COVID-19

 

COVID-19 သတင်းအချက်အလက် ဟော့လိုင်းဖုန်းနံပါတ်

သင့်တွင် COVID-19 နှင့်ပတ်သက်၍ မေးခွန်းများရှိပါက 1-800-525-0127 သို့ခေါ်ဆိုပြီး 7 ကိုနှိပ်ပါ။  ၎င်းတို့မှ ဖုန်းဖြေဆိုသည့်အခါ ဘာသာပြန်ဝန်ဆောင်မှုများကို ရယူရန် သင့်ဘာသာစကားကို ပြောပါ။ ဟော့လိုင်းဖုန်းကို တနင်္လာနေ့ နံနက် 6 နာရီမှ ည 10 နာရီအထိ လည်းကောင်း၊ အင်္ဂါနေ့မှ တနင်္လာနေ့ (ရုံးပိတ်ရက်များ) နံနက် 6 နာရီမှ ညနေ 6 နာရီအထိ ခေါ်ဆိုနိုင်ပါသည်။

အိမ်နေရာသို့ ပြန်ပြီး ကိုဗစ်-19 ကာကွယ်ဆေး လိုအပ်ပါသလား။

စာရင်းပေးသွင်းရန် နည်းလမ်းသုံးမျိုးရှိသည်။ (အင်္ဂလိပ်ဘသာ) သို့မဟုတ် COVID-19 ဟော့လိုင်းနံပါတ် 1-800-525-0127 ကိုခေါ်ဆိုပြီး 7 ကိုနှိပ်ပါ

ကိုရိုနာဗိုင်းရပ်စ် (ကိုဗစ်-19) ကာကွယ်ဆေး

ကိုဗစ်-19 ကာကွယ်ဆေးဆိုင်ရာ လက်ရှိ နှင့် အသေးစိတ်အချက်အလက်များအတွက် ကျေးဇူးပြု၍ ဤဝက်ဘ်စာမျက်နှာကို သင့်ဘာသာစကားဖြင့် ဝင်ရောက်ကြည့်ရှုပါ။ ကိုဗစ်-19 ကာကွယ်ဆေး အချက်အလက်

ကိုဗစ်-19 ၏ ရောဂါလက္ခဏာများ၊ လက္ခဏာပုံစံများနှင့် ကာကွယ်မှု

ကိုဗစ်-19 အဓိကလက္ခဏာများမှာ အောက်ပါအတိုင်းဖြစ်သည်။

  • ဖျားခြင်း သို့မဟုတ် ချမ်းခြင်း၊ ချောင်းဆိုးခြင်း၊ အသက်ရှူမဝခြင်း သို့မဟုတ် အသက်ရှူရခက်ခဲခြင်း၊ ပင်ပန်းနွမ်းနယ်ခြင်း၊ ကြွက်သား သို့မဟုတ် ခန္ဓာကိုယ်ကိုက်ခဲခြင်း၊ ခေါင်းကိုက်ခြင်း၊ အရသာ သို့မဟုတ် အနံ့များ ဆုံးရှုံးခြင်း၊ လည်ချောင်းနာခြင်း၊ နှာရည်ယိုခြင်း၊ ပျို့အန်ခြင်း သို့မဟုတ် အန်ခြင်းနှင့် ဝမ်းလျှောခြင်း။
  • အောက်ပါ ကိုဗစ်-19 အရေးပေါ်သတိပေးလက္ခဏာပုံစံများကို သတိပြုမိပါက 911 သို့ ဖုန်းခေါ်ဆိုပါ-
    • အသက်ရှုကျပ်ခြင်း
    • အဆက်မပြတ် ရင်ဘတ်အောင့်ခြင်း သို့မဟုတ် ဖိထားသလို ခံစားရခြင်း
    • ရုတ်တရက်စိတ်ရှုပ်ခြင်း
    • တုံ့ပြန်နိုင်စွမ်းမရှိခြင်း
    • ခရမ်းရောင်သန်း နှုတ်ခမ်း သို့မဟုတ် မျက်နှာ
  • ဘယ်လိုပုံစံလူတွေမှာ အန္တရာယ်ရှိနိုင်လဲ။

ကျွန်ုပ်နှင့် ကျွန်ုပ်၏ မိသားစုကို ကျွန်ုပ် မည်သို့ ကာကွယ်နိုင်မည်နည်း။

  • ကာကွယ်ဆေးထိုးပြီး လိုအပ်သည့်အချိန်ရောက်လျှင် အားဖြည့်ကာကွယ်ဆေး(booster)ထပ်မံထိုးပါ။
  • နေမကောင်းပါက အိမ်မှာနေပါ။
  • နှာခေါင်းစည်းတပ်ပြီး လူများသည့်နေရာများကို သွားသည့်အခါ အခြားသူများနှင့် ခြောက်ပေ (နှစ်မီတာ) အကွာတွင်နေပါ။
  • လူစုလူဝေးနှင့် လေဝင်လေထွက်မကောင်းသော နေရာများကို ရှောင်ပါ။
  • လက်ကို မကြာခဏဆေးပါ သို့မဟုတ် လက်သန့်ဆေးရည် သုံးပါ။
  • ချောင်းဆိုးပြီး နှာချေခြင်းကို တံတောင် ဒါမှမဟုတ် တစ်ရှူးနဲ့ အုပ်ပါ။
  • သင့်မျက်နှာ၊ ပါးစပ်၊ နှာခေါင်း သို့မဟုတ် မျက်လုံးကို မထိပါနှင့်။
  • သင့်အိမ်၏ ကြမ်းပြင်မျက်နှာပြင်များကို သန့်ရှင်းပါ။
  • သင့်တွင် ကိုဗစ်-19 ရောဂါလက္ခဏာများရှိပါက သင့်ကျန်းမာရေးစောင့်ရှောက်မှုပေးသူနှင့် ဆွေးနွေးပါ။ အကယ်၍ သင့်တွင် ဝန်ဆောင်မှုပေးသူမရှိပါက၊ သင့်အနီးရှိ အရေးပေါ်စောင့်ရှောက်မှုစင်တာ သို့မဟုတ် လူထုကျန်းမာရေးစင်တာနှင့် ဆွေးနွေးတိုင်ပင်ပါ။ သင့်တွင် အာမခံမရှိပါက သင့်ဒေသကျန်းမာရေးဌာနသို့ ဆက်သွယ်ပါ။ 
ကိုဗစ်-19 အတွက် စမ်းသပ်စစ်ဆေးခြင်း

ကိုဗစ်-19 စမ်းသပ်စစ်ဆေးမှုဆိုင်ရာ လက်ရှိနှင့် အသေးစိတ်အချက်အလက်များအတွက် ကျေးဇူးပြု၍ ဤဝက်ဘ်စာမျက်နှာကို သင့်ဘာသာစကားဖြင့် ဝင်ရောက်ကြည့်ရှုပါ- ကိုဗစ်-19 စမ်းသပ်စစ်ဆေးခြင်းဆိုင်ရာ အချက်အလက်များ

နေရာခွဲနေထိုင်ခြင်း(Quarantine) နှင့် တစ်ကိုယ်တည်းခွဲနေထိုင်ခြင်း(Isolation)

ဤခွဲနေထိုင်ခြင်းများအကြောင်း သို့မဟုတ် နေရာခွဲနေထိုင်ခြင်း သို့မဟုတ် တစ်ယောက်တည်း ခွဲနေထိုင်ရမည့် ကြာချိန်များအကြောင်း ပိုမိုသိရှိလိုပါက နေရာခွဲနေထိုင်ခြင်း သို့မဟုတ် တစ်ယောက်တည်းခွဲနေခြင်း တွက်ချက်ခြင်း ဝက်ဘ်စာမျက်နှာတွင်ကြည့်ပါ။

နှာခေါင်းစည်းများအသုံးပြုခြင်း

နှာခေါင်းစည်းများသည် ကိုဗစ်-19 ရှိသူမှ စကားပြော၊ ချောင်းဆိုး သို့မဟုတ် နှာချေသောအခါတွင် လေထဲသို့ ဗိုင်းရပ်စ်အမှုန်အမွှားများ ထုတ်လွှတ်မှုကို လျှော့ချပေးနိုင်သည်။ ကိုဗစ်-19 ရှိပြီး အပျော့စား သို့မဟုတ် လက္ခဏာမပြတတ်ခြင်းမျိုးလည်းရှိနိုင်ပါသည်။ နှာခေါင်းစည်းကိုအသုံးပြုခြင်းသည် သင့်တွင် ကိုဗစ်-19 ရှိနေသည်ကို မသိဘဲ အခြားလူများသို့ ကူးစက်ခြင်းမှ တားဆီးပေးပါသည်။ သင့်အတွက် အပျော့စား ကူးစက်မှုဖြစ်နိုင်သော်လည်း အခြားသူတစ်ဦးကို သေစေနိုင်သည်။

အောက်ဖော်ပြပါသည် နှာခေါင်းစည်းအသုံးပြုနည်း ဖြစ်သည်။

  • နှာခေါင်းစည်းများသည် သင့်ပါးစပ်နှင့် နှာခေါင်းတို့ကို ဖုံးအုပ်ထားသင့်ပြီး သင့်မျက်နှာ၏ ဘေးနှစ်ဖက်တွင် လုံခြုံစွာ အံဝင်ခွင်ကျရှိနေသင့်သည်။
  • သင့်နှာခေါင်းစည်းကို တပ်ဆင်ပြီး နားကွင်း သို့မဟုတ် ကြိုးနေရာမှ ဖယ်ရှားကာ နှာခေါင်းစည်းအရှေ့ဖက် သို့မဟုတ် သင့်မျက်နှာကို မထိပါနှင့်။
  • သင် နေ့စဉ်အသုံးပြုသည့် နှာခေါင်းစည်းများကို စွန့်ပစ်ခြင်း သို့မဟုတ် နေ့တိုင်း ဝတ်ပြီးနောက် မျက်နှာကို ဆေးကြောခြင်း နှင့် လက်ကို မကြာခဏ ဆေးကြောပါ။
  • အသက်နှစ်နှစ်အောက်ကလေးများသည် နှာခေါင်းစည်းများ လုံးဝ မ၀တ်သင့်ပါ နှင့်အသက် ၂ နှစ်မှ ၄ နှစ်ကြား ကလေးများသည် အရွယ်ရောက်ပြီးသူ၏ ကြီးကြပ်မှုဖြင့် နှာခေါင်းစည်းကို တပ်သင့်သည်။
  • နှာခေါင်းစည်း မှာယူမှုများတွင် အချို့သော ကျန်းမာရေးအခြေအနေရှိသူများအတွက် ခြွင်းချက်များ ရှိသည်။ သင့်တွင် စိုးရိမ်မှုများရှိပါက သင့်အတွက် အကောင်းဆုံးဖြစ်မည့် အရာကို သိရှိရန် သင့်ဆရာဝန်နှင့် တိုင်ပင်အတည်ပြုပါ။
စတိုးဆိုင်များ နှင့် လူများသည့်နေရာများသို့ သွားရောက်ခြင်းကို ပို၍ ဘေးကင်းပါစေ

သင် နှင့် အခြားလူများ ကာကွယ်မှုအတွက် အိမ်မှမထွက်မီ နှင့် ထွက်လာအပြီးတွင် သင်စဉ်းစားလုပ်ပေးရန် အရာများစွာရှိသည်။

မထွက်ခွာခင်-

  • ဖျားနာပါက ဖြစ်နိုင်လျှင် စတိုးဆိုင် သို့မဟုတ် အခြားအများပြည်သူနေရာများသို့ မသွားပါနှင့်။ သင့်အတွက် ပစ္စည်းများကို သွားယူရန် မိသားစုဝင် သို့မဟုတ် သူငယ်ချင်းကို တောင်းဆိုပါ။
  • ကုန်ပစ္စည်းများ၊ ဆေးဝါးများနှင့် အခြားပစ္စည်းများကို သင့်အိမ်သို့ ပို့ဆောင်ရန် အွန်လိုင်းတွင် မှာယူရန် စဉ်းစားပါ။
  • အထူးအချိန်ဇယားများကိုစစ်ဆေးပါ။ စတိုးဆိုင်များသည် အသက် 65 နှစ် အထက် သက်ကြီးရွယ်အိုများနှင့် အခြားကျန်းမာရေးအခြေအနေရှိသူများအတွက် အထူးအချိန်များဖြင့် သတ်မှတ်ဝန်ဆောင်မှု ပေးနိုင်ပါသည်။ ဖြစ်နိုင်လျှင် အလုပ်မများသောအချိန်များတွင် စတိုးဆိုင်သို့သွားရန် စဉ်းစားပါ။
  • အိမ်မှ မထွက်ခွာမီ လက်ကိုဆေးကြောပါ။

အပြင်ထွက်သည့်အခါ

  • နှာခေါင်းနှင့် ပါးစပ်ကို ဖုံးအုပ်ရန် နှာခေါင်းစည်းကို အသုံးပြုပါ။
  • ငွေပေးချေရန် လိုင်းတွင်ပင် သင်နှင့် အခြားသူများအကြား အနည်းဆုံး ခြောက်ပေ (နှစ်မီတာ) အကွာအဝေးကို ထားပြီး ရပ်နေပါ။
  • ချောင်းဆိုး သို့မဟုတ် နှာချေခြင်းကို ဖုံးအုပ် ကာကွယ်ထားပါ။
  • သင့်မျက်နှာကို မထိပါနဲ့။
  • ဈေးဝယ်ထွက်ပါက လက်သန့်ဆေး သို့မဟုတ် ပိုးသတ်ဆေး အသုံးပြုပြီး တွန်းလှည်းလက်ကိုင် သို့မဟုတ် ဈေးခြင်းတောင်းကို သန့်ရှင်းပါ။

သင် အိမ်ပြန်ရောက်တဲ့အခါ-

  • သင့် ဝတ်ထားသော နှာခေါင်းစည်းကို ဖယ်ရှားပြီး လျှော်ဖွတ်ပြီး သေချာသိမ်းဆည်းပါ။ သင်၏ တစ်ခါသုံး နှာခေါင်းစည်း ကို စွန့်ပစ်ပါ။
  • သင့်လက်များကိုဆေးကြောပါ။
  • အစားအစာဘေးကင်းရေး အလေ့အကျင့်များ လုပ်ဆောင်ပါ။ စားနိုင်သော ထုတ်ကုန်များကို ပိုးသတ်ဆေးမဖြန်းပါနှင့်။ အသီးအနှံနှင့် ဟင်းသီးဟင်းရွက်များကို ပုံမှန်အတိုင်းဆေးကြောပါ။
  • ကိုဗစ်-19 ကုန်စုံစျေးဝယ် အကြံပြုချက်များ။ (အင်္ဂလိပ်ဘသာ)
ပြင်းထန်သောရောဂါအခြေအနေ ဖြစ်နိုင်ချေ များသောလူ

ပြင်းထန်သော နာမကျန်းမှုဖြစ်နိုင်ချေ ပိုများနေသူများသည် ဤကဲ့သို အပိုဆောင်းသတိထားရန် အချက်များကို လိုက်နာသင့်သည်-

  • သင်အကြံဉာဏ်များ လိုအပ်သည့်အခါ သင့်ကျန်းမာရေးစောင့်ရှောက်မှုပေးသူကို ဆက်သွယ်ပါ။ အချို့ဆေးခန်းများသည် ဆက်သွယ်ရန်အတွက် "လူနာပေါ်တယ်(patient portals) ကို အသုံးပြုကြပြီး အများအပြားတွင် ဖုန်းခေါ်ဆိုမှုများဖြင့် အကြံဉာဏ်ပေးနိုင်သော ဝန်ထမ်းများရှိသည်။ သို့သော် ၎င်းတို့သည် အလွန်အလုပ်များနိုင်ကြောင်း သတိပြုပါ။
  • သင်လိုအပ်သော ဆေးဝါးများစာရင်းကို စာရင်းပြုစုပြီး ဆေးဆိုင် သို့မဟုတ် ကျန်းမာရေးစောင့်ရှောက်မှုပေးသူထံ စစ်ဆေးကာ ၎င်းတို့သည် သင့်အား ဆေးညွှန်းဆေးဝါးများ ထပ်မံပံ့ပိုးပေးနိုင်ခြင်း ရှိ၊မရှိကို သိအောင် ပြုလုပ်ထားပါ။ သင်သောက်နေသော အခြားဆေးဝါးများ သို့မဟုတ် ဖြည့်စွက်စာများ၏ မှတ်တမ်းကို မှတ်သားထားပြီး သင့်လက်ရှိအခြေအနေများကို ညွှန်ကြားထားသည့်အတိုင်း စောင့်ကြည့်နေပါ။
  • အကြံပြုထားသော ကာကွယ်ဆေးအားလုံးနှင့်ပတ်သတ်သည့် နောက်ဆုံးရသတင်းများကို ဆက်လက်ရယူပါ။ သင်သည် အရည်အချင်းပြည့်မှီသောအခါ ကိုဗစ်-19 ကာကွယ်ဆေးနှင့် အားဖြည့်ကာကွယ်ဆေး(booster) ကို ထိုးပါ။ ဤနေရာကို နှိပ်ပြီး သင့်အနီးရှိ ကာကွယ်ဆေးထိုးပေးမည့်နေရာကို ရှာပါ။
  • တစ်ယောက်တည်းခွဲနေရန် သို့မဟုတ် နေရာခွဲနေထိုင်ရန်(quarantine) ပြုလုပ်ရန် လိုအပ်ပါက သင့်တွင် လုံလောက်သော အစားအစာနှင့် တစ်ကိုယ်ရည်သန့်ရှင်းရေး ပစ္စည်းများ ရှိနေကြောင်း သေချာပါစေ။
  • သင့်အား ကူညီနိုင်သည့်သူကို အကူအညီတောင်းပြီး သင်အဆင်ပြေကြောင်း သေချာစေရန် ၎င်းတို့မှ သင့်အား ဖုန်းခေါ်ဆိုရန် တောင်းဆိုပါ။ ၄င်းတို့ နေမကောင်းဖြစ်နေလျှင် သင့်ထံသို့ လာမလည်သင့်သည်ဟု သိနေပါစေ။
  • သင့်ကျန်းမာရေးကို စောင့်ကြည့်ပြီး လိုအပ်ပါက ဆေးကုသမှုခံယူပါ။
ကိုယ်ဝန်ဆောင်များ၊ ကလေးများနှင့် ကိုဗစ်-19

လက်ရှိမှာ သင်ကိုယ်ဝန်ဆောင်ထားရပါက ဘာတွေသိထားသင့်လဲ။

  • ကိုယ်ဝန်ဆောင် သို့မဟုတ် မကြာသေးမီက ကိုယ်ဝန်ရှိသူများသည် ကိုယ်ဝန်မရှိသူများနှင့် နှိုင်းယှဉ်ပါက ကိုဗစ်-19 ကြောင့် ပြင်းထန်စွာ ဖျားနာနိုင်ခြေ ပိုများသည်။
  • ကိုယ်ဝန်ဆောင်စဉ်အတွင်း ကိုဗစ်-19 ကူးစက်ခံရသူများသည် လမစေ့ဘဲမွေးခြင်း (37 ပတ်ထက်စော၍ ကလေးမွေးဖွားခြင်း) နှင့် ကလေးပျက်ကျခြင်းနှင့် အခြားသောကိုယ်ဝန်ဆိုင်ရာ နောက်ဆက်တွဲပြဿနာများ ဖြစ်နိုင်ခြေ ပိုများသည်။
  • ကိုယ်ဝန်ဆောင် သို့မဟုတ် မကြာသေးမီက ကိုယ်ဝန်ရှိနေသူများနှင့် ၎င်းတို့နှင့် ထိတွေ့ဖူးသူများသည် ကိုဗစ်-19 ကူးစက်ခံရခြင်းမှ မိမိကိုယ်ကို ကာကွယ်ရန် ဤအဆင့်များကို လုပ်ဆောင်သင့်သည်-
    • ကာကွယ်ဆေး နှင့် အားဖြည့်ကာကွယ်ဆေးထိုးပါ။
    • နှာခေါင်းစည်း တပ်ပါ။
    • အခြားသူများနှင့် ၆ ပေအကွာတွင်နေ၍ လူစုလူဝေးနှင့် လေဝင်လေထွက်မကောင်းသောနေရာများကို ရှောင်ကြဉ်ပါ။
    • အခြားသူများကို ကူးစက်ခြင်းမှ ကာကွယ်ရန် ဆေးစစ်ပါ။
    • လက်ကို မကြာခဏဆေးကြောပြီး ချောင်းဆိုးခြင်းနှင့် နှာချေခြင်းကို တံတောင် ဒါမှမဟုတ် တစ်ရှူးနဲ့ အုပ်ထားပါ။
    • သင့်အိမ်ကို ပုံမှန်သန့်ရှင်းစေပြီး ပိုးသတ်ပါ။
    • သင့်ကျန်းမာရေးအခြေအနေကို နေ့စဉ်စောင့်ကြည့်ပါ။
    • သင့်ကိုယ်ဝန်နှင့် ပတ်သတ်ပြီး ဖျားနေနေသည် သို့မဟုတ် ကိုဗစ်-19 ဖြစ်နိုင်သည်ဟု စိုးရိမ်နေပါက သင့်ကျန်းမာရေးစောင့်ရှောက်မှုပေးသူကို ချက်ချင်းဖုန်းဆက်ပါ။

ကိုယ်ဝန်နှင့် ကိုဗစ်-19 ကာကွယ်ဆေး

  • ကိုယ်ဝန်ဆောင်များ၊ နို့တိုက်ခြင်း(အမျိုးသားရောအမျိုးသမီးအတွက်ပါ)၊ လက်ရှိတွင်ကိုယ်ဝန်ယူရန် ကြိုးစားနေသူများ သို့မဟုတ် အနာဂတ်တွင် ကိုယ်ဝန်ရှိလာနိုင်သူများအတွက် ကိုဗစ်-19 ကာကွယ်ဆေးထိုးရန် အကြံပြုထားသည်။
  • ကိုယ်ဝန်ဆောင်စဉ်အတွင်း ကိုဗစ်-19 ကာကွယ်ဆေး၏ ဘေးကင်းမှုနှင့် ထိရောက်မှုဆိုင်ရာ အထောက်အထားများမှာ တိုးလာလျက်ရှိသည်။ ကိုဗစ်-19 ကာကွယ်ဆေးထိုးထားခြင်း၏ အကျိုးကျေးဇူးများသည် ကိုယ်ဝန်ဆောင်စဉ် ကာကွယ်ဆေးထိုးခြင်း၏ အဖြစ်များ သို့မဟုတ် ဖြစ်နိုင်ခြေရှိသော အန္တရာယ်များကို ပိုမိုကာကွယ်ပေးနိုင်သည်ဟု ဒေတာအချက်အလက်များက အကြံပြုထားသည်။
  • ကိုယ်ဝန်ရှိသူများသည် ထိုးချိန်ပြန်ရောက်လာသောအခါတွင် ကိုဗစ်-19 ကာကွယ်အားဖြည့်ဆေးကို ထိုးသင့်သည်။
  • ကိုဗစ်-19 ကာကွယ်ဆေးများသည် ကိုယ်ဝန်ဆောင်နေသူများ သို့မဟုတ် ၎င်းတို့၏ကလေးငယ်များအပါအဝင် ကိုဗစ်-19 ကူးစက်မှုကို မဖြစ်စေပါ။
  • ကိုဗစ်-19 ကာကွယ်ဆေးများအပါအဝင် မည်သည့် ကာကွယ်ဆေးမဆို အမျိုးသမီးများ သို့မဟုတ် အမျိုးသားများတွင် မျိုးပွားမှုဆိုင်ရာပြဿနာများဖြစ်စေကြောင်း လောလောဆယ်တွင် အထောက်အထားမရှိပါ။
  • ကိုယ်ဝန်ဆောင်ထားပြီး ကိုဗစ်-19 ကာကွယ်ဆေးအကြောင်း နောက်ထပ်သိလိုသော မေးခွန်းများ ရှိပါသလား။ သင့်ကျန်းမာရေးစောင့်ရှောက်မှုပေးသူနှင့် ပြောဆိုမေးမြန်းပါ သို့မဟုတ် ကျွမ်းကျင်သူများထံ ဖုန်း သို့မဟုတ် စာရိုက်မေးခြင်းဖြင့်ဖြင့် မေးခွန်းများဖြေဆိုပေးနိုင်သော MotherToBaby သို့ ဆက်သွယ်ပါ။ အခမဲ့ လျှို့ဝှက်ထားပေးဝန်ဆောင်မှုကို တနင်္လာမှသောကြာ၊ နံနက် ၈ နာရီမှ ညနေ ၅ နာရီအထိ ရရှိနိုင်ပါသည်။ တိုက်ရိုက်စာရိုက်ရန် သို့မဟုတ် အီးမေးလ်ပေးပို့ရန် MotherToBaby (မိခင်မှကလေးသို့) တွင်လေ့လာပါ၊ သို့မဟုတ် 1-866-626-6847 သို့ခေါ်ဆိုပါ (အင်္ဂလိပ်နှင့် စပိန်ဘာသာဖြင့်သာ ရနိုင်သည်)။

သင့်တွင် ကိုဗစ်-19 ရှိပါက သင့်မွေးကင်းစကလေးများကို စောင့်ရှောက်နည်း

  • ကိုယ်ဝန်ဆောင်ကာလမှာ ကိုဗစ်-19 ရှိသော လူများ၏ မွေးကင်းစကလေးအများစုဟာ မွေးစအချိန်မှာ ကိုဗစ်-19 မရှိပါ။
  • ကိုဗစ်-19 ကူးစက်ခံထားရသော မွေးကင်းစကလေးအများစုမှာ ရောဂါလက္ခဏာအနည်းငယ် သို့မဟုတ် လုံးဝမပြဘဲ သက်သာလာပါသည်။ မွေးကင်းစကလေးငယ်အချို့သည် ပြင်းထန်သော ကိုဗစ်-19 ရောဂါကို ခံစားရကြောင်း အစီရင်ခံစာများမှ ဆိုထားသည်။
  • အကယ်၍ သင်သည် ကိုဗစ်-19 ကြောင့် တစ်ကိုယ်တည်းခွဲနေထိုင်နေရပြီး မွေးကင်းစကလေးတစ်ဦးရှိပါက၊ သင်၏ သီးခြားနေထိုင်သည့်ကာလ ကုန်ဆုံးသည်အထိ အောက်ပါသတိထားမှုများကို လိုက်နာပါ-
    • သင့်အိမ်ပြင်ပ အခြားသူများနှင့် ခွဲထားရန် အိမ်တွင်သာနေပါ။
    • ရောဂါပိုးမရှိသော အခြားအိမ်ထောင်စုဝင်များနှင့် သီးခြားနေပါ။ တွေ့ရမည့်နေရာများတွင် နှာခေါင်းစည်းတပ်ပါ။
    • ကာကွယ်ဆေးအပြည့်ထိုးထားပြီး ပြင်းထန်ဖျားနာအန္တရာယ် မြင့်မားမှုမရှိသော ကျန်းမာရေးပြုစုစောင့်ရှောက်သူရှိလျှင် သင့်မွေးကင်းစကလေးအား စောင့်ရှောက်မှုပေးနိုင်ပါသည်။ ဖြစ်နိုင်လျှင် အခြား ပြုစုစောင့်ရှောက်သူမှ ကလေးကို နို့တိုက်ကျွေးနိုင်စေရန် နို့ရည်ညှစ်ထုတ်ပေးပါ။ ဖော်မြူလာနဲ့ ကျွေးပါက ကျန်းမာသော ပြုစုစောင့်ရှောက်သူကို ပြင်ဆင်ခိုင်းပါ။
    • သင့်ကလေးအား နို့တိုက်နေစဉ် သို့မဟုတ် သင့်ကလေးကို ချီထားစဉ် နှာခေါင်းစည်းတပ်ခြင်းအပါအဝင် သင့်ခွဲနေသောအချိန်မကုန်ဆုံးမီ သင့်မွေးကင်းစကလေးကို ဂရုစိုက်ရမည်ဟူသော အကြံပြုထားသည့် ကြိုတင်ကာကွယ်မှုများကို လိုက်နာပါ။
    • ကိုဗစ်-19 ရောဂါလက္ခဏာများအတွက် သင့်မွေးကင်းစကလေးကို စောင့်ကြည့်ပါ။
    • ကိုယ်ဝန်ဆောင်ခြင်း၊ မွေးဖွားခြင်းနှင့် သံသယ သို့မဟုတ် အတည်ပြုထားသော ကိုဗစ်-19 ရှိသည့် သင့်ကလေးကို ပြုစုစောင့်ရှောက်ခြင်း။ (အင်္ဂလိပ်ဘသာ)
  • လက်ရှိ အထောက်အထားများအရ မိခင်နို့မှ ကလေးငယ်များထံသို့ ဗိုင်းရပ်စ် ကူးစက်နိုင်ခြေ မရှိကြောင်း သိရသည်။ မကြာသေးမီက လေ့လာမှုများအရ ကိုဗစ်-19 ကာကွယ်ဆေးထိုးထားသူများသည် မိခင်နို့မှတစ်ဆင့် ၎င်းတို့၏ကလေးဆီသို့ အကာအကွယ်ပဋိပစ္စည်းများကို လွှဲပြောင်းပေးကြောင်း သိရှိရသည်။ အကယ်၍ သင့်တွင် ကိုဗစ်-19 ရှိနေပြီး နို့တိုက်ခြင်း(အမျိုးသားရောအမျိုးသမီးအတွက်ပါ) ကို ရွေးချယ်ထားပါက
    • နို့တိုက်ခြင်း(အမျိုးသားရောအမျိုးသမီးအတွက်ပါ) မပြုမှီ လက်ကိုဆေးကြောပါ။
    • နို့တိုက်နေစဉ်(အမျိုးသားရောအမျိုးသမီးအတွက်ပါ) သင့်ကလေး၏ 6 ပေအတွင်းတွင် ရှိနေသည့်အခါတိုင်း နှာခေါင်းစည်းဝတ်ဆင်ပါ။

ကလေးမိဘများကိုပံ့ပိုးကူညီမှုဆိုင်ရာဖုန်းလိုင်း(Warm Line)ကို ကိုယ်ဝန်ဆောင် သို့မဟုတ် မိဘများ၊ သို့မဟုတ် စိတ်ကျန်းမာရေးဆိုင်ရာ ပံ့ပိုးမှုနှင့် အချက်အလက်များ လိုအပ်နေသော ၎င်းတို့၏ချစ်ခင်ရသူအတွက် ရရှိနိုင်ပါသည်။ တနင်္လာ-သောကြာ မနက် 9 နာရီမှ ညနေ 4:30 နာရီအထိ 1-888-404-7763၊ ကိုဖုန်းခေါ်ဆိုပါ။ (အင်္ဂလိပ်နှင့် စပိန်ဘာသာဖြင့်သာ) ကျွန်ုပ်တို့၏ ဖုန်းလိုင်း(Warm Line) ကို လူမှုဝန်ထမ်း၊ လိုင်စင်ရ ကုထုံးပညာရှင် သို့မဟုတ် မီးဖွားပြီးနောက် စိတ်ကျရောဂါ/စိုးရိမ်ပူပန်မှု ကြုံတွေ့ဖူးသော မိဘများမှ ဝန်ထမ်းများအနေဖြင့် ဆောင်ရွက်ဖြေကြားပေးလျက်ရှိပါသည်။ အလုပ်ချိန်ပြင်ပ ခေါ်ဆိုမှုများကို တတ်နိုင်သမျှ အမြန်ဆုံး ပြန်ဖြေပေးပါမည်။ warmline@perinatalsupport.org မှတစ်ဆင့် ကျွန်ုပ်တို့ကို ဖုန်းခေါ်ဆိုပါ၊ စာတိုပေးပို့ပါ သို့မဟုတ် အီးမေးလ်ပို့ပါ။

သင်ကိုယ်တိုင်နှင့် သင့်မိသားစုကို ဂရုစိုက်ခြင်း

ဝါရှင်တန် နားစွင့်လျက် (Washington Listens) အကယ်၍ သင်သည် ကိုဗစ်-19 ကြောင့်ဖြစ်ရသည့် စိတ်ဖိစီးမှုများအကြောင်း တစ်စုံတစ်ဦးနှင့် စကားပြောရန် လိုအပ်ပါက Washington Listens ဖုန်းနံပါတ် 1-833-681-0211 သို့ ဖုန်းခေါ်ဆိုပါ။ တနင်္လာနေ့မှသောကြာနေ့အထိ မနက် 9:00 မှ 9:00 နာရီအထိ နှင့် ပိတ်ရက်များတွင် နံနက် မနက် 9:00 မှ 6:00 ထိ ဖြေကြားပေးသူတစ်ဉီးအမြဲရှိနေမည်ဖြစ်သည်။ TTY နှင့် ဘာသာစကား အသုံးပြုခွင့် ဝန်ဆောင်မှုများလည်းကို ရရှိနိုင်မည်ဖြစ်သည်။ စိတ်ပိုင်းဆိုင်ရာနှင့် စိတ်ခံစားမှုဆိုင်ရာ ကောင်းကျိုးများအတွက် နောက်ထပ်အရင်းအမြစ်များကိုလည်း ဤနေရာ သင်ရှာတွေ့နိုင်ပါသည် (အင်္ဂလိပ်လို)။

  • ယုံကြည်စိတ်ချရသောမီဒီယာများ၊ လူထုနှင့် ဒေသန္တရကျန်းမာရေးအေဂျင်စီများမှ သတင်းအချက်အလတ်များနှင့် ပြည်သူ့ကျန်းမာရေးဝက်ဘ်ဆိုဒ်များမှ အပ်ဒိတ်သတင်းများပါရှိသော လက်ရှိကူးစက်ရောဂါအခြေအနေများကို နားထောင်ပြီး သိရှိအောင် ပြုလုပ်ပါ။
  • ဖုန်းနံပါတ်များ၊ ဝက်ဘ်ဆိုက်များနှင့် ဆိုရှယ်မီဒီယာအကောင့်များကဲ့သို့သော လူထုအကူအညီပေးစာရင်းကို ပြုလုပ်ပါ။ ကျောင်းများ၊ ဆရာဝန်များ၊ ပြည်သူ့ကျန်းမာရေးအဖွဲ့အစည်းများ၊ လူမှုရေးဝန်ဆောင်မှုများ၊ စိတ်ကျန်းမာရေးနှင့် အကျပ်အတည်း အတွက် ကူညီပေးသည့် လူထုစင်တာများနှင့် ဟော့လိုင်းနံပါတ်များကို သင်ထည့်နိုင်သည်။
  • မိသားစုဝင်များ၊ သူငယ်ချင်းများကို ဖုန်းဖြင့် သို့မဟုတ် အွန်လိုင်းဝန်ဆောင်မှုများမှတစ်ဆင့် ဆက်သွယ်ပါ။
  • အခြေခံကျန်းမာရေး အထောက်အပံ့ပစ္စည်းများ (ဆပ်ပြာ၊ အယ်လ်ကိုဟောပါသော လက်သန့်ဆေးရည်၊ တစ်ရှူးများ၊ သာမိုမီတာ၊ အဖျားလျော့စေသော ဆေးဝါးများနှင့် အိမ်တွင် ကိုဗစ်-19 စမ်းသပ်ကိရိယာများ) ရှိနေပါစေ။
  • သင် သို့မဟုတ် သင့်မိသားစုဝင်များ ပုံမှန်သောက်သုံးသော ဆေးဝါးများရရှိရန် ကြိုးစားပါ။

သင့်၏ငယ်ရွယ်သောမိသားစုဝင်များအတွက် ပံ့ပိုးမှု

  • ဖုန်း၊ စာတို၊ အီးမေးလ် သို့မဟုတ် ဆိုရှယ်မီဒီယာမှတဆင့် ပြောဆိုခြင်းဖြင့် ၎င်းတို့၏ သူငယ်ချင်းများနှင့် မိသားစုများ၏ ပံ့ပိုးကူညီမှုနှင့် ဆက်သွယ်မှုကို ရယူပါ။
  • သတင်းကြောင့် စိတ်ဖိစီးမှုဖြစ်နေပါက အနားယူဖို့ မမေ့ပါနဲ့။ အင်တာနက် သို့မဟုတ် အခြားသော သတင်းရင်းမြစ်များမှ ရရှိနိုင်သော အချက်အလက်များကို ရှင်းပြရန် သင့်ကလေးများနှင့် စကားပြောပါ။
  • ကလေးများအား မေးခွန်းများမေးရန်နှင့် လက်ရှိအခြေအနေကို နားလည်သဘောပေါက်စေရန် ကူညီပေးခြင်းဖြင့် ကလေးများကို ပံ့ပိုးကူညီရာတွင် အာရုံစိုက်ပါ။
  • သူတို့မှာရှိတဲ့ ခံစားချက်တွေကို ပြောပြခိုင်းပြီး အားပေးပါ။
  • ပုံများ ဆွဲခိုင်းခြင်း သို့မဟုတ် အခြားလှုပ်ရှားလုပ်ဆောင်မှုများမှတစ်ဆင့် ၎င်းတို့၏ခံစားချက်များကို ဖော်ပြပါ။
  • နှစ်သိမ့်မှုနှင့် စိတ်ရှည်မှုကို ပုံမှန်ထက် အနည်းငယ် ပိုပေးပါ။

မိသားစုလှုပ်ရှားမှုများ

သင့်မိသားစုသည် ခွဲနေထိုင်နေလျှင် သို့မဟုတ် သီးခြားနေထိုင်နေလျှင်ပင် ၎င်းသည် ယာယီမျှသာဖြစ်ကြောင်း သတိရပါ။

အိပ်ရာဝင်ချိန်၊ အစာစားချိန်နှင့် လေ့ကျင့်ခန်းလုပ်သည့်အခါ မိသားစု၏အချိန်ဇယားကို တသမတ်တည်းထားပါ။

သင့်ကလေးများသည် ၎င်းတို့၏ကျောင်းများ သို့မဟုတ် အခြားအဖွဲ့အစည်းများမှပေးသော အဝေးသင်ပညာရေးအခွင့်အလမ်းများတွင် ပါဝင်ပါက၊ သင့်ကလေးများသည် ရွယ်တူများနှင့် လုံခြုံစွာပေါင်းသင်းဆက်ဆံနိုင်စေရန် အခွင့်အလမ်းများကို ရှာဖွေပါ။

အထီးကျန်ခြင်း၊ ငြီးငွေ့ခြင်း၊ ရောဂါကူးစက်မှုကို ကြောက်ရွံ့ခြင်း၊ စိုးရိမ်ပူပန်ခြင်း၊ စိတ်ပူပန်ခြင်းနှင့် ထိတ်လန့်နေခြင်းစသည့် ခံစားချက်များသည် ကပ်ရောဂါကဲ့သို့သော အခြေအနေတစ်ခုအတွက် ပုံမှန်တုံ့ပြန်မှုများဖြစ်ကြောင်း အသိအမှတ်ပြုပါ။

သင့်မိသားစုနှင့် ဓလေ့ရိုးရာများနှင့် အညီ ပျော်ရွှင်စရာကောင်းပြီး အဓိပ္ပါယ်ရှိသော လှုပ်ရှားမှုများ ပြုလုပ်ရာတွင် သင့်မိသားစုကို ကူညီပေးပါ။

နောက်ထပ်တိုး အရင်းအမြစ်များ