Kōjella kōn jemḷọkōn in teej ko am ilo mweo imōm im rej kwalok n̄e ewōr nan̄inmej eo
Armij ro rej wia kein teej ko ilo imōn wia im loe juon jemḷọk ej kwaḷok ewōr nan̄inmij eo rej aikuij kūrlok lain in kọḷ eo an kiien ikijen COVID-19, 1-800-525-0127 innem jibed 7. N̄e renij uwaak, kwaḷok kajin eo am kwōj aikuij ukok n̄an e. Lain in kọļ eo ebeḷḷọk Mande jen 6 awa jibbon̄ n̄an 10 awa jota, im Juje n̄an Jabōt (im raan in holiday ko rej kile) 6 awa jibbon̄ n̄an 6 awa jota.
Kwōjjam Aikuij Teej
Teej kein rej kejbarok elōn̄ armij. Teej kein rej kōtlak an armij bōk kakkōl ko, āinwōt aer jenoḷọk jen jarlepju, ilo juon ien eo ejimwe n̄an kabōjrak an nan̄inmej eo ajeded; armij ro eped nan̄inmej eo ippeir ilo an ejjeḷọk kakọḷḷe rej maron̄ in wōt kōmman bwe nan̄inmej eo en ajeded. Teej kein rej bar jibān̄ ro rej jerbal ilo jikin ejmour n̄an būkōt im uwaak n̄an ta ko rej waḷok, im n̄an lale oktak ko rekāāl an nan̄inmej eo. Teej kein rej bar aurōk ilo an jibān̄ karọltōk būrokram ko rekar waḷok mokta ḷak.
Ro rej būkōt meḷeḷe ilo University of Washington im Department of Health (DOH, Rā eo an Ejmour) rekar loe ke teej n̄an COVID-19 im būkōt ilo WA Notify (peij in kōjella eo an kiien in Washington) ekar kabōjrak jon̄an eo 6,000 case ko jān Tiijōṃba 2020 ḷak n̄an Maaj 2021.
N̄āāt kwōj Aikuij Teej
Bōk teej eo eḷan̄e ewōr aṃ kakōḷḷe in nan̄inmej in COVID-19 ak eḷan̄e kwar epāāk n̄an juon eo eṃōj teej in positive kōn COVID-19. Kwōj aikuij teej ilo ien eo emōkaj tata n̄e ewōr am kakōḷḷe in nan̄inmej eo, ak 3-5 raan ālikin am kar epāāk n̄an juon eo eṃōj an teej in positive kōn COVID-19, jōkdrōn n̄e ejeḷọk am kakōḷḷe.
Ia eo Kwōj Bōk Teej Eo
Website eo an kiien in Washington State Department of Health ej kakwoṇe juon lajraak in jikin teej ko (ilo Kajin Pālle) ej beḷḷọk ilo kajojo county, ilo awa in jerbal ko im aikuij ko aer. N̄an meḷeḷe ko relapḷak ikijen jikin teej ko, call e 2-1-1. Kein teej ko bōk jen ion counter rej bar beḷḷọk n̄an ortar im ilo jikin ebbōk uno ko bwe en maron̄ in bidodo am bōk teej ko ilo mweo imōm.
Kappok jikin teej epāāke n̄a (ilo Kajin Pālle)
Teej rōt ko
Teej ko rej bed kiō rej koba teej in antigen ko remōkaj, teej in molecular (jimor bedbed ilo jikin teej im mōn taktō ko), im jejjo teej kwōmaron̄ māke kōmmane ilo mweo imōm. Jon̄an oran teej eo ekkar n̄an jon̄an aikuij an armij im kab jikin eo ej tok jen e.
- Teej ñan COVID-19: Ta meḷeḷein n̄an n̄a? (ilo Kajin Pālle)
Wōneen
Ejjeḷọk wōneen kwōj aikuij in kōllā n̄an am teej ilo jikin teej ko an county ak state. Elōn̄ teej ko, n̄an armij ro rej ioon kakōḷḷe in nan̄inmej ko, remaron̄ etal bill ko aer n̄an insurance ak drikḷọk wōneeir jān Department of Health. Jikin teej ko ewōr wōneen n̄an jerbal ej waḷḷok ilo directory eo. Elōn̄ teej ikijen itotak ejjab kōḷḷā jen insurance ak būrokraam ko rej jiban̄-state.
Elemen an Jerbal Teej in
Elōn̄ teej ko rej kōmman jen aer kareḷōn̄ juon kiutip/Q-tip ilowan bọtiim. Elōn̄ teej ko remaron̄ in kōmman ilo aer eppōk kabilo. Meḷeḷe ko relapḷak remaron̄ waḷok ilo peij in kajitōk ko ekutkut ikijen teej ko.
Bar Lale
Kwōn bed wōt ṃweo iṃōṃ jon̄an wōt aṃ maron̄ n̄e ewōr am kakōḷḷe in nan̄inmej eo. Elan̄e kwonij teej positive, kejonolọk eok māke jen jarlepju (ekkar n̄an naan in tōl ko an DOH ak Centers for Disease Control and Prevention (CDC, Oppij ko n̄an bōbrae nan̄inmej)) im kajitōk jibān̄ ilo peij eo an kiien Care Connect.