Care Connect Washington

Care Connect Washington kuu in programa ja je’e ja kaji ji ja jiniñu’un nda ñayiví ja ni kee ja ndo’o ji COVID-19 axi ja ni iyo ñati ji nuu kue’e de jiniñu’un ji ja chindeé nuu ji tágua kuu koo jika ji axi tágua kuu kindasi ji ini ve’e ji. Ve’e nuu ji ja Sa’a tatan jín nda ve’e ja jito tiñu ja satatan ini ñuu ji inka ka ve’e, ka satiñu ji jín Care Connect Washington nuu ta in ta in ñuu. Ndaka ñuu satiñu ji jín nda ñayiví ini ñuu ja chindeé nda ñayiví ja jiniñu’un ja tetiñu tatan nuu ji, in ñayiví ja satatan ji, ja chindeé ji tú nduu satiñu ji, ja ni’in ji in ve’e tú jiniñu’un ji, ja koo nuu ni’in ji ja kaji ji, ja koto nda suchí luli axi kua’a ka. Ka chindeé nda ñayiví ta in jiniñu’un ji.

Tágua nda ñayiví kuu koo jika ji axi kindoo ji ve’e ji, Care Connect Washington tetiñu ji ja jiniñu’un ji tanu kuu ndatiñu ja sa’a ndoo ji maa ji, ndeyu ja nduu tivi, ji tetiñu nuu ji tú jiñu’un ji tinana, tikumi, in ja vixi axi inka ka ja kumani ini ve’e ji. Tú ni jini ja iyo ka ja jiniñu’un in ñayiví, tanu kuu xu’un tágua chunaa ji nuu ja jaxin ji, in ñayiví ja chindeé ji nda ñayiví ya’a tágua kuu ni’in ji ja jinimani ini ñuu, axi kachi de nasa sa’a ji tágua kuu chunaa ji nuu taya’vi ji, tanu kuu ve’e ji, nuu ndee ji axi inka ka tiñu nuu chunaa ji. Ta ni jinu kivi ja yindasi ji, ñayiví ja chindeé ja iyo ini ñuu kuu chindeé ji ñayiví nasa ni’in ja jiniñu’un ji tú sanaa jiniñu’un ka ji ja chindeé nuu ji na’an ka tiempo tanu kuu tú jiniñu’un ka ji tatan axi inka ka tiñu. Care Connect Washington je’e ji tu’un ja jiniñu’un nda ñayiví nuu yu’u ka’an ji axi ja jiniñu’un ji.

Tú ni kee ja ndo’o ní COVID-19 de jiniñu’un ní ja kaji ní axi inka ka ndatiñu tágua sukua kuu kindasi ní ini ve’e ní, ka’an ní yokaa COVID-19 -1-800-525-0127, ñukua de kuaxin ní #. Iyo nuu ke’e yu’u. Hora ja kuu ka’an ní kuu:

• Lunes nde 6 a.m. nde 10 p.m.
• Martes nde domingo ji nda kivi iyo viko (vachi ni nuu yu’u Inglés) nde 6 a.m. nde 6 p.m.

Nda tu’un jikatu’un ka

Su’va satiñu tágua chindeé ñayiví ja ndo’o COVID-19

Ve’e nuu ji ja Sa’a tatan jín nda ve’e ja jito tiñu ja satatan ini ñuu ji inka ka ve’e, ka satiñu ji jín Care Connect Washington nuu ta in ta in ñuu. Ndaka ñuu satiñu ji jín nda ñayiví ini ñuu ja chindeé nda ñayiví ja jiniñu’un ji ja tetiñu tatan nuu ji, in ñayiví ja satatan ji, ja chindeé ji tú nduu satiñu ji, ja ni’in ji in ve’e tú jiniñu’un ji, ja koo nuu ni’in ji ja kaji ji, ja koto nda suchí luli axi kua’a ka.

Ndenu kuu nuu ni’in nda ja chindeé

Kuu ni’in nuu ñati ndi’i ini ñuu tágua chindeé nda ñayiví ja jendetu koo jika ji axi ja kindasi ji ini ve’e ji, de jiniñu’un ji ja chindeé nuu ji tágua kuu sa’a ji sukua.

Nda Ñuu Este

Better Health Together (vachi ni nuu yu’u Inglés) satiñu tanu Care Connect Washington nuu nda ñuu Adams, Ferry, Lincoln, Pend Oreille, Spokane, ji ñuu Stevens.

King County

Department of Health (DOH, Ve’e nuu jito ja Sa’a tátan) satiñu tanu Care Connect Washington nuu ñuu King County ji nuu ñuu WithinReach (vachi ni nuu yu’u Inglés) tágua chindeé ji nda ñayiví.

Nda Ñuu Centro Norte

DOH satiñu ji tágua chindeé ji nda ñayiví nda ñuu ya’a. Nde kivi 1 abril kuiya 2022, Action Health Partners (vachi ni nuu yu’u Inglés) satiñu ji tanu Care Connect Washington nuu nda ñuu Chelan, Douglas, Grant ji nuu ñuu Okanogan.

Nda Ñuu Norte

North Sound Accountable Community of Health (vachi ni nuu yu’u Inglés) satiñu tanu Care Connect Washington nuu nda ñuu Island, San Juan, Skagit, Snohomish, ji nuu ñuu Whatcom.

Nda Ñuu Noroeste

DOH chindeé ji nuu nda ñayiví ñuu ya’a mita jín nda ndatiñu ja iyo ini ñuu ya’a Clallam County.

Nda Ñuu Pierce

Elevate Health (vachi ni nuu yu’u Inglés) satiñu ji tanu Care Connect Washington nuu ñuu Pierce County.

Nda Ñuu Sur

Providence St. Mary (vachi ni nuu yu’u Inglés) satiñu ji tanu Care Connect Washington nuu nda ñuu Kittitas, Walla Walla, Whitman, Columbia, Garfield, Asotin, Yakima, Benton ji nuu ñuu Franklin.

Nda Ñuu Suroeste

Southwest Washington Accountable Community of Health (SWACH) (vachi ni nuu yu’u Inglés) satiñu tanu Care Connect Washington nuu nda ñuu Clark, Klickitat, ji nu ñuu Skamania.

Nda Ñuu Oeste

Cascade Pacific Action Alliance Community CarePort (vachi ni nuu yu’u Inglés) satiñu tanu Care Connect Washington nuu nda ñuu Cowlitz, Wahkiakum, Pacific, Grays Harbor, Mason, Thurston, ji nuu ñuu Lewis.

Nda tu’un jikatu’un ka

A kuu chindeé Care Connect Washington nuu sa

Kuu ni’in ní ja chindeé de nuu ní tú ni kee ja ndo’o ní COVID-19 de iyo jika ní ini ve’e ní mita. Tú ni iyo ñati ní nuu in ñayiví ja ndo’o kue’e de mita yindasi ní ini ve’e ní, suni kuu chindeé de nuu ní.

Ka’an ní nuu yokaa COVID-19 nuu 1-800-525-0127, ñukua de kuaxin ní #. Iyo nuu ke’e yu’u. 

• Lunes nde 6 a.m. nde 10 p.m.
• Martes nde domingo ji nda kivi iyo viko nde 6 a.m. nde 6 p.m.

In ñayiví ka’an de jín ní tágua natu’un de jín ní siki nasa sa’a tágua ni’in ní ja jiniñu’un ní iini iyo jika ní ini ve’e ní. Ta jinu kivi ja yindasi ní, ñayiví ja chindeé nuu ní ka’an de jín ní tágua kuu ní ja chindeé nuu ní na’an ka kivi, tú jiniñu’un ní.

Naguá kuu ja kuu chindeé ji sa’an

Ñayiví ini ñuu ja chindeé nuu ní ndukú ji naguá kuu ja iyo ini ñuu ja kuu chindeé nuu ní iini yindasi ini ve’e ní. Suni chindeé ji ja ni’in ní ja kaji ní, ja ni’in ní ji ja kuni ní ji nasa chunaa ní nuu ndee ní, ja chunaa ni ve’e ní axi nuu inka ka, tú nduu nda ndatiñu ya’a ini ñuu nuu iyo ní iini yindasi ini ní ve’e ní. Ñayiví ja chindeé nuu ní suni sa’a ji ja kuesia’a ja jiniñu’un ní tanu kuu tatan ní, ja kutatan ní, ja ni’in ní in tiñu sa’a ní axi kua’a ka. Inka ka tiñu ja kuu sa’a ji kuu ja ndukú ji ve’e nuu kundee ní, nuu ni’in ni ja kaji ní, nuu kuu kutatan ní, nuu jito nda ñayiví ña’nu, nda ñayiví ja satatan, nda ñayiví ja jito suchí luli ji inka ka tiñu ja iyo ini ñuu ja kuu chindeé. Síin satiñu nuu ndaka ñuu. Ta jinu kivi ja yindasi ní, ñayiví ja chindeé nuu ní kuu tetiñu ji ní nuu nda ve’e nuu chindeé ñayiví ja jiniñu’un ji ja chindeé nuu ji na’an ka tiempo tú sukua jiniñu’un ní. Care Connect Washington taji ji tu’un nuu yu’u ja ta’an ka ini ní.

A kuu chi’in sa sivi sa nuu Care Connect Washington

Kuu chi’in ní sivi ní tú:

• In ñayiví ini ñuu ka’an de jín ní siki tú ni kee nuu prueba ní ja ndo’o ní COVID-19 axi ja ni iyo ñati ní nuu in ñayiví ja ni kee ja ndo’o ji kue’e; de
• Maa mita iyo jika ní nuu ñayiví axi yindasi ní ini ve’e ní.

Care Connect Washington nduu jikan ji xu’un nuu nda tiñu ja chindeé ji nuu nda ñayiví. Ka chindeé nda ñayiví ta in jiniñu’un ji.

Nasa ni’in sa ja taji Care Connect Washington ja kuatiñu sa

Ve’e nuu ji ja Sa’a tatan jín nda ve’e ja jito tiñu ja satatan ini ñuu ji inka ka ve’e, ka satiñu ji jín Care Connect Washington ndaká ñuu. Ya’a iyo in mapa nuu ste’en ndenu kuu nuu satiñu ji maa mita:

Nasaa chunaa sa

Ma chunaa ní nuu tiñu ja sa’a ji. Care Connect Washington ni ni’in ji xu’un ja kee nuu ñuu tágua sukua chindeé ji nda ñayiví ja ndo’o COVID-19 ini ñuu Washington.

Nasaa kivi kundetu sa de chindeé ji saán

In kivi ni ya’a nde ja tetiñu ní tu’un de ñayiví ja chindeé nuu ní sa’a de ndi’i ja iyo nuu nda’a de tágua ni’in ní ja jiniñu’un.

A jiniñu’un ja koo jika sa nuu ñayiví axi ja kindasi sa iini kenda ja chindeé saán

Saa. Ja koo jika ní axi ja kindasi ní ini ve’e ní chindeé tuni ja ma kutenuu ka COVID-19 nuu nda ta’an yo, ñayiví nuu satiñu yo, nuu nda ñayiví ja kita’an yo jín, de sukua ma kutenuu ka kue’e ini ñuu yo. Tú iyo in ja jiniñu’un ka ní ta ja ni jinu kivi ja yindasi ní, ñayiví ja chindeé nuu ní kuu sa’a ji ja ni’in ní ja jiniñu’un ní tú na’an ka kuetiñu ní ndatiñu axi tú na’an ka de nduva’a ní.

Naguá kuu ja koo jika nuu ñayiví ji ja kindasi ini ve’e

Ja koo jika nuu ñayiví: Tú ni kee ja nuu pruena ní ja ndo’o ní COVID-19 axi ndo’o ní nda kue’e ja sa’a (vachi ni nuu yu’u Inglés) axi ndetu ní nasa ni kee nuu prueba ní jiniñu’un ja koo jika ní nuu ñayiví tágua ma kutenuu kue’e.

• Kindoo ní ve’e ní de ma kita’an ní jín inka ñayiví, tanu kuu nda ta’an ve’e ní.
• Kindoo ní ini in ni ve’e, kuatiñu ní in ni bañu tú kuu.
• Kuatiñu ní in ja kasi va’a ní yu’u ní (vachi ni nuu yu’u Inglés) tú sanaa jiniñu’un ja koo ñati ní nuu inka ñayiví.
• Ma kisatiñu ní, nuu escuela axi nuu iyo kua’a ñayiví. Ma kuetiñu ní carru nuu ñu’un ñayiví kua’a axi nda taxi.
• Vachi ni kee ní ve’e ní tú kikutatan ní.
• Sa’a ní ja kachi nda tu’un jéé ka (vachi ni nuu yu’u Inglés) ja tatuni Centers for Disease Control and Prevention (CDC, Ve’e nuu jito ji jekani nda kue’e) (vachi ni nuu yu’u Inglés) ji Department of Health (DOH, Ve’e nuu jito ja Sa’a tátan) (vachi ni nuu yu’u Inglés) siki nasaa kivi koo jika ní.

Ja kindasi ini ve’e: Tú ni iyo ñati ní nuu COVID-19 de nduu ndo’o ni nda kue’e ja sa’a (vachi ni nuu yu’u Inglés) kue’e ya’a, sanaa kakan de ja kindasi ini ini ve’e ní, sanaa kuu sukua tú nduu ni kani ní vacuna maa ní. Ya’a sa’a ja ma kutenuu kue’e iini jitotuni tú ndo’o ni kue’e.

Sa’a ní ja kachi nda tu’un jee ka (vachi ni nuu yu’u Inglés) ja tatuni CDC (vachi ni nuu yu’u Inglés) ji DOH (vachi ni nuu yu’u Inglés) siki nasaa kivi jiniñu’un ja kindasi ní.

Naguá sa’a sa tú ni xi’in kue’e COVID-19 sa

Ñama ndukú ni nuu kutatan ní tú ni xi’in kue’e ní. Naani ñayiví ja ndo’o ji nde ni in nda kue’e ya’a, jiniñu’un ja ñama ndukú ji tatan:

• Nduu kuu xtaa tachi
• Jatu axi yani’ni ndika
• Naa ini
• Nduu kuu ndoto axi ñu’un tuni ma’na nuu
• Kundee nuu axi ñii yu’u

*Nduu yoso ndi’i nda kue’e ja sa’a nuu tutu ya’a. Ka’an ní jín ñayiví ja taji tatan nuu ní tú xtuu ka kue’e ní axi tú ni xi’in kue’e ní.

Tú jinñu’un ní ja kutatan ní de jiniñu’un ja ka’an ní nuu 911, kachi ní ja ndo’o ní COVID-19. Tú kuu sa’a ní, kasi ní yu’u ní ta cha’a kenda nda ñayiví ja satatan.

Nasaa tiempo ya’a tágua Care Connect Washington kuu chindeé saán

Ñayiví ja chindeé nuu ní chindeé ji ní 21 kivi. Iyo jichi ja, ñayiví ja chindeé nuu ní kuu chindeé ji ní ja ni’in ní ja jiniñu’un ka ní tú na’an ka de nduva’a ní.

Nasa satiñu Care Connect Washington jín ñayiví

Care Connect Washington kuu in programa ja satiñu ini ñuu de ñuu kuu ja chindee nuu ji tágua kuu chindeé ji ñayiví.

Washington State Department of Health kuu ja kachi nasa satiñu ji, ka ndukú ji ñayiví ji ste’en ji nuu, nastutu ji xu’un ja je’e nda ñuu tágua sukua kuu kuetiñu ji ja chindeé ji nda ñayiví de sa’a ji ja va’a kee nda tiñu ya’a, chindeé ji ja ni’in ji xu’un axi ndatiñu.

Nda ja chindeé ini ñuu nde’e ji de tetiñu ji ja jiniñu’un ñayiví de jetiñu ji nda ñayiví ini ñuu tágua kuu chindeé ji inka ñayiví ini ñuu de sukua nda ñayiví kuu kindasi ji axi koo jika ji nuu ñayiví. Nda ñuu satiñu ji jín nda ñayiví ja iyo ini ñuu tágua kua’a ji ja jiniñu’un nda ñayiví, de ñukua sa’a ja jito ji tava’a ji xu’un ja neva’a nda ñayiví.

Jani nda ñayiví ja kunde’e ji, chindeé ji de kunde’e ji naguá kuu ja jiniñu’un nda ñayiví de sukua kuni ji nasa tatiñu ji tágua chindeé ta’an nuu kue’e COVID. Programa ya’a chindeé ji tágua koo in ñayiví ja ka’an yu’u ka’an nda ñayiví de iyo ji ndikivi tagua kunde’e ji ja sa’a ta in jiniñu’un nda ñayiví.

Nasa koto tu’un siki maa sa

Ñayiví ja chindeé nuu ní kunde’e ji tú ndaa tu’un ja ni ni’in ji nuu yokaa COVID-19 de katu’un ji naguá kuu ja jiniñu’un ní. Naani tu’un ja kachi ní axi ja ndatu’un ní jín ñayiví ya’a koo yu’u. Nda ñayiví ja chinde’e nuu nda ñayiví ji Department of Health nde’e ji naguá kuu ja sanaa jiniñu’un ní de sukua kuu taji ji nuu ní. Ma skutenuu ji tu’un siki nasa iyo ní axi nasa sa’a kue’e ní.

Nasa sa’a Care Connect Washington tágua ma kutenuu ka COVID-19

Nda ñayiví ja chindeé nuu ñayiví tágua ni’in ji ja jiniñu’un de kindasi ji va’a ka kuu sa’a ji tiñu ya’a siki ja je’e ja jiniñu’un ji. Siki ja kuu chindeé ji nda ñayiví ja ni kee ja ndo’o ji COVID-19 axi nda ja ni iyo ñati ji nuu in ñayiví ja ndo’o kue’e de sukua kindoo ji ini ve’e ji, Care Connect Washington kuu chindeé ji ja ma kutenuu ka COVID-19 de kuu chindeé ji ja koto xu’un ini ñuu. Siki ja chinde’e nda ñayiví ja jiniñu’un ji ndatiñu ji ja yika ka ji nuu COVID-19, sukua chindeé ji ja inuu ni koto ndaka ñayiví ja ku’u de chindeé ji nda ñayiví ja jiniñu’un ka ja siki kue’e COVID-19.

Na nuu ka’an sa tú ni jini sa ja iyo in ñayiví ja jiniñu’un ja chindeé Care Connect Washington

Tú maa ni kuu axi in ñayiví ja jini ní yindasi ji ve’e ji de jiniñu’un ji ja chindeé nuu ji, ka’an ní yokaa nuu yokaa COVID-19 ja iyo ini ñuu.

Yokaa COVID-19 ja iyo ini ñuu: Ka’an ní nuu 1-800-525-0127, ñukua de kuaxin ní #. Iyo nuu ke’e yu’u.

• Lunes nde 6 a.m. nde 10 p.m.
• Martes nde domingo ji nda kivi iyo viko nde 6 a.m. nde 6 p.m.

A chindeé Care Connect Washington nda ñayiví ja ku’u ji

¡Saa! Ñayiví ja chindeé nuu ní kuu chindeé ji ja ni’in ní tatan ja jiniñu’un ní tú iyo ini ñuu ní.

A suni iyo ja kuu chinde’e nuu nda Ñayiví Savi ini ñuu tágua ni’in ji ja jiniñu’un ji

Saa. Tágua ni’in ní ka tu’un, tetiñu ní in correo electrónico nuu COVID19.CareCoordination@doh.wa.gov axi ka’an ní nuu 564-999-1565.

A iyo ñayiví ja ka’an yu’u ka’an sa

Saa. Ta Ka’an ní nuu yokaa COVID-19 nuu 1-800-525-0127 ñukua de kuaxin ní #, iyo nuu ke’e yu’u. 

Tú ja ni ka’an ní jín in ñayiví ja chindeé nuu ní, Care Connect Washington taji ji tu’un nuu yu’u ja ta’an ka ini ní.

Nda ndatiñu ja iyo

Página internet nda ndatiñu ja iyo ji nda tu’un ja kuu kuatiñu yo: Ni’in ní tu’un siki nda sa’ma ja jasi yo yu’u yo, ja kindasi yo, ja koto ta’an yo, tú ni iyo ñati yo nuu COVID-19, tú ni xtuu kue’e axi kua’a ka. Kuu kakan ní ja jiniñu’un ní nuu yu’u ja ta’an ka ini ní.