COVID-19

This page is being reviewed for updates. The Washington State Department of Health has updated its guidance for what to do if you are sick with COVID-19 or were exposed to COVID-19. This page may have content that is inconsistent with the new guidance.

COVID-19 Laina Tuusa’o Faamatalaga

Afai e iai sau fesili e uiga i le COVID-19, vala’au le 1-800-525-0127 ma oomi le 7. A tali mai i latou, fai iai i lau gagana ina ia maua ai auaunaga faaliliu-upu O le numera tuusa’o faapitoa o loo avanoa i Aso Gafua mai le 6 a.am i le 10 p.m., ma le Aso Lua i Aso Sa (ma so malolo aloaia) 6 a.m. i le 6 p.m..

O agai atu i aiga ma ua manaomia tui puipui o le COVID-19?

E tolu auala e lesitala ai.

Tausiga Lelei, Uosigitone - Ola Maloloina ma Saogalemū i le COVID-19

O lea ua tatou iloa o le COVID-19 ua sau e nofo mo le lumana'i ua tatou vaaia. E tāua tele lo tatou malamalama i auala e mafai ona tatou ola ai i lenei olaga ma puipuia i tatou lava, o ē tatou te alolofa iai fa’apea ma tatou komiunitī. E fa'apefea ona tatou fa'atinoina lea tulaga? E ala i le fa'aaogaina o vaega uma ua tatou a'oa'oina: faia o tui puipui ma tui o le booster, faia o siaki ma nofo lelei i le fale pe a ma'i pe sa latalata i se tasi ua aafia, faia o talifofoga i nofoaga tumutumu, ma tausia tulaga fa'avāvāmamao.

O mea nei e tatau ona e iloa a'o tatou alo atu ai i se tulaga fou o lo tatou ola fa'atasi ma le COVID-19 i o tatou komiunitī.

Fa'atino, Fa'aeteete

Decorative

Fai tui puipui ma Tui o le booster

O tui puipui o le COVID-19 ma tui o le booster o vaega sili ia mo puipuiga e tetee atu ai i siama pepesi ma ma'i tigaina.

A'oa'o Atili

Decorative

Iloa Taimi e Fai ai Siaki

Tuuitiitia aafiaga o le pepesi o le COVID-19 e ala i le faia o siaki pe a lagona le fa'ama'ima'i, iai i totonu o se fa'apotopotoga, pe sa latalata i nisi ua aafia i le COVID-19.

A'oa'o Atili

Decorative

Fai se Talifofoga

O le faia o se talifofoga ua fa'amaoniaina o se auala ua mafai ona tuuitiitia ai le pepesi o le COVID-19 ma o loo mana'omia pea i nisi o nofoaga.

A'oa'o Atili

 

Pe Afai ua e Aafia i le COVID-19 i le Taimi Nei

Siaki Ta'iala Lata Mai

Nofo i le fale ma ia e nofo ese mai isi tagata, ma mulimuli i ta'iala lata mai mo le nofo'esea.

A'oa'o Atili

Fai Togafitiga

Fa'afesoota'i lau tausi soifua e fa'ailoa atu ia te oe ituaiga togafitiga eseese mo lau filifiliga.

A'oa'o Atili

Sa'ili Fesoasoani mo le Sa'iliga Malosi

Fai meaai kiliva atu ma fualaau mo togafitiga, togafitiga mo tamaiti, ma isi auaunaga a'o e sa'ili malosi ai mai aafiaga o le COVID-19.

A'oa'o Atili

COVID Fa'aumiumi

O tagata o loo maua i le COVID-19 e mafai ona maua i āuga e sili atu i vaiaso ma tausaga ona aafiaga. Puipui aafiaga fa'aumiumi o le COVID e ala i le puipuia o siama o le COVID-19.

A'oa'o Atili

Fa'amatalaga Fa'aopoopo

O āuga, fa’ailoilo ma puipuiga o le COVID-19

O āuga masani nei o le COVID-19 o loo i lalo:

  • Tale, lē lava le manava pe faigata ona mānava, fiva, ma'alili, tigā maso o le tino, tigā le fa'ai, fou le lē manogi o se meaai poo le lagona o se fiaai. O isi āuga e le taatele e iai le fa'afaufau, fa'asuati poo le tātā o le manava.
  • Valaau le 911 pe afai ua e vaaia āuga muamua ia o le COVID-19:
    • Faigata ona mānava
    • Tigā fa'alausosoo le fatafata pe fufusi
    • Fa'afuase'i ona le mautonu le mafaufau
    • Le mafai ona ala i luga pe ala umi fo’i
    • Sesega, efuefu, pe lanu moana le tino, laugutu, poo totonu o atigilima, fuafua i le lanu o le tino
  • O ā vaega o loo i se tulaga lamatia?
    • Tagata matutua, tagata o soo se tausaga e iai fa'afitauli o le soifua maloloina, ma tinā ma’itaga e mafai ona maualuga tulaga fa'apopoleina i ma’i tigaina mai le COVID-19.

E fa'apefea ona ou puipui ia te a’u ma lo’u aiga?

  • Fai tui puipui ma tui o le booster pe afai e agavaa.
  • Nofo i le fale pe a ma’i.
  • Fa’aaoga se talifofoga ma fa'avāvāmamao mai i isi pe tusa ma le ono futu (lua mita) pe a e alu i nofoaga faitele e tumutumu ai tagata.
  • ‘Alo 'ese mai mea e tumutumu ma nofoaga e lē lelei le ’ea.
  • Toaga e fufulu ou lima pe fa’aaoga vailaau fufulu lima.
  • Kava lou fofoga pe a e tale ma mafatua i lou tulilima poo se pepa solosolo.
  • ‘Aua e te tago i ou foliga, gutu, isu poo mata.
  • Fa'amāmā lou fale i taimi uma.
  • Afai ua e maua i āuga o le COVID-19, fa'afesootai lau tausi soifua masani.
Asiasi i faleoloa ma nofoaga faitele ma le fa'aeteete

E tele mea e tatau ona e manatua ina ia puipuia ai oe ma isi ae ete le'i alu ma e toe foi mai fa'atasi ai ma le taimi ua e to'esea ai mai le aiga.

Ae e te le'i alu ese atu:

  • Taumafai malosi ina ia 'aua e te alu i se faleoloa poo se nofoaga faitele pe afai o loo e ma’i. Vaai se tagata o lou aiga poo se uo ina ia piki atu mea mana'omia mo oe.
  • Mafaufau pe talafeagai le faia o fa'atauga o meaai, fualaau ma vai mo togafitiga ma isi oloa i luga o 'upega tafa'ilagi e mafai ona kilivaina atu i lou fale.
  • Mafaufau i taimi e tau lē pisi e te alu ai i le faleoloa pe a mafai.
  • Fufulu ou lima ae e te le'i tuua le fale.

A'o e iai i totonu o nofoaga tumutumu:

  • Fai se talifofoga e kava ai lou isu ma le gutu.
  • Ia tausisia le vāvāmamao pe tusa ma le ono futu (lua mita) i le va o oe ma isi, tusa poo laina mo le totogiina o fa'atau.
  • Kava lou gutu pe a e tale pe mafatua.
  • ‘Aua le tago i ou foliga.
  • A fa'atau, fa’aaoga vailaau fufulu lima poo pepa solo lima e fa'amamā ai 'au o lau kololi fa'atau poo le ‘ato fai fa'atau.

A e foi i le fale:

  • Ta māmā le talifofoga ie sa e fa’aaogaina ma teu malu. Tia’i le talifofoga e le mafai ona toe fa'aaoga.
  • Fufulu ou lima.
  • Ia fa’aaoga auala saogalemū i tulaga tau mea’ai. 'Aua le fufuluina oloa tau meaai i vailaau fa'amāmā. Fufulu fualaau 'aina mata ma fualaau fai sua i ona tulaga masani.
Ma'itaga, pepe ma le COVID-19

O mea e tatau ona e iloa pe afai o e ma'itaga

  • O tinā ma'itaga pe sa ma'itaga lata mai nei, o i latou ia e tulaga maualuga aafiaga o ma'i tigaina e ono maua ai ona o le COVID-19 fa'atusa ia i latou e le'o ma'itaga.
  • O i latou ua pesia i le COVID-19 i le taimi o ma'itaga o loo fa'apea foi ona fa'atupulaia fa'afitauli i le fananau lē au (vave fanau e le'i atoa le 37 vaiaso) ma le fanau mai ua maliu, ma e ono iai foi tulaga fa'atuputupulaia o nisi faigata i ma'itaga.
  • O tinā o loo ma'itaga pe sa ma'itaga lata mai nei ma i latou o loo latou fesoota'i pea e tatau ona faia laasaga nei ina ia puipuia ai i latou mai le maua i le COVID-19:
    • Fai lou tui puipui ma fai le tui o le booster.
    • Fai se talifofoga.
    • Ia ono futu (lua mita) le va mai isi, ma 'alo’ese mai mea tumutumu ma nofoaga e lē lelei le ’ea.
    • Fai siaki ina ia taofia ai le pepesi o le fa'ama'i i isi tagata.
    • Toaga e fufulu ou lima ma kava le fofoga pe a tale ma mafatua i lou tulilima poo se pepa solosolo.
    • Toaga e fa'amāmā ma fa'availaau lou fale.
    • Fai ma siaki lou soifua maloloina i aso uma.
    • Vave valaau latou tausi soifua pe afai o iai ni o latou popolega i o latou ma'itaga, pe afai ua mama’i, pe ua latou masalomia ua maua i latou i le COVID-19.

Ma'itaga ma le tui puipui o le COVID-19

  • O tui puipui o le COVID-19 o loo fautuaina nei mo tinā ma'itaga, tinā o fa'asusu pepe, tinā o loo taumafai ia ma'itaga, pe atonu e ma'itaga i le lumanai.
  • O fa'amaoniga o le saogalemū ma le malosiaga o tui puipui e tetee atu ai le COVID-19 i le taimi o ma'itaga o loo fa'atuputupulaia pea. I fa'amaumauga o loo iloa ai penefiti o le faia o tui puipui o le COVID-19 ua sili atu ona fo'ia ai fa'afitauli masani ua iloa fa'apea ma tulaga lamatia e ono tula'i mai i tui puipui i le taimi o ma'itaga.
  • O tinā ma'itaga uma e tatau ona faia se tui puipui o le booster mo le COVID-19 pe afai e agavaa.
  • O tui puipui o le COVID-19 e le mafua ai le pepesi o siama o le COVID-19, e aofia ai tina ma'itaga poo a latou pepe.
  • I le taimi nei e le’o iai se fa'amaoniga fa'apea o soo se tui puipui, e aofia ai tui puipui o le COVID-19, ua mafua ai fa'aletonu o totoga fanau o tama'ita'i poo alii.
  • O e ma’itaga ma iai nisi au fesili e uiga i tui puipui o le COVID-19? Talanoa i lau tausi soifua pe fa'afesoota'i MotherToBaby, o loo iai o latou tagata tomai o loo avanoa e tali fesili i luga o telefoni poo talanoaga. O lenei auaunaga fa'alilolilo e le totogia ma o loo maua i Aso Gafua i Aso Faraile, 8 a.m. i le 5 p.m. Asiasi i le MotherToBaby (na'o le Igilisi ma le Fa'aSipaniolo) e talanoa ai pe lafo se imeli, poo le vala’au i le 1-866-626-6847 (na'o le Igilisi ma le Fa'aSipaniolo).

E fa'apefea ona tausia se pepe fou pe afai ua maua i le COVID-19

  • O le tele o pepe fou a tinā sa aafia i le COVID-19 i taimi o ma'itaga e le'i maua i le COVID-19 ina ua fananau mai.
  • O le tele o pepe fou sa fa'amaonia ua maua i le COVID-19 e feololo āuga na maua ai poo le leai foi o ni āuga ma ua toe malolosi. O lipoti ua fa'amauina ai nisi o pepe fou sa maua i ma'i tigaina ona o le COVID-19.
  • Afai o e fa'anofo'esea mo le COVID-19 ma o loo iai sau pepe fa'atoa fanau mai, ia usitaia lapata'iga nei se'iloga ua mae’a lou taimi fa'anofo'esea:
    • Nofo i le fale ina ia e taumamao mai tagata tou te lē nonofo fa'atasi.
    • Fa'anofoesea (nofo mamao) mai isi tagata o lou aiga e le'o pesia ma fai se punifofoga pe afai o e i nofoaga nonofo fa'atasi.
    • Sa'ili se tausi soifua ua mae’a uma ona tui puipui ma e le'o i se tulaga maualuga o aafiaga tugā o fa'ama'i e mafai ona tausia lau pepe fou. Afai e mafai, tatau lou suāsusu ina ia faigofie e se isi tausi tama ona fa'asusu lau pepe. Afai o ia te oe fa'atonuga, talanoa i lau tausi tama ina ia ona fuaina le susu.
    • Mulimulita'i i lapata'iga o loo fautuaina pe afai e tatau ona e tausia lau pepe fou ae le'i mae'a lou taimi fa'anofo'esea, e aofia ai le faia o se punifofoga a'o e fa'asusu pe sii lau pepe.
    • Mata'itu lau pepe mo āuga o le COVID-19.
  • O fa'amaoniga lata mai ua fa'aalia ai o le suāsusu e le mafai ona pasia le vairasi i pepe. O su'esu'ega lata mai ua fa'aalia ai o tinā sa faia tui puipui e tetee atu ai le COVID-19 e mafai ona pasiina atu vaega o puipuiga o le tino i a latou pepe e ala i le suāsusu. Afai o loo e maua i le COVID-19 ma ua filifili e fa'asusu lau pepe:
    • Fufulu ou lima ae le'i fafagaina lau pepe.
    • Fai se talifofoga pe a fafaga pe fa'asusu lau pepe ma soo se taimi ua e iai i le va o le ono futu (lua mita) mai lau pepe.

O loo avanoa le Laina Telefoni mo le Perinatal Support Washington mo matua fou uma ma matua fa'atalitali, poo e latou te alolofa iai, i soo se taimi latou te mana'omia ai se fesoasoani i fa'amatalaga tau le soifua maloloina o le mafaufau. Valaau le Laina Telefoni mo le Perinatal Support Washington o le 1-888-404-7763 pe asiasi i le 'upega tafa'ilagi a le Perinatal Support (na'o le Igilisi). Lafo se fe'au tusitusia pe imeli i le warmline@perinatalsupport.org.

E tāua le sa'iliina o se fesoasoani. O le laina telefoni e avanoa soo se taimi ma e taliina mai le Aso Gafua i le Aso Faraile, 9 a.m. i le 4:30 p.m. (na'o le Igilisi ma le Fa'aSipaniolo). I afiafi ma fa'ai'uga o vaiaso fa'amolemole tuu se fe'au ina ia mafai ona toe fa'afoiina atu le valaau i totonu o le 1-12 itula. O le matou laina fesoasoani o loo fa'atautaia e i latou e galulue mo le mamalu lautele poo matua na maua i fa'afitauli poo popolega ina ua tuueseesea ma le pepe fou.

Tausi lelei oe ma lou aiga

Washington Listens: Afai e te fia talanoa i se isi e uiga i atugaluga ua mafua ona o le COVID-19, valaau le Washington Listens i le 1-833-681-0211. E iai lava le tagata e mafai ona talanoa iai i le Aso Gafua i le Aso Faraile mai le 9 a.m. i le 9 p.m., ma, i fa'ai'uga o vaiaso e mai le 9 a.m. i le 6 p.m. E iai auaunaga mo TTY ma gagana eseese e te maua. Mo nisi fa'amatalaga e te maua i le matou itulau o le Soifua Maloloina o le Mafaufau ma Lagona (na'o le Igilisi).

  • Ia lava lou silafia i tulaga o iai nei le fa'ama'i ma fautuaga fa'aopopo ma fa'amatalaga mai le au tusitala talitonuina, fa'alapotopotoga o soifua maloloina mo le mamalu lautele ma lotoifale, ma fa'amatalaga fa'afou mai 'upega tafa'ilagi o le soifua maloloina mo le lautele.
  • Fai se lisi o alaga'oa a komiunitī, e pei o numera o telefoni, 'upega-tafa'ilagi, ma ala o fa'asalalauga lautele fa'aagafesoota'i. E mafai ona e fa'aopopoina iai a'oga, foma'i, fa'alapotopotoga o soifua maloloina mo le mamalu lautele, auaunaga mo le manuia o tagata, ofisa 'autū o le soifua maloloina fa'apea ma laina fesoasoani.
  • Toaga e mafuta i tagata o aiga ma uo e ala i telefoni pe ala i auaunaga i luga o 'upega tafa'ilagi.
  • Ia iai sau sapalai o mea faigofie mo le soifua maloloina (e pei o fasimoli, vailaau fufululima, pepa solosolo, o se fua fiva, fualaau e fa'aitiitia ai le fiva, ma mea e fai ai siaki o le COVID-19 i aiga).
  • Taumafai ia iai se sapalai o fualaau e mafai ona fa’aaoga e oe ma lou aiga i soo se taimi.

Fesoasoani i fanau laiti o lou aiga

  • Sa'ili fesoasoani ma fesoota'iga mai au uo m aiga e ala i le talanoa iai i telefoni, fe'au tusitusia, imeli poo ala o fa'asalalauga fa'aagafesoota'i.
  • Afai o tala e maua e tupu ai le fa'anoanoa i lau fanau, 'aua ne'i galo le faia o se malologa. Talanoa iai e fa'amanino soo se fa'amatalaga latou te ono maua mai le Initaneti poo isi auala o fa'amatalaga.
  • Taula'i i le lagolagoina o fanau e ala i le fa'amalosi'au iai ina ia fesili ma fesoasoani iai ia malamalama i tulaga o loo iai nei.
  • Talanoa e uiga i ni o latou lagona o loo iai ma tali atu iai.
  • Fesoasoani ia i latou ina ia fa’aalia o latou lagona e ala i tusigā ata poo isi gaioiga fa'atino.
  • Fa'anofo filemū ma ia fa'asiliina lou onosa'i nai lo lau masani.