Care Connect Washington

မ့ၢ်နၤ မ့တမ့ၢ်နဟံၣ်ဖိဃီဖိ ဒိးန့ၢ်ဘၣ်တၢ်ဘၣ်ဒိဘၣ်ထံး ခီဖျိလၢ COVID-19 တၢ်ဆါဒံးဧါ. နဒိးန့ၢ်တၢ်မၤစၢၤ လၢ လီၢ်ကဝီၤတၢ်ကွၢ်ထွဲကဟုကယၥ်ဖိးမံမူဒါခိၣ် လၢနပှၤတဝၢအပူၤသ့ ခီဖျိတၢ်ဆဲးကျိး Care Connect Washington လၢ 1-833-453-0336 န့ၣ်လီၤ. တၢ်ကွၢ်ထွဲကဟုကယၥ်ဖိးမူဒါခိၣ်န့ၣ် ကဟံးန့ၢ်တၢ်ဆၢ ကတီၢ် လၢကနၢ်ပၢၢ်နတၢ်လိၣ်ဘၣ်တဖၣ်အဂီၢ် ဒီးကမၤစၢၤနၤ ဒီးနဟံၣ်ဃီဒီဒူၣ်ညါ လၢကဆဲးကျိးဆူတၢ် မၤစၢၤဂံၢ်ထံးလၢအအိၣ်ဝဲတဖၣ် ဒ်အမ့ၢ်ဟံၣ်တၢ်သူၣ်ထီၣ်, ဆူၣ်ချ့တၢ်အုၣ်ကီၤ, တၢ်ကွၢ်ထွဲကဟုကယၥ် ဖိသၣ်, တၢ်မၤစၢၤတၢ်အီၣ်တၢ်ရဲၣ်တၢ်ကျဲၤတဖၣ်, ဒီးတၢ်တိစၢၤမၤစၢၤအဂၤတဖၣ်န့ၣ်လီၤ. တၢ်တိစၢၤမၤ စၢၤလၢအအိၣ်တဖၣ်န့ၣ် လီၤဆီလၢတၢ်လီၢ်တတီၤဘၣ်တတီၤန့ၣ်လီၤ. 

Care Connect Washington မ့ၢ်ဝဲတၢ်ရဲၣ်တၢ်ကျဲၤ လၢအဂုၤထီၣ်ပသီထီၣ်လၢ တၢ်ဆါသံသတြိာ်ကဲ ထီၣ်သးအဆိအခါ လၢကဟ့ၣ်လီၤတၢ်အီၣ်ဒီးတၢ်မၤစၢၤအဂၤတဖၣ် ဆူပှၤလၢအတူၢ်ဘၣ် COVID-19 တၢ်ဆါအဃိဒီးအဝဲသ့ၣ် အိၣ်ပၥ်လီၤဆီအသးလၢဟံၣ်ပူၤကသ့အဂီၢ်န့ၣ်လီၤ. အခဲအံၤန့ၣ် တၢ်ရဲၣ်တၢ် ကျဲၤအံၤ မၤစၢၤပှၤလၢအတူၢ်ဘၣ် COVID-19 တၢ်ဆါတဖၣ် ဒ်သိးအဝဲသ့ၣ်အကတီၢ်ယံာ်တၢ်လိၣ်ဘၣ် တဖၣ် ကလၢထီၣ်ပှဲၤထီၣ်အဂီၢ်န့ၣ်လီၤ. အဒိန့ၣ် ပှၤတနီၤတူၢ်ဘၣ် COVID-19 အတၢ်ဒိဘၣ်တဖၣ် လၢအ ကတီၢ်ဖးယံာ်န့ၣ်လီၤ. ပှၤဂုၤပှၤဂၤတဖၣ် ဘၣ်သ့ၣ်သ့ၣ်ကဆူးဆါ ဒီးအတၢ်မၤတဖၣ်လီၤမၢ် ဒီးလိၣ်ဘၣ် တၢ်မၤစၢၤ လၢကဂဲၤဆၢထၢၣ်က့ၤလၢအခီၣ်ဒၣ်ဝဲအဂီၢ်န့ၣ်လီၤ. Care Connect Washington မၤစၢၤအီၤ သ့န့ၣ်လီၤ.

Care Connect Washington မ့ၢ်ဝဲ Department of Health (ဆူၣ်ချ့ဝဲၤကျိၤ), ဟီၣ်ကဝီၤပူၤ လီၢ်ခၢၣ်သးဃိးတီၤ, ဒီးလီၢ်ကဝီၤပူၤတၢ်ကွၢ်ထွဲဖိးမံမူဒါခိၣ်အါန့ၢ်အဂၤ 100 လၢပှၤတဝၢတဖၣ် လၢကီၢ်စဲၣ်ဒီ ဘ့ၣ်ညါ အတၢ်မၤသကိးတၢ်အပူၤန့ၣ်လီၤ. Care Connect တၢ်မၤကျဲအံၤ မၤဆူၣ်ထီၣ်ပှၤတဝၢတဖၣ်အ ဂံၢ်အဘါ ခီဖျိတၢ်မၤစၢၤပှၤဂီၢ်မုၢ် ဒ်သိးကမၤန့ၢ်ဘၣ် တၢ်အိၣ်ဂၢၢ်အိၣ်ကျၢၤ ဒီးတၢ်အိၣ်ဆူၣ်ချ့လၢအဂ့ၤဒိၣ် န့ၣ်လီၤ. လီၢ်ကဝီၤပူၤတၢ်ကွၢ်ထွဲကဟုကယၥ်ဖိးမံမူဒါခိၣ်တဖၣ်န့ၣ် မၤသကိးတၢ်ဒီးပှၤတဂၤ လၢကမၤစၢၤအ ဝဲသ့ၣ်လၢကပတံထီၣ်တၢ်ရဲၣ်တၢ်ကျဲၤတဖၣ် ဒ်အမ့ၢ် တၢ်န့ၢ်ဘျုးန့ၢ်ဖှိၣ်လၢပှၤတအိၣ်ဒီးတၢ်ဖံးတၢ်မၤအဂီၢ်, တၢ်ဆီၣ်ထွဲလၢဟံၣ်ဃီတၢ်သူၣ်ထီၣ် မ့တမ့ၢ်တၢ်ကွၢ်ထွဲကဟုကယၥ်ဖိသၣ်အဂီၢ်, တၢ်ဆီၣ်ထွဲတၢ်အီၣ်တၢ်ရဲၣ် တၢ်ကျဲၤတဖၣ် ဒ်အမ့ၢ် Supplemental Nutrition Assistance Program (SNAP, တၢ်မၤပှဲၤတၢ် အီၣ်န့ၢ်ဂံၢ်န့ၢ်ဘါတၢ်ဆီၣ်ထွဲတၢ်ရဲၣ်တၢ်ကျဲၤ) မ့တမ့ၢ် Special Supplemental Nutrition Program for Women, Infants, and Children (WIC, ပိာ်မုၣ်, ဖိသၣ်အိၣ်ဖျဲၣ်သီ ဒီးဖိသၣ်တၢ်မၤပှဲၤအတၢ်အီၣ်န့ၢ် ဂံၢ်န့ၢ်ဘါလီၤဆီတၢ်ရဲၣ်တၢ်ကျဲၤ), Apple Health, ဒီးတၢ်အဂၤတဖၣ်န့ၣ်လီၤ. Care Connect Washington ဟ့ၣ်နီၤလီၤတၢ်ကစီၣ်ဂ့ၢ်ကျိၤတဖၣ် လၢပှၤလိၣ်ဘၣ်အီၤလၢ ကျိာ်လၢအဘၣ်သူၣ်ဘၣ်သးဝဲန့ၣ်လီၤ.

Care Connect regions map with services in these counties: Grays Harbor, Mason, Thurston, Pacific, Wahkiakum, Lewis, Cowlitz, Clark, Skamania, Clickitat, Yakima, Benton, Franklin, Adams, Lincoln, Ferry, Stevens, Pend Oreille, Spokane, King, Pierce, Snohomish, Skagit, Whatcom

လီၢ်က၀ီအတၢ်ရဲၣ်တၢ်ကျဲၤဘၣ်ဃာ်ဒီး COVID-19 အတၢ်မၤစၢၤ

Department of Health ပာ်ဖှိၣ်မၤသကိးတၢ်ဒီးလီၢ်က၀ီၤ ဆူၣ်ချ့ဘၣ်မူဘၣ်ဒါ ဒီးအ၀ဲသ့ၣ် ပှၤမၤသကိးတၢ်တဖၣ်ဒီး ပၢဆှၢရဲၣ်ကျဲၤ၀ဲဒၣ် Care Connect Washington လၢဟီၣ်က၀ီၤ တတီၤဘၣ်တတီၤအတၢ်လိၣ်ဘၣ်အဖီခိၣ်န့ၣ်လီၤ. ဟီၣ်က၀ီၤတတီၤဘၣ်တီၤန့ၣ်ကမၤသကိးဃုာ်တၢ်ဒီး ပှၤတ၀ၢကရၢအပှၤမၤသကိးတၢ်တဖၣ်လၢအကဒုးဘျးစဲ၀ဲဒၣ် ပှၤတဖၣ်လၢအကြၢးဒိးန့ၢ်ဘၣ်တၢ်မၤစၢၤဒ်အမ့ၢ်၀ဲ ကသံၣ်ကသီ, ဆူၣ်ချ့တၢ်ကွၢ်ထွဲ, တၢ်မၤစၢၤပတံထီၣ်စၢၤ၀ဲတၢ်မၤ ဖိအဘျုးအဖှိၣ်အဂီၢ်, တၢ်ဃုစၢၤန့ၢ်ဟံၣ်ဃီ, တၢ်အီၣ်တၢ်အီ, တၢ်ကွၢ်ထွဲဖိသၣ်ဒီးတၢ်ဂုၤအဂၤတဖၣ်န့ၣ်လီၤ.

ပဒိးန့ၢ် တၢ်တိစၢၤမၤစၢၤတဖၣ်သ့ဖဲလဲၣ်

တၢ်တိစၢၤမၤစၢၤတဖၣ်န့ၣ် အိၣ်ဝဲလၢကီၢ်စဲၣ်ဒီဘ့ၣ်ညါအပူၤ လၢပှၤလၢအတူၢ်ဘၣ် COVID-19 တၢ်ဆါ အတၢ်ဘၣ်ဒိအဂီၢ်န့ၣ်လီၤ..

မုၢ်ထီၣ် ဟီၣ်က၀ီၤ

Better Health Together (နဖးသ့ဒၣ်ထဲလၢအဲကလံာ်ကျိာ်) ကရူၢ်အံၤမ့ၢ်၀ဲ Care Connect Washington အ၀ဲၤကျိၤတခါလၢ အဟ့ၣ်မၤစၢၤတၢ်ဆူ Adams, Ferry, Lincoln, Pend Oreille, Spokane, ဒီး Stevens ကီၢ်ရ့ၣ်တဖၣ်အဂီၢ်န့ၣ်လီၤ.

King ကီၢ်ရ့ၣ်

Elevate Health (ထဲအဲကလံးကျိာ်) န့ၣ် တိစၢၤမၤစၢၤတၢ်ဒ် Care Connect Washington အဒ့လၢ King ကီၢ်ရ့ၣ်အဂီၢ်န့ၣ်လီၤ.

ကလံၤစိးခၢၣ်သးဟီၣ်က၀ီၤ

Action Health Partners (နဖးသ့ဒၣ်ထဲလၢအဲကလံာ်အကျိာ်) ကရူၢ်အံၤဟ့ၣ်တၢ်မၤစၢၤဒ်သိးဒီး Care Connect Washington အ၀ဲၤကျိၤတခါလၢ Chelan, Douglas, Grant ဒီး Okanogan ကီၢ်ရ့ၣ်တဖၣ်အဂီၣ်န့ၣ်လီၤ.

ကလံၤစိးဟီၣ်က၀ီၤ

North Sound Accountable Community of Health (နဖးသ့ဒၣ် ထဲလၢအဲကလံာ်အကျိာ်) န့ၣ် တိစၢၤမၤစၢၤတၢ်ဒ် Care Connect Washington အဒ့လၢ Chelan, Douglas, Grant, ဒီး Okanogan ကီၢ်ရ့ၣ်တဖၣ်အဂီၢ်န့ၣ်လီၤ.

ကလံၤစိးမုၢ်နုၥ်ဟီၣ်ကဝီၤ

WithinReach (ထဲအဲကလံးကျိာ်) ဟ့ၣ်ဝဲ တၢ်ကွၢ်ထွဲဖိးမံတၢ်တိစၢၤမၤစၢၤတဖၣ်လၢ Clallam, Jefferson, ဒီး Kitsap ကီၢ်ရ့ၣ်တဖၣ်အဂီၢ်န့ၣ်လီၤ.

Pierce ကီၢ်ရ့ၣ်

Elevate Health (ထဲအဲကလံးကျိာ်) န့ၣ် တိစၢၤမၤစၢၤတၢ်ဒ် Care Connect Washington အဒ့လၢ Pierce ကီၢ်ရ့ၣ်အဂီၢ်န့ၣ်လီၤ.

ကလံၤထံးခၢၣ်သးဟီၣ်ကဝီၤ

Greater Health Now (ထဲအဲကလံးကျိာ်) န့ၣ် တိစၢၤမၤစၢၤတၢ်ဒ် Care Connect Washington အဒ့လၢ Kittitas, Walla Walla, Whitman, Columbia, Garfield, Asotin, Yakima, Benton, ဒီး Franklin ကီၢ်ရ့ၣ်တဖၣ်အဂီၢ်န့ၣ်လီၤ.

ကလံၤထံးမုၥ်နုၥ် ဟီၣ်ကဝီၤၤ

Southwest Washington Accountable Community of Health (SWACH) (ထဲအဲကလံးကျိာ်) န့ၣ် တိစၢၤမၤစၢၤတၢ်ဒ် Care Connect Washington အဒ့လၢ Clark, Klickitat, ဒီး Skamania ကီၢ်ရ့ၣ်တဖၣ်အဂီၢ်န့ၣ်လီၤ.

မုၢ်နုာ်ဟီၣ်ကဝီၤၤ

Cascade Pacific Action Alliance အ Community CarePort (ထဲအဲကလံးကျိာ်) န့ၣ် တိစၢၤမၤစၢၤ တၢ်ဒ် Care Connect Washington အဒ့လၢ Cowlitz, Wahkiakum, Pacific, Grays Harbor, Mason, Thurston, ဒီး Lewis ကီၢ်ရ့ၣ်တဖၣ်အဂီၢ်န့ၣ်လီၤ.

တၢ်လၢပှၤသံကွၢ်အီၤခဲအံၤခဲအံၤတဖၣ်ၤ

Care Connect Washington အတၢ်တိစၢၤမၤစၢၤအိၣ်ဝဲဒၣ်လၢယဂီၢ်စ့ၢ်ဧါ

နမ့ၢ်တူၢ်ဘၣ် COVID-19 တၢ်ဆါအတၢ်ဒိဘၣ်န့ၣ် နကြၢးနဘၣ်နဲဒီး တၢ်တိစၢၤမၤစၢၤတဖၣ်န့ၣ်လီၤ. တၢ်အံၤ ပၥ်ဃုာ်ဒီး ပှၤလၢအခဲအံၤအဆိးက့ခီဖျိ COVID-19 မ့တမ့ၢ်အိၣ်ဒီး COVID-19 တၢ်ဆါလၢညါတဖၣ်န့ၣ် လီၤ.

ဆဲးကျိး 1-833-453-0336 တက့ၢ်. ကျိၢ်တၢ်မၤစၢၤ အိၣ်ဝဲန့ၣ်လီၤ. 

လီၢ်ကဝီၤပူၤတၢ်ကွၢ်ထွဲကဟုကယၥ်ဖိးမံမူဒါခိၣ်တဂၤ ကဆဲးကျိးနၤ လၢကနၢ်ပၢၢ်နတၢ်လိၣ်ဘၣ်တဖၣ် ဒီးမၤစၢၤနၤ ဒ်သိးနကဆဲးကျိးဒိးန့ၢ်ဘၣ် တၢ်မၤစၢၤဂံၢ်ထံးတဖၣ်ဒီးတၢ်တိစၢၤမၤစၢၤတဖၣ်အဂီၢ်န့ၣ်လီၤ.

ယမုၢ်လၢ်တၢ်ဆီၣ်ထွဲအကလုာ်ဒ်လဲၣ်တမံၤန့ၣ်သ့လဲၣ်.

နလီၢ်ကဝီၤပူၤတၢ်ကွၢ်ထွဲကဟုကယၥ်ဖိးမံမူဒါခိၣ် ကဟံးန့ၢ်တၢ်ဆၢကတီၢ် လၢကသ့ၣ်ညါနၤ ဒီးနၢ်ပၢၢ်နတၢ် လိၣ်ဘၣ်တဖၣ်အဂီၢ်န့ၣ်လီၤ. ဝံၤဒီး အဝဲသ့ၣ်ကဃုထံၣ်ပာ်ပနီၣ် လီၢ်ကဝီၤပူၤတၢ်မၤစၢၤဂံၢ်ထံးတဖၣ်လၢအ အိၣ်ဝဲ ဒ်သိးကမၤစၢၤနၤ ပၥ်ဃုာ်ဒီးဆူၣ်ချ့တၢ်ကွၢ်ထွဲကဟုကယၥ်, တၢ်ဆီၣ်ထွဲဟံၣ်တၢ်သူၣ်ထီၣ် မ့တမ့ၢ် တၢ်ကွၢ်ထွဲကဟုကယၥ်ဖိသၣ်, ပှၤတအိၣ်ဒီးတၢ်ဖံးတၢ်မၤတဖၣ်အတၢ်န့ၢ်ဘျုးန့ၢ်ဖှိၣ်, တၢ်ဆီၣ်ထွဲတၢ်အီၣ်, ဒီးတၢ်အဂၤတဖၣ်န့ၣ်လီၤ. တၢ်တိစၢၤမၤစၢၤသ့ၣ်တဖၣ်အံၤ လၢလီၢ်ကဝီၤတတီၤဘၣ်တတီၤန့ၣ် ကလီၤဆီ လိာ်အသးန့ၣ်လီၤ. Care Connect Washington ကဟ့ၣ်နီၤလီၤ တၢ်ကစီၣ်ဂ့ၢ်ကျိၤလၢနလိၣ်ဘၣ် လၢ ကျိာ်လၢနသးဘၣ်သူၣ်ဘၣ်သးန့ၣ်လီၤ. Care Connect အတၢ်တိစၢၤမၤစၢၤတဖၣ်န့ၣ် အိၣ်ဝဲလၢတလိၣ် တၢ်ဟ့ၣ်အပှ့ၤဘၣ်လီၤ.

တချုးလၢယကဒိးန့ၢ်ဘၣ်တၢ်ဆီၣ်ထွဲမၤစၢၤအဂီၢ် ယကဘၣ်အိၣ်ခိးဆံးယံာ်လဲၣ်.

နဟီၣ်ကဝီၤတၢ်ကွၢ်ထွဲကဟုကယၥ်ဖိးမံမူဒါခိၣ် ကဂုာ်ကျဲးစၢးထဲးဂံၢ်ထဲးဘါအဂ့ၤကတၢၢ် ဒ်သိးကဟ့ၣ်တၢ် ဆီၣ်ထွဲ လၢတနံၤအပူၤဖဲအဒိးန့ၢ်ဘၣ် လံာ်ဆှၢခီန့ၣ်လီၤ.

နကဒီသဒၢယတၢ်ကစီၣ်ဂ့ၢ်ကျိၤတဖၣ်ဒ်လဲၣ်.

နတၢ်ကွၢ်ထွဲကဟုကယၥ်ဖိးမံမူဒါခိၣ်န့ၣ် ကပာ်ဂၢၢ်ပာ်ကျၢၤတၢ်ကစီၣ်ဂ့ၢ်ကျိၤ လၢအဝဲသ့ၣ်ဒိးန့ၢ်ဘၣ် လၢတၢ် ဆဲးကျိးလီၢ်ခၢၣ်သး ဒီးသံကွၢ်နတၢ်လိၣ်ဘၣ်တဖၣ်အဂ့ၢ်န့ၣ်လီၤ. တၢ်ဂ့ၢ်တၢ်ကျိၤတမံၤလၢ်လၢ် လၢန တဲဖျါဆူ တၢ်ကွၢ်ထွဲကဟုကယၥ်ဖိးမံမူဒါခိၣ်အအိၣ်န့ၣ် ကဘၣ်တၢ်ပာ်ခူသူၣ်ဃာ်အီၤန့ၣ်လီၤ. ပှၤမၤတၢ်ဖိတဖၣ် လၢ အဟ့ၣ်တၢ်ကွၢ်ထွဲကဟုကယၥ်ဖိးမံတၢ်တိစၢၤမၤစၢၤတဖၣ် ဒီး Department of Health (ဆူၣ်ချ့ဝဲၤကျိၤ) န့ၣ်ကစူးကါတၢ်ကစီၣ်ဂ့ၢ်ကျိၤ ဒ်သိးကဃုထံၣ်ပာ်ပနီၣ် တၢ်တိစၢၤမၤစၢၤအကါဒိၣ် ကတၢၢ်တဖၣ် လၢ ဘၣ်သ့ၣ် သ့ၣ်နကလိၣ်ဘၣ်န့ၣ်လီၤ. အဝဲသ့ၣ် တမ့ၢ်ကရၤလီၤ နီၢ်တဂၤတၢ်ဂ့ၢ်တၢ်ကျိၤ မ့တမ့ၢ် တၢ်အိၣ် ဆူၣ်အိၣ်ချ့ တၢ်ဂ့ၢ်တၢ်ကျိၤသ့ၣ်တဖၣ်ဘၣ်.

Care Connect regions map with services in these counties: Grays Harbor, Mason, Thurston, Pacific, Wahkiakum, Lewis, Cowlitz, Clark, Skamania, Clickitat, Yakima, Benton, Franklin, Adams, Lincoln, Ferry, Stevens, Pend Oreille, Spokane, King, Pierce, Snohomish, Skagit, Whatcom
တၢ်လၢာ်ဘူၣ်လၢာ်စ့အိၣ်စံးအါလဲၣ်?

နတဘၣ်ဟ့ၣ်အဘူးအလဲနီၢ်တမံၤဘၣ်န့ၣ်လီၤ. Care Connect Washington ဒိးန့ၢ်ဘၣ်၀ဲဒၣ်ကျိၣ်စ့တၢ်မၤစၢၤလၢကီၢ် ပဒိၣ်အအိၣ် ဒ်သိးဒီးကဆီၣ်ထွဲတြီဆၢ၀ဲဒၣ် COVID-19 လၢ Washington ကီၢ်စဲၣ်ပူၤန့ၣ်လီၤ.

တၢ်မၤစၢၤသ့ၣ်တဖၣ်အ့ၤကတုၤလီၤလၢယအိၣ်စံးယံာ်လဲၣ်?

နဟီၣ်က၀ီၤပှၤပၢဆှၢတၢ်မူဒါခိၣ် ကဂုာ်ကျဲးစၢၤဟ့ၣ်လီၤ၀ဲ နၤတၢ်မၤစၢၤသ့ၣ်တဖၣ် အံၤ ဆူနအိၣ်ဖဲတနံၤဃီအတီၢ်ပူၤ န့ၣ်လီၤ.

ဖဲယဒိးန့ၢ်ဘၣ်တၢ်ဆီၣ်ထွဲမၤစၢၤအဆၢကတီၢ် ယကဘၣ်အိၣ်လၢတၢ်ပာ်အိၣ်လီၤ ဆီသးဒီးတၢ်အိၣ်လီၤဖျီၣ်သးဒီးပှၤ အဂၤဒံးဧါ?

မ့ၢ်, နကဘၣ်အိၣ်ဒံး၀ဲဒၣ်န့ၣ်လီၤ. တၢ်ပာ်အိၣ်လီၤဆီသးဒီးတၢ်ပာ်အိၣ်လီၤဖျီၣ်သးဒီးပှၤဂၤအံၤ မ့ၢ်တၢ်လၢအရ့ဒိၣ် တခါဒ်သိးဒီၤပသုတစိာ်ခီ မ့တမ့ၢ် ရၣ်လီအါထီၣ်၀ဲဒၣ် COVID-19 တၢ်ဆါဆူပခိၣ်ပဃၢ, ပတံာ်သကိး, ဟံၣ်ဖိဃီဖိ, ပတၢ်မၤအခိၣ်တဖၣ် အိၣ် ဒီးဒ်သိးအသုဒုးအါထီၣ် တၢ်ဂ့ၢ်ကီလၢပပှၤတ၀ၢအဂီၢ်တဂ့ၤန့ၣ် လီၤ. ဖဲနပာ်အိၣ်လီၤ ဆီသး ဒီးပှၤအဂၤ မ့တမ့ၢ် တၢ်အိၣ်လီၤဖျီၣ်သးဒီးပှၤအဂၤမ့ၢ်၀ံန့ၣ် ဟီၣ်က၀ီၤပှၤကွၢ်ထွဲတၢ်ဖိတဖၣ် ကဆဲးကျိာ်ဒုးသ့ၣ်ညါ ဘၣ်၀ဲဒၣ်လီၢ်က၀ီၤပှၤကွၢ် ထွဲတၢ်တဖၣ်ဒီး ဒ်သိးတၢ်ကမၤစၢၤဆီၣ်ထွဲက့ၤနၤလၢခါဆူညါ အတၢ်အိၣ်ဆူၣ်အိၣ်ချ့ဒီးဂ့ၢ်၀ီ အတၢ်လိၣ်ဘၣ်တဖၣ်အဂီၢ်န့ၣ်လီၤ.

တၢ်အိၣ်လီၤဖျီၣ်သးဒီးပှၤဂၤဒီးပှၤဂၤဒီးတၢ်ပာ်အိၣ်လီၤဆီိသးဒီးပှၤဂၤန့ၣ်အလီၤဆီလိာ်သးဒ်လဲၣ်?

တၢ်အိၣ်လီၤစဲၣ်ဒီးပှၤဂၤ နတၢ်မၤကွၢ်သးအစၢမ့ၢ်ဖျါဝဲလၢနအိၣ်ဒီး COVID-19 တၢ်ဆါအဃၢ်ဒီးအိၣ်ဒီး တၢ်ဆါအ တၢ်ပနီၣ်တဖၣ်,မ့တမ့ၢ်ခိးကွၢ်၀ဲဒၣ်တၢ်မၤကွၢ်တၢ်ဆါအဆၢန့ၣ်, နက ဘၣ်ပာ်အိၣ်လီၤဆီနသး ဒီးပှၤအဂၤဒ်သိးနသုတရၤလီၤတၢ်ဆါဆူပှၤဂုၤဂၤအအိၣ်တဂ့ၤန့ၣ်လီၤ.

  • အိၣ်လၢဟံၣ်ဒီး တဘၣ်မဘူးတံာ်နသးဒီးပှၤအဂုာ်အဂၤ, ဃုာ်ဒီးနဟံၣ်ဖိဃီဖိဘၣ် န့ၣ်လီၤ.
  • မ့ၢ်သ့မ့ၢ်ဘၣ်, အိၣ်လီၤဆီဒၢးတဖျၢၣ်ဒီး စူးကါတၢ်လုၢ်ထံဒၢးလီၤလီၤဆီဆီတက့ၢ်.
  • ထီဃာ် နီၢ်ကျၢၢ်ဘၢမဲာ်ဘၣ်ဘၣ်ဖိ (နဖးသ့ဒၣ်ထဲလၢအဲ ကလံာ်အကျိာ်) ဖဲနမ့ၢ်ဘၣ်အိၣ်ဖဲပှၤအဂၤအကပိာ် ကပၤလၢနဟံၣ်အပူၤ မ့တမ့ၢ် အချၢအခါန့ၣ်တက့ၢ်.
  • တဘၣ်လဲၤဆူတၢ်မၤ, ကၠိ, မ့တမ့ၢ် ကမျၢၢ်တၢ်လီၢ်တၢ်ကျဲတဖၣ်တဂ့ၤ. နကဘၣ်ဟးဆှဲ၀ဲဒၣ်တၢ်သူကမျၢၢ် အတၢ်စိာ်ဆှၢဖျိတၢ်, တၢ်ဒိး၀ဲဒၣ်သိလ့ၣ်ဒိးလဲ
  • မ့တမ့ၢ်လၢကသံၣ်ကသီဒီးတၢ်သမံသမိးတၢ်ဆါအဂ့ၢ်အကျိၤဘၣ်ဒီး အိၣ်လၢဟံၣ် တက့ၢ်.
  • လူၤပိာ်ထွဲ၀ဲဒၣ် လံာ်ဆူနဲၣ်ကျဲသီ (နဖးသ့ဒၣ်ထဲလၢအဲ ကလံာ်အကျိာ်)လၢ Central for Disease Control and Prevention (CDC, တၢ်ပၢဆှၢ၀ဲတၢ်ဆါဒီးတၢ်ဒီသဒၢတၢ်ဆါအ၀ဲၤလီၢ်) ဒီး Department of Health (DOH, ဆူၣ်ချ့၀ဲၤကျိၤ) (နဖးသ့ဒၣ်ထဲလၢအဲကလံာ်အကျိာ်)ပာ်ဖျါ၀ဲမ့တၢ်အိၣ်လီၤဆီဒီးပှၤအဂၤကဘၣ်ယံာ်၀ဲဒၣ်ထဲလဲၣ်န့ၣ်လီၤ.

ပာ်အိၣ်လီၤဖျီၣ်သးဒီးပှၤဂၤ- နမ့လဲၤဘၣ်တၢ်လီၢ်လၢ COVID-19 တၢ်ဆါအိၣ်အလီၢ်ဒီး တၢ်ဆါပနီၣ်တဖၣ်, နကဘၣ်အိၣ် ပာ်လီၤဖျီၣ်နသးဒီးပှၤအဂၤတဖၣ်, ဒိးသန့ၤထီၣ်သးလၢနတၢ်ဆဲးကသံၣ်ဒီ သဒၢအ တၢ်အိၣ်သးအဖီခိၣ်န့ၣ်လီၤ. တၢ်၀ဲအံၤ အဒီသဒၢ၀ဲတၢ်ဆါဃၣ်ဒ်သိးအတၢ်ရၤလီၤအသးဆူပှၤဂၤအအိၣ် ဖဲလၢ နသ့ၣ်ညါလၢနဆိက့အခါန့ၣ်လီၤ.

လူၤပိာ်ထွဲ၀ဲဒၣ် လံာ်ဆူနဲၣ်ကျဲသီ (နဖးသ့ဒၣ်ထဲလၢအဲကလံာ်အကျိာ်)လၢ CDC (နဖးသ့ဒၣ် ထဲလၢအဲကလံာ်အကျိာ်)ဒီး DOH (နဖးသ့ဒၣ်ထဲလၢအဲကလံာ်အကျိာ်)ပာ်ဖျါ၀ဲ မ့တၢ်အိၣ်လီၤဆီဒီးပှၤအဂၤကဘၣ်ယံာ်၀ဲဒၣ်ထဲလဲၣ်န့ၣ်လီၤ.

COVID-19 တၢ်ဆါအတၢ်ပနီၣ်မ့နးထီၣ်န့ၣ်ယြကၢးမၤတၢ်မနုၤလဲၣ်.

နတၢ်ဆါအပနီၣ်တဖၣ်မ့ၢ်နးထီၣ်န့ၣ် လဲၤကူဆါယါဘျါသးတဘျီဃီတက့ၢ်. ပှၤတဂၤလၢ်လၢ်လၢ အမ့ဒိးန့ၢ်ဘၣ်တၢ်ဆါ ပနီၣ်လၢလာ်တဖၣ်အံၤဒီး ကဘၣ်ဃုၢ အီၣ်န့ၢ်၀ဲဒၣ် ကသံၣ်ကသီတဘျီဃီန့ၣ်လီၤ.

  • တၢ်ကသါကီခဲ
  • တၢ်ဆါတကံတကး မ့တမ့ၢ် သးနါပှၢ်ဃၢ
  • တၢ်သးထၢမံထၢမၣ်အသီ
  • ဂဲၤဆၢထၢၣ်တန့ၢ် မ့တမ့ၢ် မံတန့ၢ်ဂဲၤတန့ၢ်
  • ပျုၤ မ့တမ့ၢ် မဲာ်ထီၣ်လုးထီၣ်လါ

*တၢ်ပနီၣ်သ့ၣ်တဖၣ်အံၤတမ့ၢ်တၢ်အလၢာ်ဒံးဘၣ်- ဝံသးစူၤတၢၣ်ပီၣ်သကိးဒီးပှၤလၢအဟ့ၣ်လီၤနၤကသံၣ်ကသီတၢ်ကွၢ် ထွဲဒီးတၢ်ဆါပနီၣ်အဂၤတမံၤလၢ်လၢ်လၢအနးတဖၣ် မ့တမ့ၢ် အိၣ်ဒီးတၢ်ဘၣ်ယိၣ်န့ၣ်တက့ၢ်.

နမ့ၢ်အိၣ်ဒီးကသံၣ်ကသီတၢ်ကူစါယါဘျါဂ့ၢ်ဂီၢ်အူ ဒီးလိၣ်ကိး 911 န့ၣ်, တဲဘၣ်ပှၤမၤတၢ်ဖိ လၢတၢ်မၢလီၤအီၤတဖၣ် လၢနအိၣ်ဒီးCOVID-19တၢ်ပနီၣ်တဖၣ်တက့ၢ်. မ့ၢ်သ့မ့ၢ်ဘၣ်, ထီတၢ်ကးဘၢမဲာ်တချုးလၢဂ့ၢ်ဂီၢ်အူတၢ်မၤစၢၤဟဲတုၤ န့ၣ်တက့ၢ်.

ယကဒိးန့ၢ်ဘၣ် Care Connect Washington အတၢ်မၤစၢၤယံာ်၀ဲဒၣ်ထဲလဲၣ်?

နဟီၣ်က၀ီၤပှၤရဲၣ်ကျဲၤတၢ်ပှၤဘၣ်မူဘၣ်ဒါကမၤစၢၤနၤယံာ်၀ဲဒၣ် 21 သီန့ၣ်လီၤ. လၢတၢ်အိၣ်သးတခါအဖီခိၣ်, ဖဲတၢ်အိၣ်လၢတၢ်အိၣ်လီၤဖျီၣ်သးအခါ မ့၀ံၤဒီး ဟီၣ်က၀ီၤပှၤကွၢ်ထွဲတၢ်ဖိတဖၣ် ကဆဲးကျိး ဒုးသ့ၣ်ညါဘၣ်၀ဲဒၣ် လီၢ်က၀ီၤပှၤကွၢ်ထွဲတၢ်တဖၣ်ဒီး ဒ်သိးတၢ်ကမၤစၢၤဆီၣ်ထွဲ က့ၤနၤလၢခါဆူညါအတၢ်အိၣ်ဆူၣ်အိၣ်ချ့ဒီး ဂ့ၢ်၀ီ အတၢ်လိၣ်ဘၣ်တဖၣ်န့ၣ်လီၤ.

Care Connect Washington အမၤတၢ်ဒ်လဲၣ်?

Care Connect Washington အံၤဘၣ်တၢ်ဆီၣ်ထွဲမၤစၢၤအီၤလၢ ကီၢ်ပဒိၣ်ဒီး ဘၣ်တၢ်ပၢဆှၢရဲၣ်ကျဲၤအီၤလၢလီၢ်ခၢၣ် သးဒီးဟီၣ်က၀ီ၀ဲၤကျိၤဒီးကရၢသ့ၣ်တဖၣ်န့ၣ်လီၤ.

Washington State Department of Health န့ၣ် ပၢဆှၢရဲၣ်ကျဲၤတၢ်ဘၣ်ဃး ဟီၣ်က၀ီၤတၢ်တၢ်ဆဲးကျိးဖံးသကိး မၤသကိး, တၢ်ငါန့ၢ်ဒီးတၢ်ဟ့ၣ်တၢ်သိၣ်လိဆူပှၤမၤတၢ်ဖိအသီတဖၣ်, တၢ်ဒုးအိၣ်ထီၣ်တၢ်ဘျးစဲလၢ ဟီၣ်က၀ီၤဒီးလၢ ကီၢ်ဒီတဘ့ၣ်, ဘၣ်ပၢဆှၢရဲၣ်ကျဲၤ၀ဲ ဒၣ်ကျိၣ်စ့ဒီး တၢ်ကရၢကရိအတၢ်သူလီၤဆီလီၤသးဒီး တၢ်မၤကဲထီၣ်လိၣ်ထီၣ်၀ဲ ဒၣ်တၢ်ဖံးတၢ်မးအိမိၢ်လံၤမိၢ်ပှၢ်န့ၣ်လီၤ.

ဟီၣ်က၀ီၤတတီၤဘၣ်စုာ်စုာ်န့ၣ်ပဘၣ်ဒုးအိၣ်ထီၣ်ဒီးဆှၢလီၤဟ့ၣ်လီ၀ဲပှၤတ၀ၢပှၢမၤတၢ်ဖိသ့ၣ်တဖၣ် အမူအဒါလၢ အကကွၢ်ထွဲရဲၣ်ကျဲၤန့ၣ် ၀ဲဒၣ်ပှၤပာ်အိၣ်လီၤဆီအသးဒီးပှၤအိၣ်လီၤ ဖျီၣ်သးသ့ၣ်တဖၣ် အတၢ်လိၣ်ဘၣ်တဖၣ်န့ၣ်လီၤ. ဟီၣ်က၀ီၤ၀ဲကျိၤတဖၣ် မၤသကိးတၢ်ဒီးဟီၣ်က၀ီပှၤဆါတၢ်ဖိသ့ၣ်တဖၣ် ဒ်သိးကဟ့ၣ်ဆှၢန့ၢ်ပှၤလၢ တၢ်ဖိတၢ်လံၤမ့ တမ့ၢ်တၢ်မၤစၢၤလၢအလိၣ်ဘၣ်သ့ၣ် တဖၣ်, ဒီးကတိစၢၤမၤစၢပှၤဒ်သိးဒီးလီၢ်က၀ီၤမုၢ်ကျိၤ၀ဲၤကွၢ်ကက့ၤဘၣ်လီၣ် ဘၣ်စးအဂီၢ်န့ၣ်လီၤ.

ဃုကယာ်ပှၤကွၢ်ထွဲပၢဆှၢတၢ်သ့ၣ်တဖၣ်အမူအဒါအိၣ်လၢ ကဘၣ်သမံသမိး, ဆီၣ်ထွဲၣ်မၤစၢၤ, ဒီးကဘၣ် ဃုထံၣ်၀ဲဒၣ် ပှၤကညီတဂၤဘၣ်တဂၤ တၢ်အိၣ်ဆူၣ် အိၣ်ချ့ဒီးဂ့ၢ်၀ီ အတၢ်လိၣ်တဖၣ်ဒီး ကဒုးအိၣ်ထီၣ်၀ဲဒၣ် Care Action Plan (COVID တၢ်ဟုကယာ်ကွၢ်ထွဲတၢ်ဟူးတၢ်ဂဲၤအတၢ်တိာ်ကျဲၤ) န့ၣ်လီၤ. ဒ်သိးပှၤကညီသ့ၣ်တဖၣ်ကသ့ၣ်ညါဒိးန့ၢ်ဘၣ် တၢ်ဆီၣ်ထွဲမၤစၢၤလီၤတံၢ် လီၤစဲၤအဂီၢ် တၢ်ရဲၣ်တၢ်ကျဲၤတခါအံၤအိၣ်ဒီးတၢ်ကျိာ်ထံ၀ဲဒၣ်ကျိာ်လၢပှၤကညီတဖၣ်ကနၢ်ပၢၢ်အဂီၢ်န့ၣ်လီၤ.

နကဒီသဒၢ၀ဲဒၣ် ယတၢ်ဂ့ၢ်တၢ်ကျိၤတဖၣ်ဒ်လဲၣ်?

ဃုကယာ်ကွၢ်ထွဲပှၤပၢဆှၢတၢ်သ့ၣ်တဖၣ် ကမၤလီၤတံၢ်က့ၤတၢ်ဂ့ၢ်တၢ်ကျိၤလၢ အဒိးန့ၢ်ဘၣ်၀ဲ လၢ COVID-19 တၢ် ဂ့ၢ်တၢ်ကျိၤအဂ့ၢ်ဂီၤအူအလီတဲစိ လၢပှၤသမံသမိးတၢ်သ့ၣ်တဖၣ်အအိၣ် ဒီးသံဒိးသံကွၢ်ဘၣ်ဃာ်ဒီး နတၢ်လိၣ်ဘၣ် တဖၣ်န့ၣ်လီၤ. တၢ်ဂ့ၢ်တၢ်ကျိၤလၢနတဲဖျါဆူ ဃုကယာ်ကွၢ်ထွဲပှၤပၢဆှၢတၢ်သ့ၣ်တဖၣ်အအိၣ်န့ၣ် ကမ့ၢ်၀ဲဒၣ်လၢတၢ် ပာ်ခူသူၣ်ဃာ်အီၤအလီၢ်န့ၣ်လီၤ. ဟုကယာ် ပှၤမၤတၢ်ဖိလၢအရဲၣ်ကျဲၤ၀ဲဒၣ်တၢ်မၤစၢၤတၢ်ဖိ ဒီး Department of Health သ့ၣ်တဖၣ်အံၤ ကသူ၀ဲဒၣ်တၢ်ဂ့ၢ်တၢ်ကျိၤသ့ၣ်တဖၣ်အံၤ ဒ်သိးဒီးကသ့ၣ်ညါဘၣ် တၢ်မၤစၢၤလၢနကလိၣ်ဘၣ်အီၤ သ့ၣ်တဖၣ်န့ၣ်လီၤ. နနီၢ်တဂၤတၢ်ဂ့ၢ်တၢ်ကျိၤ မ့တမ့ၢ် နတၢ်အိၣ်ဆူၣ်အိၣ်ချ့တၢ်ဂ့ၢ်တၢ်ကျိၤသ့ၣ်တဖၣ်အံၤ အ၀ဲသ့ၣ် တဒုးသ့ၣ်ညါပှၤအဂၤနီၢ်တဂၤဘၣ်န့ၣ်လီၤ.

Care Connect Washington ဒီသဒၢ၀ဲဒၣ် COVID-19 အတၢ်ရၤလီၤအသးဒ်လဲၣ်?

ပှၤကညီလၢအကြာၢးဒိးန့ၢ်ဘၣ်ဆူၣ်ချ့ဒီးဂ့ၢ်၀ီတၢ်မၤစၢၤလၢအရ့ဒိၣ်တဖၣ်အံၤ အလီၢ်အိၣ်လၢကဘၣ်အိၣ်၀ဲဒၣ်တၢ်ပာ် အိၣ်လီၤဖျီၣ်သးဒီးပှၤဂၤဒီးတၢ်ပာ်အိၣ် လီၤဆီသးဒီးပှၤဂၤတုၤအ၀ံၤန့ၣ်လီၤ. ခီဖျိပှၤလၢအဒိးန့ၢ်ဘၣ် COVID-19 တၢ်ဆါ ဃၣ်မ့ၢ်ဂ့ၤ, ပှၤလၢအအိၣ်ဘူၤတံာ်ဘၣ်ဒီးပှၤလၢ အဒိးန့ၢ်ဘၣ်တၢ်ဆါအဃၣ်မ့ၢ်ဂ့ၤ မ့အိၣ်ပာ်လီၤဖျီၣ်သးလၢဟံၣ်မ့ၢ်ဂ့ၤ န့ၣ်အကကဲဘျူးလၢ Care Connect Washington အဂီၢ်ဒ်သိးဒီးကမၤလီၤစှၤကွံာ်၀ဲဒၣ် COVID-19 တၢ်ဆါအတၢ်ရၤ လီၤသးဒီး မုၢ်ကျိၤ၀ဲၤကွၢ်စ့ၢ်ကီးကဘၣ်လိာ်ဖိးဒ့ကဒါက့ၤဒ်အလီၢ်အသိးချ့ချ့စ့ၢ်ကီးန့ၣ်လီၤ. ခီဖျိလၢတၢ်ရဲၣ်တၢ်ကျဲၤ တခါအံၤဂုာ်ကျဲးစၢး၀ဲဒၣ်လီၤလီၤဆီဆီလၢ ပှၤကညီလၢဘၣ်လဲၤခီဖျိ၀ဲဒၣ် COVID-19 တၢ်ဆါနးနးကျံးကျံးသ့ၣ်တဖၣ် အဂီၢ်အဃိ, တၢ်၀ဲအံၤဘှါဆှဲစ့ၢ်ကီး၀ဲဒၣ် ဂံၢ်ခီၣ်ထံးဆူချ့တၢ်တတုၤသိးထဲသိးတၢ်ဂ့ၢ်ကီတဖၣ်ဒီး ကဲထီၣ်စ့ၢ်ကီးတၢ် ဆီၣ်ထွဲမၤစၢၤလၢပှၤဘၣ်ကွၢ်ဆၢမဲာ်ဒီး COVID-19တၢ်ဆါန့ၣ်လီၤ.

ယမ့သ့ၣ်ညါပှၤကညီလၢအကြၢးဒိးန့ၢ်ဘၣ် Care Connect Washington အတၢ်ဆီၣ်ထွဲမၤစၢၤန့ၣ် ယကဘၣ်ဆဲးကျိး ဒီးမတဂၤလဲၣ်?

နၤ မ့တမ့ၢ် ပှၤတဂၤဂၤလၢနသ့ၣ်ညါပှၤအိၣ်ပာ်လီၤဖျီၣ်အသးလၢ အနီၢ်ကစၢ်တၢ်သးဆူၣ်သ့ၣ်တဖၣ် မ့ၢ်လိၣ်ဘၣ် တၢ်မၤစၢၤန့ၣ်, ဆဲးကျိးဘၣ် ကီၢ်စဲၣ် COVID-19 တၢ်ဂ့ၢ်တၢ်ကျိၤတက့ၢ်အဂ့ၢ်ဂီၤအူလီတၢ်စိတက့ၢ်.

ကိး COVID-19 တၢ်ဂ့ၢ်တၢ်ကျိၤဂ့ၢ်ဂီၢ်အူလီတဲစိ စဲးကျိး 1-800-525-0127, ဝံၤဆီၣ်တံၢ်လီၤ # တက့ၢ်. တၢ်မၤစၢၤလၢတၢ်စံးတၢ်ကျိာ်အိၣ်၀ဲဒၣ်န့ၣ်လီၤ.

  • ဂီၤခီ 6 နၣ်ရံၣ် တုၤ ဟါခီ 10 နၣ်ရံၣ်, မုၢ်တနံၤ
  • ဂီၤခီ 6 နၣ်ရံၣ် တုၤ ဟါခီ 6 နၣ်ရံၣ်, မုၢ်ခံနံၤတုၤလၢမုၢ်အိၣ်ဘှံးနံၤဒီး ကီၢ်စဲၣ်အမုၢ်နံၤသဘျ့တဖၣ်
Care Connect Washington တၢ်ဖံးတၢ်မၤန့ၣ်ပာ်ဃုာ်စ့ၢ်ကီးဒီး တၢ်မၤစၢၤနီၢ်ခိနီၢ်သးတၢ်အိၣ်ဆူၣ်အိၣ်ချ့ဧါ?

သ့လီၤ. န ဃုကယာ်ကွၢ်ထွဲပှၤပၢဆှၢရဲၣ်ကျဲၤတၢ်တဂၤန့ၣ် အကမၤစၢၤနၤဒ်သိး နကဒိးန့ၢ်ဘၣ် နီၢ်ခိနီၢ်သးတၢ် အိၣ်ဆူၣ်အိၣ်ချ့လၢ နပှၤတ၀ၢပူၤန့ၣ်လီၤ.

ဃုကယာ်ကွၢ်ထွဲ တၢ်ပၢဆှၢရဲၣ်ကျဲၤတၢ်တၢ်ဆီၣ်ထဲွမၤစၢၤအံၤမ့ၢ်အအိၣ်စ့ၢ်ကီးလၢ Tribal Nations (လီၢ်က၀ီၤကလုာ်ဒူၣ်) သ့ၣ် တဖၣ်အဂီၢ်စ့ၢ်ဧါ?

မ့ၢ်, နကဘၣ်အိၣ်ဒံး၀ဲဒၣ်န့ၣ်လီၤ. လၢကသ့ၣ်ညါအါထီၣ်တၢ်ဂ့ၢ်တၢ်ကျိာ်အဂီၢ် ဆဲးကျိးဘၣ်လၢ အံမ့(လ) COVID19.CareCoordination@doh.wa.gov မ့တမ့ၢ်ကိးဘၣ်လီတဲစိဆူ 564-999-1565.

တၢ်ကျိာ်ထံမၤစၢၤတၢ်အိၣ်စ့ၢ်ဧါ?

မ့ၢ်, နကဘၣ်အိၣ်ဒံး၀ဲဒၣ်န့ၣ်လီၤ. ကိး ကီၢ်စဲၣ် COVID-19 တၢ်ဂ့ၢ်တၢ်ကျိၤဂ့ၢ်ဂီၢ်အူလီတဲစိနီၣ်ဂံၢ် ဖဲ 1-800-525-0127, ဝံၤဒီးစံၢ်လီၤ#. တၢ်ကျိာ်ထံစၢၤ၀ဲကျိာ်အိၣ်၀ဲဒၣ်န့ၣ်လီၤ.

တုၤမ့ၢ်တဒိးန့ၢ်ဘၣ်တၢ်ဆဲးကျိးဒီး ပှၤဃုကယာ်ကွၢ်ထွဲတၢ်၀ံၤဒီး တၢ်ဂ့ၢ်တၢ်ကျိၤလၢ Care Connect Washington ကဒုးသ့ၣ်ညါဘၣ်နၤတဖၣ်အံၤ နဃုထၢ၀ဲဒၣ်ကျိာ် လၢနဘၣ်သးတကျိာ်သ့၀ဲဒၣ်န့ၣ်လီၤ.

တၢ်မၤစၢၤအဂံၢ်ထံး

တၢ်မၤစၢၤအဂံၢ်ထံးဒီးတၢ်အုၣ်ကီးတဖၣ်အပှာ်ယဲာ်သန့ ဃုန့ၢ်တၢ်ဂ့ၢ်တၢ်ကျိၤလၢအဘၣ်ဃာ်ဒီး နီၢ်ကျၢၢ်ဘၢမဲာ်သၣ်, တၢ်ပာ်အိၣ်လီၤဖျီၣ်သးဒီးပှၤအဂၤ, တၢ်အံၤထွဲကွၢ်ထွဲဟံၣ်ဖိဃီဖိ, တၢ်အိၣ်ဘူးတံၣ်ဘၣ်ဒီးပှၤဘၣ် COVID-19, တၢ်ဆါက့ၢ်ပနီၣ်တဖၣ် ဒီးတၢ်အဂၤသ့ၣ်တဖၣ်. ကွဲးနီၢ်လီၤ၀ဲဒၣ်တၢ်ဖိတၢ်လံၤလၢကျိာ်လၢနအဲၣ်ဒိးကွဲးတကျိာ် န့ၣ်တက့ၢ်.