တၢ်သံကွၢ်တဖၣ် လၢတၢ်သံကွၢ်အီၤခဲအံၤခဲအံၤ
တၢ်ပာ်ဖျါထီၣ်တၢ်မၤကွၢ်သးလၢဟံၣ်အစၢဖျါလၢအိၣ်ဒီးတၢ်ဆါဃၢ်အ ကျိၤအကျဲတဖၣ်
ပှၤလၢအပှ့ၤစူးကါဝဲဒၣ် တၢ်မၤကွၢ်တၢ်ဆါဃၢ်အစူၣ်တဖၣ် (test kits) ဖဲကသံၣ်ကျးဒီးအတၢ်မၤကွၢ်အစၢမ့ၢ်ဖျါထီၣ်ဝဲလၢ အအိၣ်ဒီးတၢ်ဆါအဃၢ်န့ၣ် အဝဲကဘၣ်ဆဲးကျိးဝဲဖဲကီၢ်စဲၣ်တၢ်မၤကွၢ် COVID-19 တၢ်ဆါဝဲၤ ကျိၤအလီတဲစိဖဲ, 1-800-525-0127 ဒီးဆီၣ်လီၤနီၣ်ဂံၢ် 7. တုၤမ့ၢ်ပှၤမၤတၢ်ဖိသ့ၣ်တဖၣ်စံးဆၢနၤဒီး တဲဘၣ်အ၀ဲ သ့ၣ်တၢ်အကျိာ်လၢနလိၣ်ဘၣ်ဒ်သိး ပှၤကကျိာ်ထံန့ၢ်နၤ အဂီၢ်တ က့ၢ်. တၢ်ကိးဝဲဒၣ်ဂ့ၢ်ဂီၢ်အူလီတဲစိအံၤသ့ဝဲဖဲမုၢ်တနံၤ (Monday), ဂီၤခီ 6 နၣ်ရံၣ်တုၤ ဟါခီ နၣ်ရံၣ်အနၣ်ရံၣ် 10 လီၤ. မုၢ်ခံနံၤ (Tuesday)တုၤမုၢ်အိၣ်ဘှံးနံၤ (Sunday) (တၢ်ပာ်ပနီၣ်နံၤသဘျ့လီၤဆီအမုၢ်နံၤ) စးထီၣ် ဂီၤခီ 6 နၣ်ရံၣ်တုၤဟါခီ 6 နၣ်ရံၣ်.
ဘၣ်မနုၤအဃိဘၣ်လဲၤမၤကွၢ်နသး
တၢ်မၤကွၢ်သးမၤပူၤဖျဲး၀ဲတၢ်သးသမူလီၤ.တၢ်မၤကွၢ်သးမၤစၢၤပှၤကညီလၢကပလီၢ်ပဒီသးလၢတၢ်အိၣ်ဒၣ်တပူၤဒၣ်ထဲအဂၤဒ်တၢ်ဆၢပတီၢ်လၢပှၤပာ်ပနီၢ်ဃာ်၀ဲ အသိးဒ်ကပတုာ်တၢ်ဆါဃၢ်သလၣ်လီၤသးလီၤ.ပှၤဘၣ်တၢ်ဆါလၢတအိၣ်ဒီးတၢ်ဆါ အပနီၢ်သ့ၣ်တဖၣ်ရၤ လီၤတၢ်ဆါဆူ ပှၤအဂၤသ့ဒံး၀ဲလီၤ. တၢ်မၤကွၢ်သးမၤစၢၤစ့ၢ်ကီးပှၤဘၣ်မူဘၣ်ဒါလၢအကွၢ်ထွဲပှၤတ၀ၢ တၢ်အိၣ်ဆူၣ်အိၣ်ချ့သ့ၣ်တဖၣ်လၢကသ့ၣ်ညါဒ်သိး ကတြီဆၢတၢ်ဆါသြတိာ်ဒီးဒ်သိးကဃုထံၣ်န့ၢ်တၢ်ဆါဃၢ်အကလုာ်အသီ န့ၣ်လီၤ.တၢ်မၤကွၢ်သးမ့ၢ်တၢ်လၢအရ့ဒိၣ်လၢကမၤစၢၤပှၤဒ်သိးကသ့က့ၤအိၣ်မူကဒါက့ၤပတၢ်အိၣ်မူအိၣ်ဂဲၤလၢညီနုၢ်သ့ၣ်တဖၣ်လီၤ. University of Washington ဒီး Department of Health (DOH, ဆူၣ်ချ့၀ဲၤကျိၤ) ဃုထံၣ်န့ၢ်၀ဲဒၣ်လၢ မ့ၢ်လၢတၢ်မၤကွၢ် COVID-19 တၢ်ဆါဒီးတလူၤဃုထံၣ်တၢ်ဆါအလီၢ်ခီဖျိ WA Notify (Washington ၀ီၤၡ့ၣ်ထၢၣ်အတၢ်ဒုးသ့ၣ်ညါ) န့ၣ်လီၤဂာ်ဒ်သိး အဒၢသဒၢတ့ၢ်ကွံာ်၀ဲဒၣ်တၢ်ဆါအနီၢ်ဂံၢ် 6,000 လၢကဟဲကဲထီၣ်အသးဖဲလါ ဒံၤစဲဘၢၣ် 2020 ဒီး လါမာ်ရှး 2021 အကတီၢ် ပူၤန့ၣ်လီၤ.
နကလဲၤမၤကွၢ်နသးအဆၢကတီၢ်ဖဲလဲၣ်?
နမ့ဒိးန့ၢ်ဘၣ် COVID-19 တၢ်ဆါပနီၣ်တဖၣ် မ့တမ့ၢ် နမ့လဲၤအိၣ်ဃုာ်ဘူးတံာ်ဘၣ်ဒီးပှၤလၢအဒိးန့ၢ်ဘၣ် COVID-19 တၢ်ဆါတဂၤဂၤဒီးလဲၤမၤကွၢ်သးတက့ၢ်. လဲၤမၤကွၢ်နသးတဘျီဃီဖဲနမ့ဒိးန့ၢ်ဘၣ်တၢ်ဆါအပနီၣ်သ့ၣ်တဖၣ်, မ့တမ့ၢ် ဖဲနလဲၤအိၣ်ဘူးတံာ်ဘၣ်ဒီးပှၤလၢအဒိးန့ၢ်ဘၣ် တၢ်ဆါ 3 တုၤ 5 သီ၀ံၤအလီၢ်ခံဖဲနတၢ်ဆါအပနီၣ်သ့ၣ်တဖၣ်မ့တဖျါထီၣ် ဘၣ်သနာ်က့န့ၣ်လီၤ.
နကလဲၤမၤကွၢ်နသးတၢ်လီၢ်ဖဲလဲၣ်?
Washington ကီၢ်စဲၣ် Department of Health ပှာ်ယဲာ်သန့ပာ်ဖျါထီၣ်၀ဲဒၣ်ဖဲ တၢ်မၤကွၢ် အလံာ်နဲၣ်လီၤ (လၢအဲကလံာ်ကျိာ်) လၢအအိၣ်သူၣ်လီၤသးလၢထံကီၢ်တဘ့ၣ်ဘၣ်တဘ့ၣ်အပူၤဘၣ်ဃာ်ဒီးအ၀ဲသ့ၣ်တၢ်မၤကွၢ် တၢ်ဆါအဆၢကတီၢ်ဒီးတၢ်လိၣ်ဘၣ်လၢကမၤကွၢ်တၢ်ဆါအဂီၢ်န့ၣ်လီၤ.နမ့အဲၣ်ဒိးသ့ၣ်ညါအါထီၣ်ဘၣ်ဃာ်ဒီးတၢ်ဂ့ၢ်အဂုာ်အဂာ်လၢတၢ်မၤကွၢ်တၢ်ဆါအဂီၢ်, ကိးဘၣ် 2-1-1. နမ့အဲၣ်ဒိးမၤကွၢ်လၢနနီၢ်ကစၢ်သးလၢအဟံၣ်အဂီၢ်နလဲၤပှ့ၤစ့ၢ်ကီးတၢ်မၤကွၢ် တၢ်ဆါအတၢ်ပီးတၢ်လီလၢကသံၣ်ကျးသ့၀ဲဲဒၣ်စ့ၢ်ကီးန့ၣ်လီၤ.
ကွၢ်ဃုတၢ်မၤကွၢ်တၢ်ဆါလၢအဘူၤဒီးယအိၣ်တၢ်လီၢ် (လၢအဲကလံာ်ကျိာ်)
တၢ်မၤကွၢ်အကလုာ်
တၢ်မၤကွၢ်တၢ်ပီးတၢ်လီလၢနပှ့ၤန့ၢ်အီၤသ့လၢအကတီၢ်ခဲအံၤကတီၢ်တဖၣ်မ့ၢ်၀ဲ နီၢ်ခိဂံၢ်ြတီဆၢတၢ်မၤကွၢ်, ဂာ်စီအတၢ်မၤကွၢ်, ဒီး တၢ်ပီးတၢ်လီလၢနီၢ်ကစၢ်တၢ်မၤကွၢ်သးလၢဟံၣ်သ့ၣ်တဖၣ်န့ၣ်လီၤ.တၢ်မၤကွၢ်အတၢ်ပီးတၢ်လီလၢပှၤဆါအီၤသ့ၣ်တဖၣ် အလီၤဆီလိာ်အသး ခီဖျိတၢ်လီၢ်တတီၤဘၣ်တတီၤအတၢ်ဃ့ထီၣ်လီၤဆီအဃိန့ၣ်လီၤ.
- COVID-19 တၢ်မၤကွၢ်း တၢ်၀ဲအံၤစံၤတၢ်န့ၣ်မ့ၢ်တၢ်မနုၤလဲၣ်? (လၢအဲကလံးကျိာ်)
တၢ်လၢာ်ဘူၣ်လၢာ်စ့
နမ့လဲၤမၤကွၢ်သးလၢကီၢ်ရ့အတၢ်မၤကွၢ်အလီၢ်မ့ၢ်ဂ့ၤဒီးလၢကီၢ်ပဒိၣ်အတၢ်မၤကွၢ်တၢ်ဆါအလီၢ်မ့ၢ်ဂ့ၤ နတဘၣ်ဟ့ၣ်အဘူး အလဲဘၣ်န့ၣ်လီၤ. တၢ်မၤကွၢ်လီၤဆီဒၣ်တၢ်လၢပှၤကညီလၢအအိၣ်ဒီးတၢ်ဆါအပနီၣ်သ့ၣ်တဖၣ်အဂီၢ်, အလိး၀ဲဒၣ်ဒီးအတၢ် အိၣ်ဆူၣ် အိၣ်ချ့လံာ်အုၣ်ကီၤသ့၀ဲဒီး မ့တမ့ၢ် Department of Health ဟ့ၣ်စၢၤန့ၢ်၀ဲအီၤသ့၀ဲဒၣ် န့ၣ်လီၤ. တၢ်မၤကွၢ်တၢ်ဆါအလီၢ်လၢအလၢာ်ဘူၣ်လၢာ်စ့တဖၣ်အလီၢ်န့ၣ် ဘၣ်တၢ်ပာ်ဖျါအီၤဖဲလံာ်အတၢ်နဲၣ်လီၤပူၣ်န့ၣ်လီၤ. တၢ်မၤကွၢ်တၢ်ဆါလၢတၢ်လဲၤတၢ်က့ၤအဂီၢ်န့ၣ် ဆူၣ်ချ့လံာ်အုၣ်ကီၤ မတမ့ၢ် ပဒိၣ်တၢ်တဟ့ၣ်စၢၤန့ၢ်အီၤဘၣ်န့ၣ်လီၤ.
တၢ်မၤကွၢ်တၢ်ဆါန့ၣ် တၢ်မၤအီၤဒ်လဲၣ်
ဖဲပှၤမၤကွၢ်တၢ်ဆါအခါ တၢ်ကထၢနုၤလီၤ၀ဲဒၣ်ထးဂိးနါဒ့လၢအကမၤကွၢ်တဆါအဂီၢ်န့ၣ်လီၤ. တၢ်မၤကွၢ်တနီၤကျါန့ၣ် တၢ်မၤကွၢ်အီၤလၢနထးပျ့ၤထံန့ၣ်လီၤ. တၢ်ဂ့ၢ်တကျိၤသ့ၣ်တဖၣ်အံၤနလဲဃုသ့ၣ်ညါထီၣ်အီၤသ့ဖဲ တၢ်သံကွၢ်သံဒိးဘၣ်ဃာ် တၢ်မၤကွၢ်တၢ်ဆါ ပှာ်ယဲာ်သန့.
တၢ်ဂ့ၢ်ပိာ်ထွဲထီၣ်အခံတဖၣ်
နမ့ဒိးန့ၢ်ဘၣ်တၢ်ဆါအတၢ်ပနီၣ်န့ၣ် အိၣ်လၢဟံၣ်တက့ၢ်. နတၢ်မၤကွၢ်သးအစၢမ့ၢ်ဖျါဝဲလၢနအိၣ်ဒီးတၢ်ဆါအဃၢ်န့ၣ် အိၣ်ပာ်လီၤဆီသးဒ် DOH/Centers for Disease Control and Prevention (CDC, တၢ်ပၢဆှၢဒီးဒီသဒၢတၢ်ဆါ) အလံာ်နဲၣ်ကျဲအသိးဒီး Care Connect.