຢາປ້ອງກັນພະຍາດ ອາດມີແນວໂນ້ມທີ່ຈະມີການຕິດເຊື້ອ COVID ຍາວນານ. ຜູ້ທີ່ຕິດເຊື້ອ COVID-19 ຫຼາຍຄັ້ງອາດມີຄວາມສ່ຽງຕໍ່ສຸຂະພາບຫຼາຍຂຶ້ນ ລວມທັງການຕິດເຊື້ອ COVID ຍາວນານ.
ການປ້ອງກັນການຕິດເຊື້ອ COVID ຍາວນານ
ການປ້ອງກັນການຕິດເຊື້ອ COVID-19 ແມ່ນວິທີທີ່ດີທີ່ສຸດ ເພື່ອປ້ອງກັນການຕິດເຊື້ອ COVID ຍາວນານ. ປ້ອງກັນຕົນເອງ ແລະ ຜູ້ອື່ນຈາກການຕິດເຊື້ອ COVID-19 ໂດຍການລ້າງມືຂອງທ່ານ, ການໃສ່ໜ້າກາກອະນາໄມໃນເມື່ອຢູ່ເປັນຝູງຊົນ, ການຢູ່ເຮືອນເມື່ອເຈັບປ່ວຍ ແລະ ການໄປສັກຢາວັກຊີນທີ່ແນະນຳ ແລະ ເຂັມກະຕຸ້ນ.
ບຸກຄົນທີ່ໄດ້ຮັບວັກຊີນທີ່ຍັງຕິດເຊື້ອ COVID-19 ອາດມີແນວໂນ້ມ ທີ່ຈະມີການຕິດເຊື້ອ COVID ຍາວນານໜ້ອຍກວ່າບຸກ ຄົນທີ່ບໍ່ໄດ້ຮັບວັກຊີນ.
ຮຽນຮູ້ກ່ຽວກັບການຮັບວັກຊີນປ້ອງກັນ COVID-19
ການວິນິດໄສການຕິດເຊື້ອ COVID ຍາວນານ?
ມັນເປັນເລື່ອງຍາກທີ່ຈະວິນິດໄສການຕິດເຊື້ອ COVID ຍາວນານ. ມັນເປັນເລື່ອງຍາກສໍາລັບຄົນເຈັບທີ່ຈະອະທິບາຍອາການ. ບໍ່ມີການທົດສອບໃນຫ້ອງທົດລອງ ຫຼື ການສຶກສາຮູບພາບເພື່ອເຮັດການວິນິດໄສ. ການທົດສອບທາງການແພດສາມາດສະແດງຜົນປົກກະຕິເຖິງແມ່ນວ່າຄົນເຈັບມີການຕິດເຊື້ອ COVID ຍາວນານກໍ່ຕາມ.
ບາງຄົນທີ່ລາຍງານອາການຂອງການຕິດເຊື້ອ COVID ຍາວນານບໍ່ໄດ້ສະແດງອາການຂອງ COVID-19 ແລະ ບໍ່ໄດ້ທົດສອບ COVID-19 ເມື່ອພວກເຂົາເຈັບປ່ວຍໃນເບື້ອງຕົ້ນ. ນີ້ເຮັດໃຫ້ມັນຍາກທີ່ຈະຢືນຢັນວ່າພວກເຂົາມີ COVID-19 ແລະ ສາມາດປ້ອງກັນ ຫຼື ເລື່ອນການວິນິດໄສຂອງການຕິດເຊື້ອ COVID ຍາວນານ. ມັນເປັນສິ່ງສຳຄັນທີ່ທ່ານ ໄດ້ຮັບການທົດສອບ COVID-19 ເມື່ອທ່ານຮູ້ສຶກເຈັບປ່ວຍເປັນຄັ້ງທຳອິດ ເພື່ອຊ່ວຍໃນການວິນິດໄສການ ຕິດເຊື້ອ COVID ຍາວນານຂອງທ່ານໃນຕໍ່ມາ.
ຄະແນະນຳຂອງຄົນເຈັບ: ການນັດໝາຍຜູ້ໃຫ້ບໍລິການດູແລສຸຂະພາບສຳລັບອາການຫຼັງ COVID (ເປັນພາສາອັງກິດ)
ອາການສຸຂະພາບໃໝ່ ແລະ ມີຢູ່ກ່ອນແລ້ວ
ການຕິດເຊື້ອ COVID-19 ສາມາດສົ່ງຜົນກະທົບຕໍ່ຫຼາຍລະບົບອະໄວຍະວະ ແລະ ບາງຄັ້ງສາມາດກໍ່ໃຫ້ເກີດອາການຈາກພູມຕ້ານທານທີ່ອາດຈະມີບົດບາດຕໍ່ການຕິດເຊື້ອ COVID ຍາວນານ. ອາການຈາກພູມຕ້ານທານສາມາດເກີດຂື້ນໄດ້ເມື່ອລະບົບພູມຕ້ານທານຂອງຮ່າງກາຍກໍ່ໃຫ້ເກີດການອັກເສບ ຫຼື ຄວາມເສຍຫາຍຂອງເນື້ອເຍື່ອໃນສ່ວນຕ່າງໆ ທີ່ໄດ້ຮັບຜົນກະທົບຂອງຮ່າງກາຍ. ນີ້ໝາຍຄວາມວ່າຜູ້ທີ່ມີ COVID-19 ອາດມີແນວໂນ້ມທີ່ຈະມີຄວາມກັງວົນ ດ້ານສຸຂະພາບໃໝ່ຫຼາຍຂຶ້ນ ເຊັ່ນ ພະຍາດເບົາຫວານ ຫຼື ພະຍາດຫົວໃຈ. ສະພາບສຸຂະພາບທີ່ມີຢູ່ກ່ອນແລ້ວ ເຊັ່ນ ພະຍາດເບົາຫວານ ແລະ ພະຍາດຫົວໃຈ ອາດຈະກາຍເປັນທີ່ຮ້າຍແຮງຂຶ້ນຫຼັງຈາກການຕິດເຊື້ອ COVID-19.
ການຕິດເຊື້ອ COVID ຍາວນານ ແລະ ສິດທິຄວາມພິການ
ການຕິດເຊື້ອ COVID ຍາວນານສາມາດກໍ່ໃຫ້ເກີດຄວາມບົກຜ່ອງດ້ານຮ່າງກາຍ ແລະ ຈິດໃຈ ແລະ ຖືວ່າເປັນຄວາມພິການພາຍໃຕ້ Americans with Disabilities Act (ADA, ກົດໝາຍວ່າດ້ວຍຄົນພິການອາເມລິກາ). ຜູ້ທີ່ມີການຕິດເຊື້ອ COVID ຍາວນານແມ່ນໄດ້ຮັບການປົກປ້ອງຕາມກົດໝາຍ ຈາກການຈຳແນກຄວາມພິການ. ພວກເຂົາອາດຈະມີສິດໄດ້ຮັບການດັດແປງທີ່ສົມເຫດສົມຜົນຈາກທຸລະກິດ, ລັດ, ແລະ ລັດຖະບານທ້ອງຖິ່ນ ເພື່ອຮອງຮັບຂໍ້ຈຳກັດທີ່ກ່ຽວຂ້ອງກັບການຕິດເຊື້ອ COVID ຍາວນານ.
ຄຳແນະນຳກ່ຽວກັບ “ການຕິດເຊື້ອ COVID ຍາວນານ” ໃນຖານະຜູ້ພິການພາຍໃຕ້ ADA (ເປັນພາສາອັງກິດ)
ການຕິດເຊື້ອ COVID ຍາວນານ ແລະ ການຖືພາ
ແມ່ຍິງທີ່ຖືພາ ຫຼື ຖືພາເມື່ອບໍ່ດົນມານີ້ມີແນວໂນ້ມທີ່ຈະປ່ວຍໜັກຈາກ COVID-19. COVID-19 ສາມາດກໍ່ໃຫ້ເກີດອາການແຊກຊ້ອນທີ່ສົ່ງຜົນກະທົບຕໍ່ການຖືພາ ແລະ ເດັກທີ່ກຳລັງພັດທະນາ.
ມີຫຼາຍຄົນຍັງບໍ່ທັນຮູ້ກ່ຽວກັບວ່າການຕິດເຊື້ອ COVID ຍາວນານອາດມີຜົນກະທົບແນວໃດຕໍ່ການຖືພາ. National Institutes of Health (NIH, ສະຖາບັນສຸຂະພາບແຫ່ງຊາດ) (ເປັນພາສາອັງກິດ) ຈະດໍາເນີນການສຶກສາ 4 ປີກ່ຽວກັບຜົນກະທົບໄລຍະຍາວຂອງ COVID-19 ໃນແມ່ຍິງຜູ້ທີ່ເປັນ COVID-19 ໃນຂະນະທີ່ຖືພາ ແລະ ລູກຫຼານຂອງພວກເຂົາ.
ການຕິດເຊື້ອ COVID ຍາວນານ ແລະ ໄວໜຸ່ມ
ໄວໜຸ່ມຍັງສາມາດເຈັບປ່ວຍຈາກການຕິດເຊື້ອ COVID ຍາວນານ. ໄວໜຸ່ມທີ່ມີອາການຂອງການຕິດເຊື້ອ COVID ຍາວນານ ເຊັ່ນ ເມື່ອຍລ້າ ແລະ ຫຍຸ້ງຍາກໃນການຕັ້ງສະມາທິ ອາດມີບັນຫາໃນການເຂົ້າຮ່ວມກິດຈະກຳໃນໂຮງຮຽນ ແລະ ກິດຈະກຳອື່ນໆ. ເດັກນ້ອຍອາດຈະມີຄວາມຫຍຸ້ງຍາກໃນການສື່ສານກ່ຽວກັບອາການຂອງພວກເຂົາ.
ເດັກນ້ອຍທີ່ມີການຕິດເຊື້ອ COVID ຍາວນານອາດຈະມີສິດໄດ້ ຮັບການສຶກສາພິເສດ, ການປົກປ້ອງ ຫຼື ການບໍລິການທີ່ກ່ຽວຂ້ອງພາຍໃຕ້ 2 ກົດໝາຍຂອງລັດຖະບານກາງ (ເປັນພາສາອັງກິດ).
ການໃຫ້ໄວໜຸ່ມໄດ້ສັກຢາວັກຊີນຕ້ານ COVID-19 ແມ່ນວິທີທີ່ດີທີ່ສຸດເພື່ອ ປ້ອງກັນການຕິດເຊື້ອ COVID ຍາວນານໃນໄວໜຸ່ມ.
ຮຽນຮູ້ເພີ່ມເຕີມກ່ຽວກັບການສັກຢາປ້ອງກັນໃຫ້ໄວໜຸ່ມ.
ຂໍ້ມູນສໍາລັບແພດ
- ການຟື້ນຕົວ: ການຄົ້ນຄວ້າ COVID ເພື່ອປັບປຸງການຟື້ນຕົວ (ເປັນພາສາອັງກິດ): ສ້າງຂຶ້ນໂດຍ National Institutes of Health (NIH) ເພື່ອສ້າງຄວາມສະດວກໃຫ້ແກ່ການຄົ້ນຄວ້າການຕິດເຊື້ອ COVID ຍາວນານ.
- ອາການຫຼັງ COVID: ຂໍ້ມູນສໍາລັບຜູ້ໃຫ້ບໍລິການດູແລສຸຂະພາບ (ເປັນພາສາອັງກິດ): ພາບລວມສໍາລັບຜູ້ໃຫ້ບໍລິການດູແລສຸຂະພາບທີ່ສ້າງຂຶ້ນໂດຍ Centers for Disease Control and Prevention (CDC, ສູນຄວບຄຸມ ແລະ ປ້ອງກັນພະຍາດ).
- ອາການຫຼັງ COVID: CDC ວິທະຍາສາ (ເປັນພາສາອັງກິດ) ສະຫຼຸບວິທະຍາສາດຂອງການຕິດເຊື້ອ COVID ຍາວນານ ແລະ ລິ້ງເຊື່ອມຕໍ່ກັບການສຳມະນາຜ່ານເວັບໄຊທ໌ທາງດ້ານຄລີນິກກ່ຽວກັບອາການຫຼັງ COVID.