Care Connect Washington

COVID-19 isiniin yoookiin maatii keessan miidheraa? Care Connect Washington 1-833-453-0336 irratti qunnamuudhaan qindeessaa kunuunsa naannoo hawaasaa kan keessan keessa jiru irraa gargaarsa argachuu dandeessu. Qindeessaan kunuunsaa fedhii keessan hubachuuf yeroo dabarsuu fi qabeenya akka mana jireenyaa, inshuraansii fayyaa, kunuunsa daa’immanii, sagantaa gargaarsa nyaataa fi tajaajiloota birootiin isiniif maatii keessanii guutu akka walqunnamsiisan ni gargaara. Tajaajilli argamu naannoodhaan garaagarummaa qaba. 

Care Connect Washington sagantaa jalqaba weerara vaayirasii koroonaa irratti qophaa'ee namoota COVID-19 qabaniif deeggarsa nyaataa fi kan biroo akka isaan mana keessatti adda ba'an turan taasisuudha. Amma sagantichi fedhii yeroo dheeraa namoota COVID-19'dhaan miidhamanii guutuuf hojjettaa jira. Fakkeenyaaf, namoonni tokko tokko miidhaan yeroo dheeraa COVID-19 isaan mudata. Namoonni kaan dhukkubsatanii hojii dhabaniiru gara hojii isaanitti deebi’uuf gargaarsa barbaadu ta’a. Care Connect Washington gargaaruu danda'a.

Care Connect Washington walta’iinsa Department of Health (DOH ,Qajeelcha Fayyaa), wiirtuuwwan naannoo saddeetii fi qindeessitoota kunuunsa naannoo 100 ol ta'an kan hawaasota guutuu kutaa biyyattii keessatti argaman gidduu jiruudha. Sirni Care Connect namoonni tasgabbii fi fayyaa fooyya’aa akka argatan gargaaruun hawaasa cimsa. Qindeessitoonni kunuunsa naannoo nama tokko waliin ta’uun sagantaalee akka faayidaalee hoji dhabdummaa, mana jireenyaa ykn kunuunsa daa’imaa deeggaramu, sagantaalee gargaarsa nyaataa kan akka Supplemental Nutrition Assistance Program (SNAP, Sagantaa Gargaarsa Nyaata Dabalataa) ykn Women, Infants and Children (WIC, Dubartoota, Daa'immanii fi Ijoollee), Apple Health fi kkf akka iyyatan gargaaruuf hojjetu. Care Connect odeeffannoo namoota barbaachisu afaan filataniin kenna.

Care Connect regions map with services in these counties: Grays Harbor, Mason, Thurston, Pacific, Wahkiakum, Lewis, Cowlitz, Clark, Skamania, Clickitat, Yakima, Benton, Franklin, Adams, Lincoln, Ferry, Stevens, Pend Oreille, Spokane, King, Pierce, Snohomish, Skagit, Whatcom

Gargaarsa COVID-19f Dhiyeenya Naannoo

Qajeelchi Fayyaa Isteetii, Abbaa taayitaawwanii fayyaa naannoo fi miltoowwan isaanii wajjiin hojjetan, naannoo naannoodhan Care Connect Washington hojjisiisaa jira. Naannoon tokkoon tokkoon isaanii miltoowwan uummata irratti xiyyeeffannoo godhan wajjiin namoota tajaajiloota isaan ulaagaa guutaniif kan akka dhiyeessa qorichaa, kunuunsa fayyaaa, gargaarsa namoota hin qaccaramneef hojiirra ooluu, ejeensiiwwan ijaarsa manaa, baankiiwwan nyaataa, dhiyeessitoota kunuunsa daa'imaa fi kan biroo wajjiin isaan qunnamsiisuf hojjata.

Tajaajiloonni Eessatti Argamu?

Tajaajiloonni namoota Covid-19'dhaan miidhamaniif kutaalee biyyaa hunda keessatti ni argamu.

Naannoo Bahaa

Better Health Together (Afaan Ingiliffaa qofaan) Adams, Ferry, Lincoln, Pend Oreille, Spokane fi Kerr'dhaaf akka Giddu-gala Care Connect Washington'tti tajaajila.

King County

HealthierHere (afaan Ingiliffaa qofaan) King County'dhaaf akka Giddu-gala Care Connect Waashingitanitti tajaajila.

Naannoo Giddu-Gala Kaabaa

Action Health Partners (afaan Ingiliffaa qofaan) akka Giddu-gala Care Connect Waashingitanitti biyyoota Chelan, Douglas, Grant fi Okanoganiif tajaajila.

Naannoo Kaabaa

North Sound Accountable Community of Health (afaan Ingliffaa qofaan) biyyoota Island, San Juan, Skagit, Snohomish fi Whatcom'tiif akka Giddu-gala Care Connect Waashingitanitti tajaajila.

Naannoo Kaaba Dhihaa

WithinReach (afaan Ingiliffaa qofaan) biyyoota Clallam, Jefferson, fi Kitsap tajaajila qindoomina kunuunsaa kenna.

Pierce County

Elevate Health (afaan Ingiliffaa qofaan) Pierce County'dhaaf akka Giddu-gala Care Connect Waashingitanitti tajaajila.

Naannoo Giddu-galeessa Kibbaa

Providence St. Mary (afaan Ingliffaa qofaan) kutaalee biyyaa Kittitas, Walla Walla, Whitman, Columbia, Garfield, Asotin, Yakima, Benton fi Franklin'dhaaf akka Giddu-gala Care Connect Washingtanitti tajaajila.

Naannoo Kibba Dhihaa

Southwest Washington Accountable Community of Health (SWACH) (afaan Ingliffaa qofaan) kutaalee biyyaa Clark, Klickitat fi Skamania'dhaf akka giddu-gala Care Connect Washingtanitti tajaajila.

Naannoo Dhihaa

Community CarePort (afaan Ingliffaa qofaan) kan Walta'iinsa Tarkaanfii Kaaskeedii Paasifikii kutaalee biyyaa Cowlitz, Wahkiakum, Pacific, Grays Harbor, Mason, Thurston fi Lewis'dhaaf akka Giddu-gala Care Connect Washingtanitti tajaajila.

Gaaffilee Yeroo Hedduu Gaafataman

Tajaajiloonni Care Connect Washington anaaf ni argamuu?

Yoo COVID-19'dhaan kan miidhamtan taatan, tajaajila argachuuf ulaagaa ni guuttu. Kunis namoota yeroo ammaa COVID-19'dhaan dhukkubsatan ykn kanaan dura COVID-19'dhaan qabaman dabalata.

Gara 1-833-453-0336 tti bilbilaa. Deeggarsi tajaajila afaanii jira. 

Qindeessaan kunuunsa naannoo fedhiiwwan keessan hubatanii fi qabeenyoota fi tajaajiloota waliin akka wal qunnamtan isin gargaaruuf isin qunnama.

Deeggarsa akkamiin eeguu danda'a?

Qindeessaan kunuunsa naannoo keessan isin beekuu fi fedhiiwwan keessan hubachuuf yeroo ni kennu. Sana booda kunuunsa fayyaa, mana jireenyaa ykn kunuunsa daa’imaa deeggaraman, faayidaalee hoji dhabdummaa, gargaarsa nyaataa fi kkf dabalatee qabeenyoota naannoo isin deeggaran adda baasu. Tajaajiloonni naannoo irra gara naannootti garaagarummaa qabu. Care Connect Washington odeeffannoo isin barbaachisu afaan isin filataniin ni dhiyeessa. Tajaajiloonni Care Connect baasii malee ni argamu. 

Deeggarsa fudhachuu kiyyaan dura yeroo hammam fudhata?

Qindeessan kunuunsa naannoo keessan riferaalaa erga fudhatanii booda guyyaa tokko keesatti deeggarsa dhiyeessuf carraaqqii hunda ni taasisa.

Odeeffannoo kiyya akkamitti eegdu?

Qindeessan kunuunsaa keessan odeeffannoo wiirtuu bilbilaa irraa argatan ni mirkaneessu, akkasumas waa'ee fedhiiwwan keessanii ni gaafatu. Odeeffannoon isin qindeessaa kunuunsa keessan wajjiin qooddan kamiyyuu iccitii akka ta'etti tura. Hojjettoonni tajaajiloota qindoomina kunuunsaa dhiyeessanii fi Department of Health (DOH ,Qajeelcha Fayyaa) tajaajiloota murteessoo ta'an kan isin barbaachisuu malan adda baasuf odeeffannicha ni fayyadamu. Odeeffannoo dhuunfaa ykn fayyaa dhuunfaa hin qoodan.

 

Care Connect regions map with services in these counties: Grays Harbor, Mason, Thurston, Pacific, Wahkiakum, Lewis, Cowlitz, Clark, Skamania, Clickitat, Yakima, Benton, Franklin, Adams, Lincoln, Ferry, Stevens, Pend Oreille, Spokane, King, Pierce, Snohomish, Skagit, Whatcom
Hammam baasii nama baasisa?

Tajaajila kanaaf kaffaltii hin baastan. Care Connect Washington isteeta Washington keessatti gargaarsota maallaqaa federaalaa deebii COVID-19 gargaaruu fudhateera.

Deeggarsa fudhachuu kiyyaan dura yeroo hammamiina fudhata?

Qindeessan kunuunsa naannoo keessan riferaalaa erga fudhatanii booda guyyaa tokko keesatti deeggarsa dhiyeessuf carraaqqii hunda ni taasisa.

Deeggarsa yeroon fudhadhus adda of baasuu ykn kophaa kiyyaa turuun qabaa?

Eeyyee. Adda Ba’uu fi kophaa turuun COVID-19 gara ollaawwan, hiriyoota, maatii keessanittii fi namoota wajjiin hojjettanitti dabarsuu dhowwuudhaa—fii dhiibbaawwan nagezitiviibal'aa hawaasaa irratti fidu hir'isuuf meeshaalee barbaachisoo faayidaa irra oolaniidha. Adda of baasuu ykn kophaa turuu booda deeggarsi yoo isin barbaachise, qindeessan kunuunsaa naannoo keessanii fedhiiwwan fayyaa fi hawaasaa itti fufan gargaaruf tajaajiloota yeroo dheeraa wajjiin wal isin qunnamsiisuu danda'a.

Adda bahanii turuu fi yerodhaaf qophaa turuu gidduu garaa garummaa maaltu jira?

Adda of baasuu:  Yoo isin COVID-19 dhan qabamtan ykn mallattoolee dhukkubaa yoo qabattan ykn bu'aawwan qorannoo eegaa kan jirtan ta'e, dhukkuba keessan tamsaasuu dhowwuudhaf adda akka of baasuu qabdu.

Kophaa Turuu:  Yoo isin COVID-19 dhaf saaxilamtanii mallattoolee dhukkubaa (Ingiliffa qofaan) hin qabdan taatan, haala talaallii keessan irratti hunda'uun kophaa turuu qabaachuu maltu. Kuni dhukkubsachuu keessan beekuun dura vaayirasiicha daddabarsuu ni dhorka.

Yeroon kophaa turtan hammamiif akka turu beekuf qajeelfama yeroo dhiyoo (Ingiliffa qofaan) kan CDC fi DOH (Ingiliffa qofaan) hordofaa.

Yoo mallattooleen COVID-19 kiyyaa natti hammaate maal gochuun qaba?

Yoo mallattooleen dhukkubaa keessan isinitti hammaate, gargaarsa waldhansaa daddaffiin argadhaa. Yoo namni tokko mallattoolee armaan gadii keessa tokko agarsiisee, gargaarsa fayyaa hatattamaa daddaffiin gaafadhaa:

  • Hafuura baafachuu dadhabuu
  • Dhukkubbii yookin dhiibbaa laphee adda hin citne
  • Yaaddoo haaraa
  • Dammaquu yookin dammaqanii turuu dadhabuu
  • Hidhiiwwan ykn fuula cuquliisa

*Kuni tarreeffama guutuu miti. Mallattoolee dhukkubaa biroo kamiyyuu hammaatef ykn kan yaaddoo keessa isin galcheef maaloo ogeessa fayyaa keessanitti bilbilaa.

Rakkoo fayyaa hatattamaa yoo qabaattanii fi 911 tti bilbiluun yoo isin barbaachise, mallattoo Covid-19 qabaachuu keessan ykn qabachuu akka maltan hojjattoota dhimmi kun ilaallatutti himaa. Kan danda'amu yoo ta'e, tajaajiltoonni fayyaa yeroo hatattamaa osoo hin dhufin dursa, haguuggii fuulaa godhadhaa.

Tajaajiloota Care Connect Washington yeroo hammamiitifan fudhachuu danda'a?

Qindeessan kunuunsaa naannoo keessan hamma guyyoota 21 gahuuf isin gargaara. Haalota muraasa keessatti, qindeessan kunuunsaa keessan fedhiiwwan fayyaa fi hawaasaa itti fufan gargaaruf tajaajiloota yeroo dheeraa wajjiin isin qunnamsiisuu danda'a.

Connect Washington akkamitti hojjeta?

Care Connect Washington isteetan kan deeggaramuu fi kunuunsa qinda'eef dhiyeessa naannoo giddu galeessa godhateedha.

Washington State Department of Health deebii kunuunsa naannoo ni hooggana, miindeffamaa fi leenjii ni gargaara, qabeenyota biyyaa fi naannoo wal qunnamsiisa, akkasumas qabeenyota ida'aman hoogganuun bu'aawwan ni sirreessaa.

Naannoowwan dhuunfaa adda of baasuu fi kophaa turuun kan milkaa'e akka ta'u gargaaruuf deeggarsa dhiyeessuu fi namoota qabeenyota naannoo wajjiin wal qunnamsiisuf humna hojii hawaasaa irratti xiyyeeffate adda baasu akkasumas ni bobbaasu. Naannoowwan mi'awwanii fi tajaajiloota barbaachisoo ta'an dhiyeessuu fi dinagdeen naannoo akka dandamatu gargaaruu gumaachuu gargaaruuf warreen dhimmi ilalatu naannoo wajjiin hojjetu.

Qindeessitoonni kunuunsaa fedhiiwwan fayyaa fi hawaasaa adda ta'an namoota tokkoon tokkoo madaaluuf, gargaarufi hordofuu fi karoora gocha kunuunsa COVID uumuf ramadamu. Sagantichi yeroo danda'ame hunda namoota qabeenyota isaanii wajjiin afaan isaan filataniin wal qunnamsiisa akkasumas isaan gargaaramuu isaanii mirkaneessudhaaf isaan adeemsa keessatti ni hordofa.

Odeeffannoo kiyya akkamitti eegdu?

Qindeessan kunuunsaa keessan odeeffannoo sarara bilbilaa odeeffannoo COVID-19 irraa argatan ni mirkaneessu, akkasumas waa'ee fedhiiwwan keessanii ni gaafatu. Odeeffannoon isin qindeessaa kunuunsa keessan wajjiin qooddan kamiyyuu iccitii akka ta'etti tura. Hojjettoonni tajaajiloota qindoomina kunuunsaa dhiyeessanii fi Department of Health tajaajiloota murteessoo ta'an kan isin barbaachisuu malan adda baasuf odeeffannicha ni fayyadamu. Isaan odeeffannoo dhuunfaa ykn fayyaa dhuunfaa hin qoodan.

Care Connect Washington akkamitti tata'imsina COVID-19 ittisa?

Namoonni gargaarsa fedhiiwwan hawaasaa fi fayyaa barbaachisoo ta'an guutan fudhatan manatti adda of baasuu fi kophaa turuu haala milkaa'ina qabuun xumuruuf carraa olaanaa qabu. Namoonni COVID-19n qabaman ykn nama qabame biraa tokkoof kan saaxilaman mana keessatti adda of baasuun ykn kophaa isaanii akka turan mirkaneessuun, Care Connect Washington tatamsa'ina COVID-19 hir'isuu fi dandamachuu dinagdee guddisuu danda'a. Sirnichi namoota fedhiiwwan fayyaa fi hawaasaa COVID-19f hunda caalaa isaan saaxilu irratti waan xiyyeeffannaa godhuuf haqa dhabummaa fayyaa armaan gadii jiran hiikuu fi hawaasawwan COVID-19 dhan haala wal hin madaalen miidhaman gargaaruu ni danda'a.

Yoon ani nama Care Connect Washington irraa gargaarsi isa barbaachisuu tokko beeke eenyuun qunnamuu danda'a?

Isin yookin namni isin beektan manatti adda of baastanii ykn kophaa turaa kan jirtan ta'e fi gargaarsi kan isin barbaachisu taatan, Sarara Bilbilaa Odeeffannoo COVID-19 Isteeta qunnamaa.

Sarara Odeeffannoo COVID-19 Isteetaa: 1-800-525-0127 irratti bilbilaa, itti aansun # tuqaa. Deeggarsi tajaajila afaanii jira.

  • 6 a.m. hanga 10 p.m., Wiixata
  • 6 a.m. hanga 6 p.m. Kibxataa hanga Dilbataa fi guyyaa ayyaanota waggaa
Connect Washington tajaajiloota fayyaa amalaa ni hammataa?

Eeyyee! Qindeessan kunuunsaa keessanii tajaajiloota fayyaa amalaa hawaasa keessan keessatti akka argattan isin gargaaruu danda'a.

Tajaajiloonni gargaarsa qindoomina kunuunsaa miseensota Tribal Nations (Saboota Gosaa) tif ni argamuu?

Eeyyee. Caalatti hubachuuf, COVID19.CareCoordination@doh.wa.gov irratti imeelii ergaa ykn 564-999-1565 irratti bilbilaa.

Tajaajiloonni hiikaa afaanii ni argamuu?

Eeyyee. Yeroo isin Sarara Bilbila Odeeffannoo COVID-19 Isteeta kan ta’e 1-800-525-0127 irratti bilbiltanii itti aansun # tuqtan, tajaajilli afaanii ni argama.

Yeroo tokko qindeessa kunuunsaa wajjiin erga wal qunnamtaniin booda, Care Connect Washington odeeffannoo isin barbaachisu afaan filattaniin isiniif dhiyeessa.

Qabeenyota

Toora interneetii Qabeenyotaa fi Gorsootaa: Haguuggiiwwan fuulaa huccuu, kophaa turuu, maatiidhaf kunuunsa kennuu, COVID-19 dhaf saaxilamuu, mallattoolee dhukkubaa fi kan biroo irratti odeeffannoo argadhaa. Afaan filataniif meeshaalee keessan qindeessuu dandeessu.