Care Connect Washington nge ew prokram mi awora aninisin mwongo me ekoch pekin aninis ngeni aramas mi tes positive ren COVID-19 ika mi imwuno ika quarantine pokiten ir mi kane ngeni emon ki werir ewe semwen. Ewe State Department of Health, ir mi angang fengen me ekewe pekin okoten tumwunun manaw non ekewe neni me chiechier, non angangen Care Connect Washington non iteiten ekewe tetenin sopw. Ekewe sopw meinisin ir mi angang fengen me chiechier non ekewe neni ar repwe atoura ngeni aramas ekewe aninis ir mi elichipon ngeni, awewe ren atouran sefei, tumwunun manaw, aninisin amasow ngeni pekin aninisin aramas rese angang, ekewe nenien pekin aninisin imw, nenien mwongo, tumwunun semirit me pwan ekoch. Ekei aninis mi kawor onongonong won nitt.
Pokiten mi ouchea ekewe aramas imwuno ika quarantine ika notiw neimw, Care Connect Washington mi awora pwan ekei sokun aninis ren pisekin tumwun, mwongo mi ongeni nomwatam, iwe ir mi pwan tongeni wei ngeni imomw pwan ekewe mwongo mi fresh. Ika epwe pwan kawor ekoch tapin aninis, awewe ren aninisin mwongo fan iten momon metoch, emon chon aninis non ekewe neni epwe anisi ekewe aramas repwe amasow ngeni ekei aninis ika repwe elichipon ngeni, ika awora ngenir monien aninis ren momon metoch awewe ren rent, imwer, ika fifi. Nupwen a mwuch fansoun ar imwuno ika quarantine, ewe chon mesemes won ewe pekin tumwunun aninis a tongeni kutta ngenir ekewe pekin aninis epwe suk ngenir non fansoun nakatam ren sopwosopwen ar pekin aninisin manaw me tufichin nonomw. Care Connect Washington mi awora ekei porousen aninis ngeni aramas non pwan och kapasen fonu repwe weweiti.
Ika pwun en mi fen tes positive ren COVID-19 nge ke nitt aninisin mwongo ika pwan ekoch tapin aninis pwun kopwe tongeni imwukono ika notiw neimw, kori ewe COVID-19 namban porous -1-800-525-0127, iwe ka tiki #. Mi wor aninnisin chiakun foosun fenu me fenu Iei nouch awan suk ofesin ewe namban porous.
- 6 a.m. ngeni 10 p.m. Seranfan
- 6 a.m. to 6 pm., Oruwen ngeni Raninfen me ekewe ranin holiday an state (non kapasen merika chok)
Aninnisin Aweewe ren Penuen Kapas eis
Anen aninisin ngaseno seni weiresin COVID-19
Ewe Putain Pekin Tumwunun Manaw, ir mi angang fengen me ekewe pekin okoten tumwunun manaw non ekewe neni me chiechier, non angangen Care Connect Washington non iteiten ekewe tetenin sopw. Ekewe sopw meinisin ir mi angang fengen me chiechier non ekewe neni ar repwe atoura ngeni aramas ekewe aninis ir mi elichipon ngeni, awewe ren atouran sefei, tumwunun manaw, aninisin amasow ngeni pekin aninisin aramas rese angang, ekewe nenien pekin aninisin imw, nenien mwongo, tumwunun semirit me pwan ekoch.
Meni aninis a fen kawor?
Ekei aninis a fen kawor non ekoch ekewe neni non ewe state fan iten aramas mi oponuweta ar repwe imwuno ika quarantine non imwer nge ir mi nitt aninis.
Non tetenin kinikinin Eotiw
Better Health Together (non kapasen merika chok) epwe fis pwe ew nenien mwich fan iten Care Connect Washington fan iten Adams, Ferry, Lincoln, Pend Oreille, Spokane, me sopwan non Steven.
King county
Department of Health (DOH, Putain Pekin Tumwunun Manaw) epwe fis pwe ew nenien mwich fan iten Connect Washington fan iten King County and WithinReach (non fosun merika chok) epwe awora aninisin amasow ngeni ekewe pekin aninis.
Non tetenin kinikinin Effong Nukanap
DOH iei mi fori angangen awora ekewe aninis fan iten ei kinikinin. Poputa seni April 1, 2022, Action Health Partners (non kapasen merika chok) epwe fis pwe ew nenien mwichen ewe Care Connect Washington fan iten Chelan, Douglas, Grant me Okanogan counties.
Tetenin kinikinin Effong
North Sound Accountable Community of Health (non kapasen merika chok) epwe fis pwe ew nenien mwich fan iten Care Connect Washington fan iten Island, San Juan, Skagit, Snohomish, me Whatcom counties.
Non tetenin kinikinin Effong Lotow
DOH iei mi fori angangen awora ekewe aninis fan iten ei kinikinin sopw non Clallam County.
Pierce County
Elevate Health (non kapasen merika chok) epwe fis pwe ew nenien mwich fan iten Care Connect Washington fan iten Pierce County.
Tetenin kinikin Eor
Providence St. Mary (non kapasen merika chok) epwe fis pwe ew nenien mwich fan iten Care Connect Washington fan iten Kittitas, Walla Walla, Whitman, Columbia, Garfield, Asotin, Yakima, Benton me Franklin.
Tetenin kinikinin Eor Lotow
Southwest Washington Accountable Community of Health (SWACH) (non kapasen merika chok) epwe fis pwe ew nenien mwich fan iten Care Connect Washington fan iten Clark, Klickitat, and Skamania counties.
Tetenin kinikin Eor
Cascade Pacific Action Alliance's Community CarePort (non kapasen merika chok) epwe fis pwe ew nenien mwich fan iten as the Care Connect Washington fan iten Cowlitz, Wahkiakum, Pacific, Grays Harbor, Mason, Thurston, me Lewis counties.
Aninnisin Aweewe ren Penuen Kapas eis
- Mi kawor ngeni ei ekei aninisin Care Connect Washington?
-
En mi elichipon ngeni ekei aninis ika pwun ka fen tes positive ren COVID-19 me en ki fori angangen imwukuno non imwom. Ika en mi kane ngeni emon mi fen tes positive iwe en mi oponuweta angangen quarantine non imomw iwe manip kopwe pwan elichipon.
Keeri ewe State COVID-19 Nampan Fon mi free won 1-800-525-0127, iwe tiki #. Mi wor aninnisin chiakun foosun fenu me fenu
- 6 a.m. ngeni 10 p.m. Seranfan
- 6 a.m. ngeni 6 p.m., Oruwen ngeni Raninifen me ekewe ranin holiday an state
Emon chon angangen ewe pekin tumwun epwe koruk ren angangen okoten met epwe murino ngonuk non atun omw imwukono. Nupwen a mwuch fansoun omw imwukono, noumw ewe chon angangen pekin tumwun epwe atoura ngonuk ren ekewe pekin aninisin fansoun nakatam, ika epwe murino ngonuk.
- Met sokun pekin aninis upwe apinuku?
-
Noumw ewe chon angangen pekin tumwun epwe eiti ngonuk ekewe sokun aninis mi wor non neniomw kopwe tongeni nounou non fansoun omw imwukono ika quarantine. Repwe pwan awora ngonuk aninisin mwongo, pisek, me monien aninis ren rent, momon mortage, me fifi ika pwun esor ekewe pekin awora ekei aninis non neniomw nupwen omw imwukono ika quarantine. Noumw ewe chon angangen pekin tumwun epwe pwan atoura ngonuk ngeni ekewe pwan pekin aninis usun ren kamon me nukei ngonuk sefei, tumwunun semwen, aninisin amasow ngeni aninisin rese angang, me pwan ekoch. Ekoch pekin aninis mi pachenong aninisin atoura ngeni pekin aninisin imw, nenien mwongo, nenien sefei ika pioing, tumwunun chinap, aninisin tumwunun nonomwun aramas, chon tumwunu semirit, me ekoch pwan pekin aninis epwe murino ngeni aramas non ekewe neni. Ekei aninis mi tongeni sokono onongonong won ekewe tetenin kinin. Nupwen a mwuch fansoun omw imwukono, noumw ewe chon angangen pekin tumwun mi tongeni atoura ngonuk ren ekewe pekin aninisin fansoun nakatam fan iten epwe sopwosopweno aninisumw. Care Connect Washington mi awora ekei porousen aninis ngonuk non pwan och kapasen fonu kopwe weweiti.
- En mi tufich amasow ngeni Care Connect Washington?
-
Opwe tufich ika:
- En mi fen tes positive ren COVID-19 ika en mi kane ngeni emon a fen tes positive; iwe
- En mi oponuweta angangen imwukono ila quarantine non imomw.
Ekei aninisin Care Connect Washington mi ese kamo pwun mi chok kawor ngeni aramas mi tufich amasow ngeni. Ekei aninis epwe kawor onongonong won nitt.
- Ia a wor ia ekei pekin aninisin Care Connect Washington?
-
Ewe State Department of Health (DOH, Putain Pekin Tumwunun Manaw), ir mi angang fengen me ekewe pekin okoten tumwunun manaw non ekewe neni me chiechier, non angangen Care Connect Washington non iteiten ekewe tetenin sopw. Iei eche map mi pwari ia ekei pekin aninis mi wor ia ikenai:
- Epwe fite momon?
-
Ekei aninis esapw kamo ngonuk. Care Connect Washington mi torir monien federal ren an epwe awora ekei aninisin COVID-19 non Washington state.
- Epwe ifa taman ai upwe witi epwe tori ei ekei aninis?
-
Noumw ewe chon angangen ewe tumwun epwe achocho ngeni an epwe kawor ngonuk murin chok ew ran seni ar aiti ngonuk kopwe amasow ekewe aninis
- Met upwe chol sopwosopw ne imwuno ika quarantine non imwei nypwen a tori ei aninis?
-
Ewer. Mi ouchea angangen imwukuko ika quarantine pwun mi oukuku fetanen COVID-19 esapw tori aramasen non neniach, chienach, ach famini, me chiechieach ne angang- mi pwan ouku an esapw watteno angeian non neniach kewe. Ika epwe murino ngonuk an epwe sopwosopweno omw aninis murin omw fansoin imwukono ika quarantine, iwe noumw ewe chon angangen pekin tumwun mi tongeni atoura ngonuk ren ekewe pekin aninisin fansoun nakatam fan iten epwe sopwosopweno omw tumwunun manaw, me ekoch aninis.
- Met sokofesenin omw opwe imwukono me omw kopwe quarantine?
-
Imwukono: Ika ke tes positive ren COVID-19, mi weruk ekewe esisinnen semwen, ika en chuen witi pwungun owm tes, mi murino kopwe imwukono pwun esapw fetan omw ewe semwen.
- Notiw non imomw kosapw arap ngeni aramas, pwan pusin chon non imomw ewe.
- Notiw non ew room mi imwuno epwe pwan imwuno omw imwen tutu me pincho, ika epwe tawe
- Aia ekewe apetin mas mi ukukoch (non kapasen merika chok) ika pwun epwe wor fansoun kopwe noumw nein aramas.
- Kesap no angang, no sukun, ika no non nenien chommong aramas. Avoid using public transportation, ride sharing, or taxis.
- Nomonong neimw, tiwenoon chok omw kopwe no ngeni angangen safei.
- Oponuweta ekeee kapasen emwen mi fo (non kapasen merika chok) seni ewe Centers for Disease Control (CDC, Ofesin Nenien Oukukun Semwen) (non kapasen merika chok) me Department of Health (DOH, Putain Pekin Tumwunun Manaw) (non kapasen merika chok) fan iten epwe ifa nakatamen omw kopwe imwukono.
Quarantine: Ika a fen torul COVID-19 nge ese weruk ekewe esisinnen semwen, manip epwe och kopwe quarantine, epwe onongonong omw porousen omw apwos. Ei epwe ouku fetanen ewe fairos me mwen owm kesan mwo sinei ika ka semwen.
Oponuweta ekeee kapasen emwen mi fo (non kapasen merika chok) seni ewe CDC (non kapasen merika chok) me DOH (non kapasen merika chok) fan iten epwe ifa nakatamen omw kopwe quarantine.
- Met upwe fori ika a watteno ika chouno ekewe esisinnen semwenin COVID-19?
-
Mutir kutta aninisin sefei ika pioing ika a watteno ngonuk ekewe esisinnen semwen. Ika emom mi weri och me nein ekei esisin, mutir cheeta pioing ren emerchensi:
- Weiresin ngasangas
- Metek ika angutungut me fan mwaromw.
- Poputan minafon osukosuken ekiek.
- Mi weires kopwe pwata me mour ika neno
- Onuen araw won tin awomw ika won mesomw.
*Ei tetenin iten esisinen ese unus* Kose mochen noumw ewe daktor ika mi weires ngonuk omw pwan och me nukun ekei esisinnen semwen.
Ika mi wor owm emercheni pokiten semwen nge mi murino kopwe kori 911, ureni ewe chon ponuweni fon pwun mi wor remw, ika manip epwe wor remw COVID-19. Ika epwe tufich, aia ew apetin won mesomw me mwen an repwe wareto ekewe chon angangen emerchensi.
- Ifa nakatamen ai tongeni nounou aninisin Care Connect Washington?
-
Noumw ewe chon angangen pekin tumwun epwe anisuk tori ukukun 21 ran. Non ekoch wewe, noumw ewe chon angangen omw pekin tumwun mi tongeni atoura ngonuk
- Ifa usun nikinikin ei Care Connect Washington?
-
Care Connect Washington ew aninisin state, mi fisita angangen non ekewe neni me sopw ren epwe tour ekei aninis ngeni aramas.
Ewe Washington State Department of Health a wisen masamas won angangen non ekewe sopw, ra pwan wisen katonong me asukooner ekewe repwe ani ekewe angang, a pwan pirisini nefinen ekewe aninisin state me aninisin ekewe neni ika sopw, pwan fori ochu meinapen angangen aninis, awewe ren momon aninis me ekewe imwen nenien aninis.
Ekewe sopw ir pusin repwe kutta ekewe aninis mi suk ra wanong chon angang repwe awora angangen amasow me atoura ekewe aninis ngeni aramas pwe epwe fisioch ar imwuno me quarantine. Ekewe sopw ra pwan angang fengen me ekewe chon awora metoch ren aworan pisekin aninis me pwan ekoch tapin aninis, ren fan iten aninisin ekewe sopw ar repwe pochokun sefan mwu me aramas.
Chon angangen Care ra fen kafinino chon repwe wisen katton, anisi, me iseni porousen nonomwun emon me emon ren pekin semwen me pekin aninis me murino ngenir repwe pwan fori och taropwen okot fan iten tumwunur fan COVID Care Action Plan. Ei prokram mi atoura aramas ngeki ekewe tapin aninis mi wor non pwan fosun ew fonu repwe weweiti ika epwe wor iwe mi pwan emwenir non ekewe anen tingor aninis pwun epwe fokkun torir ekewe aninis.
- Ifa usun kopwe tumwunu ai porousei?
-
Noumw ewe chon angangen ewe tumwun epwe confirmini ewe porous ra angei seni ewe namban fon ren porousen COVID-19 iwe a kapas eis ren met aninis epwe murino ngonuk. Meinisin porous nefinomw me noumw ewe chon angangen ewe tumwun epwe mwonomwon Ewe chon angangen tumwun epwe anisuk ne amasow ekewe aninis me ewe Department of Health repwe chok aia ekewe porous ne kutta meni aninis epwe murino ngonuk. Resapw nounou ngeni ekoch porousomw mi mwonomwon awewe ren porousen omw semwen me sefei
- Ifa usun an Care Connect Washington ouku fetanen COVID-19?
-
Aramas mi angei ekei pekin aninisin aramas me aninisin sefei mi fen tufich ngenir repwe amwuchu ar imwuno non imwer ika quarantine. Non ar fori fichi pwun aramas meinisin mi tes positive ren COVID-19 ika aramas mi kane ngeni emon a fen tes positive repwe imwuno non imwer ika quarantine, non ei wewe Care Connect Washington mi ekisatiw fetanen COVID-19 me anisi an mwu me fonu epwe pochokun sefan. Pokiten ei metoch mi chok nengeni aramas mi nitt ekewe aninisin sefei me aninisin aramas pwun ir mi osupwang ren COVID-19, iwe mi pwan anisi ekewe aramas mi pusin wor ar semwen ika terin inisir ren angeian ei COVID-19
- Io upwe kori ika ngang mi sinei emon mi nitt ekei aninisin Care Connect Washington?
-
Ika en ika emon en mi sinei mi fori ika oponuweta angangen imwukono ika quarantine non imomw me mi nitt aninis, kori ewe State Namban Fon ren porousen COVID-19.
State Namban Hotline ren Porousen COVID-19 Kori 1-800-525-0127, iwe ka tiki #. Mi wor aninnisin chiakun foosun fenu me fenu
- 6 a.m. ngeni 10 p.m. Seranfan
- 6 a.m. ngeni 6 p.m., Oruwen ngeni Raninifen me ekewe ranin holiday an state
- Ewe Care Connect Washington mi pwan awora aninisin tumwunun nonomwun aramas?
-
Ewer. Noumw ewe chon angangen ewe tumwun epwe anisuk ne angei ei aninisin tumwunun nonomwun aramas.
- Ekewe aninisin amasowen ekei aninis mi pwan kawor ngeni chon ekewe aramasen Tribal Nations?
-
Ewer. Ika mochen sinei sopwosopwen porous, emailini COVID19.CareCoordination@doh.wa.gov ika kori 564-999-1565.
- Mi pwan kawor aninisin chiaku kapas?
-
Ewer. Nupwen ka kori ewe State Namban Fon ren Porousen COVID-19 ren en namba 1-800-525-0127 iwe ka tiki #, mi wor aninisin non fosun fonu.
Nupwe ka fen tofengen me emon chon aninis, Care Connect Washington epwe atoura ngonuk ekewe porous ke nitt non fosun ew fonu kopwe weweiti non.
Minen aninis
Website ren Pisekin Aninis me Kapas Emwen: kutta porousen ren ufen apetin won mas, quarantine, tumwunun omw famini, ika mi weruk COVID-19, esisinnen semwen, me pwan ekoch. En mi tongeni ateteni ekei metoch fan iten non fosun fonu kopwe weweiti.