ਆਪਣੇ ਘਰ ਵਿੱਚ ਟੈਸਟ ਦੇ ਪੌਜ਼ੇਟਿਵ ਨਤੀਜਿਆਂ ਬਾਰੇ ਆਸਾਨੀ ਨਾਲ ਰਿਪੋਰਟ ਕਰੋ
ਜੋ ਲੋਕ ਕਾਊਂਟਰ 'ਤੇ ਮਿਲਣ ਵਾਲੀਆਂ ਟੈਸਟ ਕਿੱਟਾਂ ਖਰੀਦਦੇ ਹਨ ਅਤੇ ਟੈਸਟ ਕਰਨ 'ਤੇ ਨਤੀਜਾ ਪੌਜ਼ੇਟਿਵ ਮਿਲਦਾ ਹੈ, ਉਨ੍ਹਾਂ ਨੂੰ ਰਾਜ ਦੀ ਕੋਵਿਡ-19 ਹੌਟਲਾਈਨ 1-800-525-0127 'ਤੇ ਕਾਲ ਕਰਕੇ 7 ਦਬਾਉਣਾ ਚਾਹੀਦਾ ਹੈ। ਜਦੋਂ ਉਹ ਉੱਤਰ ਦੇਣ ਤਾਂ ਤੁਸੀਂ ਦੋਭਾਸ਼ੀਆਂ ਸੇਵਾਵਾਂ ਲੈਣ ਲਈ ਆਪਣੀ ਭਾਸ਼ਾ ਦਾ ਨਾਮ ਬੋਲੋ। ਹੌਟਲਾਈਨ ਸੋਮਵਾਰ ਨੂੰ ਸਵੇਰੇ 6 ਵਜੇ ਤੋਂ ਸ਼ਾਮ 10 ਵਜੇ ਤੱਕ, ਅਤੇ ਮੰਗਲਵਾਰ ਤੋਂ ਐਤਵਾਰ ਤੱਕ (ਅਤੇ ਮੰਨੀਆਂ ਗਈਆਂ ਛੁੱਟੀਆਂ ਨੂੰ) ਸਵੇਰੇ 6 ਵਜੇ ਤੋਂ ਲੈ ਕੇ ਸ਼ਾਮ 6 ਵਜੇ ਤੱਕ ਉਪਲਬਧ ਹੈ।
ਜਾਂਚ ਕਿਉਂ ਕਰਵਾਈਏ
ਜਾਂਚ ਕਰਾਉਣ ਨਾਲ ਜਾਨਾਂ ਬੱਚਦੀਆਂ ਹਨ। ਜਾਂਚ ਨਾਲ ਲੋਕਾਂ ਸਾਵਧਾਨੀਆਂ ਜਿਵੇਂ ਵਾਇਰਸ ਦੇ ਫੈਲਣ ਵਿੱਚ ਰੋਕਥਾਮ ਕਰਨ ਲਈ ਸਮੇਂ ਸਿਰ ਇਕਾਂਤਵਾਸ ਹੋਣਾ; ਬਿਨਾਂ ਲੱਛਣਾਂ ਵਾਲੇ ਸੰਕ੍ਰਮਿਤ ਲੋਕ ਵੀ ਵਾਇਰਸ ਨੂੰ ਫੈਲਾ ਸਕਦੇ ਹਨ। ਜਾਂਚ ਜਨਤਕ ਸਿਹਤ ਦੇ ਅਧਿਕਾਰੀਆਂ ਦੀ ਸੰਕ੍ਰਮਣਾਂ ਦੀ ਪਛਾਣ ਕਰਨ ਅਤੇ ਉਨ੍ਹਾਂ ਦਾ ਸਮਾਧਾਨ ਕਰਨ ਅਤੇ ਵਾਇਰਸ ਦੀਆਂ ਨਵੀਆਂ ਕਿਸਮਾਂ ਨੂੰ ਟਰੈਕ ਕਰਨ ਵਿੱਚ ਵੀ ਮਦਦ ਕਰਦੀ ਹੈ। ਜਾਂਚ ਸਧਾਰਨ ਗਤੀਵਿਧੀਆਂ ਨੂੰ ਮੁੜ ਚਾਲੂ ਕਰਨ ਵਿੱਚ ਵੀ ਇੱਕ ਮਹੱਤਵਪੂਰਣ ਭਾਗ ਹੈ।
University of Washington ਅਤੇ Department of Health (DOH, ਸਿਹਤ ਵਿਭਾਗ) ਤੋਂ ਖੋਜ਼ੀਆਂ ਨੇ ਪਤਾ ਲਗਾਇਆ ਹੈ ਕਿ ਕੋਵਿਡ-19 ਲਈ ਟੈਸਟਿੰਗ ਅਤੇ ਡਬਲਿਊਏ ਨੋਟੀਫਾਈ (WA Notify) ਰਾਹੀਂ ਟੈਸਟਿੰਗ ਕਾਰਣ ਦਸੰਬਰ 2020 ਤੋਂ ਮਾਰਚ 2021 ਤੱਕ ਲਗਭੱਗ 6,000 ਕੇਸਾਂ ਦੀ ਰੋਕਥਾਮ ਹੋਣ ਦੀ ਸੰਭਾਵਨਾ ਹੈ।
ਜਾਂਚ ਕਦੋਂ ਕਰਾਉਣੀ ਹੈ
ਜੇਕਰ ਤੁਹਾਨੂੰ ਕੋਵਿਡ-19 ਦੇ ਲੱਛਣ ਹਨ ਜਾਂ ਜੇਕਰ ਤੁਸੀਂ ਅਜਿਹੇ ਕਿਸੇ ਵਿਅਕਤੀ ਦੇ ਨੇੜਲੇ ਸੰਪਰਕ ਵਿੱਚ ਰਹੇ ਹੋ ਜਿਸਦੀ ਕੋਵਿਡ-19 ਦੀ ਜਾਂਚ ਪੌਜ਼ੇਟਿਵ ਆਈ ਹੈ, ਤਾਂ ਜਾਂਚ ਕਰਵਾਓ। ਜੇਕਰ ਲੱਛਣ ਨਜ਼ਰ ਆਉਣ, ਜਾਂ ਸ਼ੱਕੀ ਸੰਪਰਕ ਵਿੱਚ ਆਉਣ ਤੋਂ 3-5 ਦਿਨਾਂ ਬਾਅਦ ਤੁਰੰਤ ਜਾਂਚ ਕਰਵਾਉਣੀ ਚਾਹੀਦੀ ਹੈ, ਭਾਵੇਂ ਕਿ ਤੁਹਾਨੂੰ ਕੋਈ ਲੱਛਣ ਨਾ ਵੀ ਹੋਣ।
ਜਾਂਚ ਕਿੱਥੋਂ ਕਰਵਾਈਏ
ਡਬਲਿਊਏ ਰਾਜ Department of Health ਦੀ ਵੈੱਬਸਾਈਟ ਸੰਚਾਲਨ ਦੇ ਸਮਿਆਂ ਅਤੇ ਲੋੜਾਂ ਨਾਲ ਹਰ ਕਾਉਂਟੀ ਵਿੱਚ ਉਪਲਬਧ ਟੈਸਟਿੰਗ ਦੇ ਸਥਾਨਾਂ ਦੀ ਡਾਇਰੈਕਟਰੀ(ਅੰਗਰੇਜੀ ਵਿੱਚ) ਬਣਾ ਕੇ ਰੱਖਦੀ ਹੈ। ਟੈਸਟਿੰਗ ਸਾਈਟਾਂ 'ਤੇ ਵਾਧੂ ਜਾਣਕਾਰੀ ਲਈ, 2-1-1 'ਤੇ ਕਾਲ ਕਰੋ। ਘਰ ਵਿੱਚ ਟੈਸਟਿੰਗ ਕਰਨ ਲਈ, ਆਰਡਰ ਕਰਨ 'ਤੇ ਟੈਸਟ ਕਿੱਟਾਂ ਕਾਊਂਟਰ ਤੇ ਅਤੇ ਸੁਵਿਧਾ ਹਿੱਤ ਫਾਰਮੈਸੀਆਂ 'ਤੇ ਵੀ ਉਪਲਬਧ ਹਨ।
ਮੇਰੇ ਨੇੜੇ ਇੱਕ ਟੈਸਟਿੰਗ ਸਥਾਨ ਲੱਭੋ (ਅੰਗਰੇਜੀ ਵਿੱਚ)
ਟੈਸਟਾਂ ਦੀਆਂ ਕਿਸਮਾਂ
ਵਰਤਮਾਨ ਉਪਲਬਧ ਟੈਸਟਾਂ ਵਿੱਚ ਸ਼ਾਮਲ ਹਨ ਰੈਪਿਡ ਐਂਟੀਜਨ ਟੈਸਟ, ਮੌਲਕਿਉਲਰ ਟੈਸਟ (ਦੋਨੋਂ ਲੈਬ-ਆਧਾਰਿਤ ਅਤੇ ਸਾਵਧਾਨੀ ਵਾਲੇ), ਅਤੇ ਕੁੱਝ ਘਰੇਲੂ ਸਵੈ-ਟੈਸਟ। ਕਿਸ ਵੀ ਖਾਸ ਟੈਸਟ ਦੀ ਸਪਲਾਈ ਮੰਗ ਅਤੇ ਨਿਰਮਾਤਾ ਦੀ ਸਮਰੱਥਾ 'ਤੇ ਨਿਰਭਰ ਕਰਦੀ ਹੈ।
- COVID-19 ਦੇ ਟੈਸਟ: ਇਸ ਦਾ ਮੇਰੇ ਲਈ ਕੀ ਅਰਥ ਹੈ? (ਅੰਗਰੇਜੀ ਵਿੱਚ)
ਲਾਗਤ
ਕਾਉਂਟੀ ਜਾਂ ਰਾਜ-ਸਮਰਥਿਤ ਟੈਸਟ ਸਾਈਟਾਂ 'ਤੇ ਕੀਤੇ ਗਏ ਟੈਸਟਾਂ ਲਈ ਕੋਈ ਖਰਚਾ ਨਹੀਂ ਹੈ। ਬਹੁਤ ਸਾਰੇ ਟੈਸਟਾਂ ਦਾ ਭੁਗਤਾਨ ਬੀਮੇ ਰਾਹੀਂ ਜਾਂ Department of Health ਰਾਹੀਂ ਕੀਤਾ ਜਾਂਦਾ ਹੈ, ਖਾਸ ਕਰਕੇ ਲੱਛਣਾਂ ਨੂੰ ਅਨੁਭਵ ਕਰਨ ਵਾਲੇ ਲੋਕਾਂ ਲਈ। ਉਹ ਟੈਸਟਿੰਗ ਸਾਈਟਾਂ ਜੋ ਸੇਵਾ ਲਈ ਫੀਸ ਲੈਂਦੀਆਂ ਹਨ ਉਨ੍ਹਾਂ ਨੂੰ ਡਾਇਰੈਕਟਰੀ ਵਿੱਚ ਦਰਸਾਇਆ ਗਿਆ ਹੈ। ਯਾਤਰਾ ਵਾਲੀ ਬਹੁਤ ਸਾਰੀ ਟੈਸਟਿੰਗ ਨੂੰ ਬੀਮੇ ਜਾਂ ਰਾਜ-ਸਮਰੱਥਿਤ ਪ੍ਰੋਗਰਾਮਾਂ ਰਾਹੀਂ ਕਵਰ ਨਹੀਂ ਕੀਤਾ ਗਿਆ ਹੈ।
ਟੈਸਟਿੰਗ ਕਿਵੇਂ ਕੰਮ ਕਰਦੀ ਹੈ
ਜ਼ਿਆਦਾਤਰ ਟੈਸਟਿੰਗ ਨੱਕ ਦੇ ਫੰਬੇ ਦੀ ਵਰਤੋਂ ਕਰਕੇ ਕੀਤੀ ਜਾਂਦੀ ਹੈ। ਕੁੱਝ ਕੁ ਟੈਸਟ ਥੁੱਕ ਲੈ ਕੇ ਕੀਤੇ ਜਾ ਸਕਦੇ ਹਨ। ਹੋਰ ਵੇਰਵੇ ਟੈਸਟਿੰਗ ਬਾਰੇ ਆਮ ਪੁੱਛੇ ਜਾਣ ਵਾਲੇ ਸਵਾਲ ਪੰਨੇਤੋਂ ਪ੍ਰਾਪਤ ਕੀਤੇ ਜਾ ਸਕਦੇ ਹਨ।
ਫਾਲੋ-ਅੱਪ
ਜੇਕਰ ਤੁਹਾਨੂੰ ਲੱਛਣ ਨਜ਼ਰ ਆਉਣ ਤਾਂ ਜਿੰਨਾਂ ਹੋ ਸਕੇ ਘਰ ਰਹੋ। ਜੇਕਰ ਤੁਹਾਡਾ ਟੈਸਟ ਪੌਜ਼ੇਟਿਵ ਆਉਂਦਾ ਹੈ ਤਾਂ ਇਕਾਂਤਵਾਸ ਹੋਵੋ (DOH/Centers for Disease Control and Prevention (CDC, ਸੀਡੀਸੀ) ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ) ਅਤੇ Care Connectਰਾਹੀਂ ਸਹਾਇਤਾ ਪ੍ਰਾਪਤ ਕਰੋ।