Tetiñu ní nasa ni kee nda prueba ja ni sa'a ní ini ve'e ní
Nda ñayiví ja jeen ji nda kit nda prueba ja sa'a ini ve'e de kee ja ndo'o ji kue'e jiniñu'un ja ka'an ji nuu yokaa COVID-19 ja iyo ini ñuu, 1-800-525-0127 ñukua de kuaxin ji 7. Tú ni ka'an ñayiví jín ji, jiniñu'un ja kachi ji na yu'u ka'an ji tágua sukua kuu ndukú in ñayiví ja ka'an yu'u ji. Kuu ka'an ji yokaa nda kivi lunes nde 6 a.m. nde 10 p.m., de nda martes nde domingo (ji nda kivi iyo viko) nde 6 a.m. nde 6 p.m.
Naku jiniñu'un ja sa'a ní in prueba
Nda prueba kuu skaku ji ñayiví. Nda prueba sa'a ja ñayiví koto ji maa ji, tanu ja kindasi ji, tágua sukua ma kutenuu ka virus, vese nduu ni xtuu kue'e ji kuu skutenuu ji virus. Nda prueba suni chindeé nda ñayiví ja satatan chi kuu kuni de nasa sa'a de nuu kue'e ji kuni de tú iyo inka kue'e jéé. Nda prueba kuu chindeé ji ja ñama ka ndikoo yo nuu tiñu sa'a yo.
Nda ñayiví tu'va nuu University of Washington ji Department of Health (DOH, Ve'e nuu jito ja Sa'a tátan) ni jini ji ja nda prueba COVID-19 ji ja jatiñu yo WA Notify (Tu'un ja kachi WA) ni sa'a ji ja ñati 6,000 ñayiví nduu ni jikin kue'e ji nde yoo diciembre kuiya 2020 nde yoo marzo kuiya 2021.
Nasa kuni sá tú jiniñu'un ja sa'a sa in prueba
Sa'a ní in prueba tú ndo'o ni nde ni in nda kue'e ja sa'a COVID-19 axi siki ja ni iyo ñati ní nuu in ñayiví ja ndo'o COVID-19. Jiniñu'un ja ñama sa'a ní prueba maa ní tú ni xtuu kue'e ní, axi nuu 3-5 kivi ja jani ini ní ja ni jekuta'an ní jín kue'e, vese nduu ni xtuu kue'e ní.
Ndenu sa'a sa prueba
Nuu página internet Department of Health ñuu Washington iyo in lista nuu sa'a nda prueba (vachi ni nuu yu'u Inglés) ja iyo ini ndaka ñuu, ji na hora kuu ja satiñu ji. Táguá ni'in ka ní tu'un siki nasa satiñu nuu sa'a nda prueba ka'an ní nuu 2-1-1. Nda kit nda prueba ja kuya'vi kuu kakan ní ja kenda ve'e ni axi suni iyo nuu nda farmacia tágua sukua kuetiñu ní ini ve'e ní.
Nadukú nuu sa'a pruba ja iyo ñati nuu ndee sa (vachi ni nuu yu'u Inglés)
Nda prueba ja iyo
Nda prueba ja iyo mita kuu nda prueba antígeno ja ñama kee, nda prueba molecular (ja sa'a nuu in laboratorio axi nuu sa'a nda prueba) ji sava nda pruaba ja sa'a ini ve'e. Kuu ni'in ní nde ni in nda prueba ya'a tú iyo ji chi iyo jichi ja iyo ji axi ja nduu siki ja kua'a ñayiví jatiñu ji.
- Nda prueba COVID-19: Naguá kuu nuu sa (vachi ni nuu yu'u inglés)
Ya'vi
Nduu kuya'vi nda pruaba ja iyo nuu nda ve'e ja jatiñu ñuu tágua kua'a ji prueba nuu nda ñayiví. Kua'a tuni nda prueba, vi'i ka nda prueba nda ñayiví ja ndo'o ji kue'e, kuu chunaa seguro axi suni kuu chunaa Department of Health. Nda nuu ke'en xu'un siki ja sa'a ji nda prueba yoso nuu lista. Nda prueba ja sa'a yo tú ki'in yo inka ñuu nduu chunaa seguro axi nda programa ja iyo ini ñuu.
Nasa satiñu nda prueba
Ñati ndi'i nda prueba tava ji ini yavi xitin yo. Jaku ni nda prueba kuu ja jatiñu ndeyu'u yo. Kuu ni'in ka ní tu'un nuu página nda tu'un jikatu'un ka siki nda prueba (vachi nuu yu'u Inglés).
Sa'a ní ta in tatuni nda tu'un
kindoo ní ve'e ní tú ni xtuu kue'e ní. Tú ni kee ja ndo'o ní kue'e, kindasi ní ini ve'e ní (tanu ka'an DOH/Centers for Disease Control and Prevention (CDC, Ve'e nuu jito ji jekani nda kue'e) ja sa'a ní) de ndukú ní ja chindeé nuu ní nuu Care Connect.