Ika pwe en a kan pung eom tes ren COVID-19, iwe ewe poraus mi eoch pwe mi wor ekkena fofor en mi tongeni fori pwe kopwe anisuk me pwan tumunu ekkoch.
Met kopwe fori ika en a pung eom tes
Nonom non imwom me pwan towaw seni ekkoch kena. Tapwei ewe minafon awenewenen eiemuno (Fosun Merika) seni ewe Centers for Disease Control and Prevention (CDC, Ofesin Nemenemen me Pinepinen Semwen) me pwan ewe Washington State Department of Health (DOH, Ofesin Pekin Safei). Ika en ka kan mochen aninis nupwen eom eiemuno, en meni kopwene kan tongeni angei aninis seni Care Connect Washington.
- Eimuno inisum seni ekkoch non imwomuwe. Ika en mi tongeni, nonom non ew sakonon ruum towaw seni ekkewe aramas ra kan nonom reom me pwan eaea ew sakonon imwen tutu.
Nenengeni eom asisinin semwen kena. Ika eom kena asisinin ra kan ngaweno, ika en ka angei minafon asisinin kena en ka kan noninen rer, kori noumuwe chon awora tumunun safei. Kori 9–1–1 ika en ka kan kuna ekkei sainin amonen atepwanepwanen COVID-19 kena:
- Weires ne ngasengas
- Iteiten metekin ika nguutunon fan mweruum
- Mutirin fisin fitikokon non mukur
- Kose tongeni ponu
- Pwecheno, ekis choneno, ika araweno anuwen kinum, awom, ika fan kuum, a anongonong won anuwen kinum
Eaea ew masku epwe ponu potum me awom ika pwe kopwe kan nom arun ekkoch kena, nge pwan mo non imwom. Pwan ekkoch aramas kena non imwomuwe repwe kan pwan eaea masku kena.
- Ika pwe mi tufich, eaea ew KN95 ika ew 3-pwon maskun reirei.
- Tumunu pwe eom we masku a kan nguutueochuno, nge esapw pwan wor wawan. Ren eochunon nguutun, rowuu ewe fotin won sening ikewe a pach ngeni mesom. En kopwe kan pwan aruwowa masku ren eom kopwe pinei wawan kena. Katon ew video mi mwochomwoch usun ifa eom kopwe ateteni ewe masku pwe epwe eoch nguutun (Fosun Merika).
Asinei ngeni ekkoch kena ren eom kopwe awukano fein fetanen. Katowow ngeni eom kewe chon kaan ngeni (Fosun Merika) me pwan mut ngenir pwe repwe sinei pwe meni ir ra kan pwano ngeni COVID-19. Emon ekkena a kan semwen epwene kan tongeni afeinfetanei COVID-19 nge me mwan ra kan angei ekkewe asisinin. Nupwen en ka kan asinei ngeni eom kewe chon kaan ngeni, iwe repwene kan tongeni tes me pwan nonom seni aramas ika eiemuno ika ra mochen pwe repwe apeti feinfetanen ewe virus ngeni ekkoch.
- Ika en ka kan eaea ew kewe tes non imw, repotini pungunon pungun eom tes ngeni noun Washington we fonen COVID-19 non 1–800–525–0127. Ei a kan anisi angangen tapween chon kaan ngeni (Fosun Merika) me pwan pinei ewe semwen seni napenon feinfetanen non neniach kena. Ewe nainen fon a suuk Sarifan seni 6 a.m. tori 10 p.m., me pwan Aruwowen ran tori Ranifan (ne atuwa ran mi pin kena) seni 6 a.m. tori 6 p.m. Aninisin fosun fonu mi kawor.
- Ika pwe en ka kan eaea ew tes non imw, tungor ew coden afat me non WA Notify (WA Asinei) ren eom kopwe atorngeni ekkoch nge ese wor epwe sinei en io WA Notify chon eaea kena ir ra kan pwano.
Kori noumwe chon awora tumunun safei — ika mi wor emon noum — ika ewe nenien safei non neniach ren afanefanen safei. Ir repwene kan ngonuk ekkoch poraus ren ifa usun eom kopwe nonom non kinamwe nupwen eom ka kan pwakino. Ir repwene kan pwan erenuk usun asisinin kena ren ngawen semwen kopwe kan tumun ngeni, iwe en kopwe kan angei ika tongeni angei pachenongen tumun ika en a mochen ii.
Asepwanawow nenieomuwe usun napenon na en ka kan tongeni. Ika pwe mi tufich, suuki ekkewe asammwacho, awuru ewe saipo won eom we thermostat won tekia, siwini eom filterin HVAC, ika eaea ew HEPA animeochun asepwan.
Nge ika mo pwe en ka kan pwak seni COVID-19 me pwan tongeni asopwano eom fansoun eiemuno, mi fakkun auchea pwe kopwe sopwesopweino ren eom kopwe tumunuk me pwan ekkoch. En kopwene kan tongeni fori ei seni angaiin eom Apposun COVID-19 me pwan apechakunen appos, eaea eom masku nein aramas, apeti watten chufengen kena, tonu poum, me pwan enabling WA Notify won noum smartphone.