ຄໍາຖາມທີ່ຖືກຖາມເລື້ອຍໆ | ການກວດຫາເຊື້ອພະຍາດໂຄວິດ-19

ກະລຸນາລອງເຮັດຕາມຕົວເລືອກຕໍ່ໄປນີ້:

• ໃນຂະນະທີ່ສີ້ນສຸດການສະຫນອງ, ສັ່ງຊຸດເຄື່ອງມືກວດພະຍາດຟຣີໄດ້ຈາກ Say Yes! COVID Test (ຊູດກວດຫາເຊື້ອພະຍາດໂຄວິດຂອງໂຄງການ ເວົ້າວ່າ ຕ້ອງເຮັດໄດ້!) (ເປັນພາສາອັງກິດ) ຫຼື ໂທຫາ 1-800-525-0127 ແລະ ກົດ # ເພື່ອເຂົ້າເຖິງການຊ່ວຍເຫຼືອດ້ານພາສາ. ຈໍາກັດການສັ່ງໜຶ່ງເທື່ອຕໍ່ຄົວເຮືອນ.
• ສັ່ງຊຸດເຄື່ອງມືກວດຫາເຊື້ອພະຍາດຟຣີໄດ້ຈາກຈາກໂຄງການຂອງລັດຖະບານກາງໄດ້ທີ່ COVIDTests.gov (ເປັນພາສາອັງກິດ) ຈໍາກັດການສັ່ງໜຶ່ງເທື່ອຕໍ່ຄົວເຮືອນ.
• ສັ່ງຊື້ເຄື່ອງກວດຫາເຊື້້ອພະຍາດຢູ່ເຮືອນຕາມຮ້ານຂາຍຍ່ອຍ ແລະ ຮ້ານຂາຍຢາທ້ອງຖິ່ນ.
• ຖ້າທ່ານມີປະກັນໄພສຸຂະພາບ, ປະຈຸບັນນີ້ຜູ້ປະກັນຕົນສ່ວນໃຫຍ່ຈະຈ່າຍເງິນໃຫ້ທ່ານສໍາລັບການກວດຫາເຊື້້ອພະຍາດຢູ່ເຮືອນໄດ້ເຖິງ 8 ຄັ້ງຕໍ່ເດືອນ, ສໍາລັບແຕ່ລະຄົນທີ່ຢູ່ໃນແຜນປະກັນໄພຂອງທ່ານ. ອ່ານ ຂໍ້ມູນເພີ່ມເຕີມໄດ້ທີ່ນີ້ (ເປັນພາສາອັງກິດ).
• ຊອກຫາການກວດຫາເຊື້ອພະຍາດໄດ້ທີ່ ສະຖານທີ່ກວດຫາເຊື້ອທີ່ ຢູ່ໃກ້ກັບທ່ານ (ເປັນພາສາອັງກິດ).

ຖ້າທ່ານຕ້ອງການຄວາມຊ່ວຍເຫຼືອໃນການຊອກຫາສະຖານທີ່ກວດໃກ້ທ່ານ, ຖາມ ພະແນກສຸຂະພາບໃນທ້ອງຖີ່ນ ຂອງທ່ານ (ເປັນພາສາອັງກິດ) ທ່ານຍັງສາມາດໂທຫາ 1-800-525-0127 ແລະ ກົດເຄື່ອງໝາຍ #. ເມື່ອພວກເຂົາຮັບໂທລະສັບແລ້ວ, ໃຫ້ເວົ້າພາສາຂອງທ່ານ ເພື່ອເຂົ້າເຖິງການບໍລິການແປພາສາ.

ກະລຸນາໂທຫາ 1-800-525-0127 ຈາກນັ້ນໃຫ້ກົດເຄື່ອງໝາຍ #. ມີການບໍລິການດ້ານພາສາ. ສູນບໍລິການການໂທສາມາດສັ່ງໃນນາມຂອງເຈົ້າຜ່ານລັດວໍຊິງຕັນແລະ ພັອດໂທລ໌ອອນໄລນ໌ຂອງລັດຖະບານກາງ.

ບໍ່ວ່າຊຸດ​ກວດຫາເຊື້ອ​ທີ່​ຮ້ອງ​ຂໍ​ໂດຍ​ຜ່ານ​ໂຄງ​ການ​ໃດ​ຫນຶ່ງ Say Yes! COVID Test (ຊູດກວດຫາເຊື້ອພະຍາດໂຄວິດຂອງໂຄງການ ເວົ້າວ່າ ຕ້ອງເຮັດໄດ້!) ຫຼື Federal Program (ໂຄງການລັດຖະບານກາງ) ປົກກະຕິແລ້ວຈະຈັດສົ່ງພາຍໃນ 1-2 ອາທິດນັບຈາກມື້ສັ່ງຊື້.

ແຕ່ຫນ້າເສຍດາຍ, ພວກເຮົາບໍ່ມີວັນທີທີ່ແນ່ນອນສໍາລັບເວລາທີຈະມີເຄື່ອງກວດໃນສະຕັອກອີກເນື່ອງຈາກຄວາມຊັກຊ້າສະຫນອງໃນທົ່ວປະເທດ. ກະລຸນາກວດເບິ່ງຄືນເປັນປົກກະຕິໄດ້ທີ່ sayyescovidhometest.org (ເປັນພາສາອັງກິດ). ຂອບໃຈສຳລັບຄວາມອົດທົນລໍຖ້າຂອງທ່ານ!

ຖ້າທ່ານຕ້ອງການການເຄື່ອງກວດຫາເຊື້ອພະຍາດເພີ່ມເຕີມທັນທີ, ກະລຸນາໃຊ້ຕົວເລືອກທີ່ມີຢູ່ພາຍໃຕ້ຄໍາຖາມ, 'ຂ້າພະເຈົ້າສາມາດກວດຫາເຊື້ອພະຍາດໂຄວິດ-19 ຢູ່ໃສ?'.

ຂໍອະໄພທີ່ທ່ານມີຄວາມຫຍຸ້ງຍາກໃນການຊອກຫາການກວດເຊື້ອພະຍາດໂຄວິດ-19, ພວກເຮົາຮູ້ວ່າການສະໜອງມີຈຳກັດໃນທົ່ວປະເທດໃນປັດຈຸບັນ.

ຖ້າທ່ານກຳລັງມີອາການພະຍາດໂຄວິດ-19 ຫຼື ໄດ້ສຳຜັດກັບພະຍາດໂຄວິດ-19 ແລະ ກັງວົນວ່າທ່ານອາດຈະຕິດເຊື້ອ, ພວກເຮົາຂໍແນະນຳສິ່ງຕໍ່ໄປນີ້:

• ປະຕິບັດຕາມຄໍາແນະນໍາດຽວກັນສໍາລັບ ສິ່ງທີ່ຕ້ອງເຮັດຖ້າທ່ານກວດພະຍາດ ໂຄວິດ-19 ພົບວ່າເປັນບວກ.
• ຖ້າເຈົ້າບໍ່ສາມາດແຍກປ່ຽວໄດ້, ທ່ານຄວນເຮັດສິ່ງຕໍ່ໄປນີ້:
  • ໃສ່ຜ້າອັດດັງ ແລະ ປາກຂອງທ່ານຢ່າງປອດໄພທຸກເວລາທີ່ທ່ານຢູ່ຮ່ວມກັບຄົນອື່ນເມື່ອຢູ່ນອກບ້ານຂອງທ່ານ (ຄວນເປັນຜ້າອັດປາກ-ດັງ KN95, KF-94, ຫຼື ຜ້າອັດປາກໃຊ້ຜ່າຕັດ 3 ຊັ້ນ, ຖ້າເປັນໄປໄດ້).
  • ຮັກສາໄລຍະຫ່າງຈາກຄົນອື່ນຢ່າງນ້ອຍ 6 ຟິດ/2 ແມັດ.
  • ລ້າງ​ມື​ຂອງ​ທ່ານ​ໃຫ້​ສະ​ອາດເປັນປະຈຳ.
  • ຫຼີກລ້ຽງຢູ່ກັບຜູ້ຄົນແອອັດ ແລະ ການເຕົ້າໂຮມຫຼາຍຄົນ.

Department of Health (DOH, ພະແນກສາທາລະນະສຸກ) ແນະນຳໃຫ້ກວດຫາເຊື້ອກັບ ທຸກຄົນທີ່ມີອາການທີ່ກ່ຽວຂ້ອງກັບພະຍາດໂຄວິດ-19.

DOH ຍັງແນະນຳໃຫ້ເຮັດການກວດຫາເຊື້ອພະຍາດສຳລັບ ຜູ້ທີ່ມີຄວາມສ່ຽງຕໍ່ການຕິດເຊື້ອ, ເຊັ່ນ: ການໃກ້ຊິດກັບກໍລະນີຕິດເຊື້ອ, ຫຼື ຜູ້ທີ່ສຳພັດໃນສະຖານະການລະບາດ.

ປະຕິບັດຕາມຄໍາແນະນໍາຂອງ Centers for Disease Control and Prevention(CDC, ສູນຄວບຄຸມ ແລະ ປ້ອງກັນພະຍາດ) ແລະ DOH ຫຼ້າສຸດ ແລະ ການແຍກປ່ຽວຢູ່ເຮືອນ, ໃຫ້ຢູ່ຫ່າງຈາກຄົນອື່ນ. ຜູ້ໃກ້ຊິດທັງໝົດຄວນກັກຕົວ.

• ທຸກໆຄົນທີ່ຄິດວ່າ ຫຼື ຢືນຢັນວ່າເປັນພະຍາດໂຄວິດ-19 ຄວນຢູ່ເຮືອນ ແລະ ແຍກປ່ຽວຈາກຜູ້ອື່ນຢ່າງໜ້ອຍ 5 ມື້ເຕັມ (ມື້ທີ 0 ແມ່ນມື້ທຳອິດທີ່ມີອາການ ຫຼື ວັນທີກວດພົບເຊື້ອໄວຣັດສຳລັບຜູ້ທີ່ບໍ່ມີອາການ). ພວກ​ເຂົາ​ເຈົ້າ​ຄວນ​ໃສ່​ຜ້າອັດປາກເມື່ອຢູ່ຮ່ວມຄົນ​ອື່ນ​ຢູ່​ເຮືອນ ​ແລະ​ ທີ່​ສາ​ທາ​ລະ​ນະ​ເປັນເວລາ​ 5 ມື້ເພີ່ມ​ເຕີມ​.
• ຫາບຸກຄົນໃດທີ່ສາມາດເຂົ້າເຖິງການກວດຫາເຊື້ອໄດ້ ແລະ ຢາກກວດ, ທາງທີ່ດີທີ່ສຸດແມ່ນນຳໃຊ້ ການກວດດ້ວຍເອນທີເຈນ ໃນຊ່ວງ 5 ມື້ສຸດທ້າຍຂອງການແຍກປ່ຽວ. ເກັບຕົວຢ່າງກວດຫາເຊື້ອຖ້າທ່ານບໍ່ມີໄຂ້ເປັນເວລາ 24 ຊົ່ວໂມງໂດຍບໍ່ມີການໃຊ້ຢາຫຼຸດຜ່ອນອາການໄຂ້ ແລະ ອາການອື່ນໆຂອງທ່ານດີຂຶ້ນ (ການສູນເສຍລົດຊາດ ແລະ ກິ່ນອາດຈະຄົງຢູ່ເປັນອາທິດ ຫຼື ຫຼາຍເດືອນຫຼັງຈາກການຟື້ນຕົວ ແລະ ບໍ່ຈໍາເປັນຕ້ອງເລື່ອນການແຍກປ່ຽວ.
  • ຖ້າຜົນກວດຂອງທ່ານເປັນບວກ, ທ່ານຄວນແຍກປ່ຽວຈົນຮອດມື້ທີ 10.
  • ຖ້າຜົນກວດຂອງທ່ານເປັນລົບ, ທ່ານສາມາດຢຸດການແຍກປ່ຽວໄດ້, ແຕ່ໃຫ້ສືບຕໍ່ໃສ່ ຜ້າປິດປາກ ເມື່ອຢູ່ຮ່ວມກັບຄົນອື່ນຢູ່ເຮືອນ ແລະ ພື້ນທີ່ສາທາລະນະຈົນຮອດມື້ທີ 10.

ເພື່ອລາຍງານຜົນກວດພະຍາດໂຄວິດ-19 ຢູ່ເຮືອນທີ່ອອກເປັນບວກ ແລະ ໃຫ້ເຂົ້າເຖິງການບໍລິການເບິ່ງແຍງດູແລໄດ້, ກະລຸນາໂທຫາສາຍດ່ວນລັດວໍຊິງຕັນເພື່ອຊ່ວຍເຫຼືອພະຍາດໂຄວິດ ໄດ້ທີ່ເບີ 1-800-525-0127. ມີການຊ່ວຍເຫຼືອດ້ານການໃຊ້ພາສາໃຫ້.

ຖ້າເຈົ້າໄດ້ດາວໂຫຼດ ຫຼື ເປີດໃຊ້ແອັບ WA Notify (ແອັບຮັບການແຈ້ງເຕືອນຈາກລັດວໍຊິງຕັນ) ໃນສະມາດໂຟນຂອງທ່ານແລ້ວ, ທ່ານສາມາດໃຊ້ເຄື່ອງມືນີ້ເພື່ອລາຍງານຜົນກວດທີ່ເປັນບວກໄດ້ເຊັ່ນກັນ.

ສາມາດຫາຂໍ້ມູນເພີ່ມເຕີມໄດ້ທີ່ນີ້: ຈະເຮັດແນວໃດຖ້າຫາກທ່ານມີຜົນກວດອອກມາເປັນບວກ.