Afai ua mautinoa lau siaki ua e aafia i le COVID-19, o le tala lelei lea o loo iai laasaga e mafai ona e faia e fesoasoani ai ia tausisia le saogalemu o oe ma isi.
O ā mea e fai pe afai ua mautinoa lau siaki ua e aafia
Nofo i le fale ma ia nofo ese mai isi tagata. Mulimulita'i le taiala mulimuli ane ai o le faanofoesea mai le Centers for Disease Control and Prevention (CDC, Ofisa Tutotonu Faatonutonu ma le Foia o Faamai) ma le Washington State Department of Health (DOH, Matagaluega o Soifua Maloloina a le Setete o Uasigitone). Afai e te manaomia lagolago a o e faanofoesea ai, atonu e mafai ona e maua fesoasoani mai le Care Connect Washington.
- Faavāvā mamao oe mai isi tagata o lou aiga. Afai e mafai, nofo ese i se potu e ese mai tagata o loo tou nonofo faatasi ma fa'aaoga se isi fale taele.
Mata'itū auga o loo e maua ai. Afai e tigaina tele auga o e maua ai, po ua maua oe i ni auga fou o loo e popole ai, faafesootai lau tausi soifua. Vala'au le 9–1–1 pe afai ua e iloaina mea nei o faailo o lapataiga faafuasei o le COVID-19:
- Faigata pe faaletonu le manava
- Ua faasosoo ona tiga le fatafata po ua mamafa
- Faafuasei ona faaletonu le mafaufau
- Ua lḕ mafai ona tali atu
- Sesega, efuefu, pe lanu moana le tino, laugutu, poo totonu o atigilima, fuafua lea i le lanu o le tino
Fai se puni fofoga e faapea ona kava ai lou isu ma le gutu pe afai e manaoomia lou iai i tafatafa o isi tagata, tusa lava po o le fale. O isi tagata o lou aiga e tatau foi ona fai puni fofoga.
- Pe a mafai, fa'aaoga se KN95 po o se puni fofoga falemai e saituatolu le mafiafia.
- Ia mautinoa e ofi lelei lau puni fofoga, e leai se avanoa. Ina ia ofi lelei lau puni fofoga, nonoa lave i luga o taliga e fesootai ai i foliga. E mafai foi ona e faia ni puni fofoga se lua ina ia foia ai ni avanoa. talosaga se igoa faalilolilo e iloa ai o oe e ala i le WA Notify(WA Notify, Faailoa Amerika i Sisifo (i le faa-Peretania).
Fa'ailoa atu i isi ina ia taofiofia le pipisi. Ia e aapa atu i au fesootaiga vāvālalata (i le faa-Peretania) ma faailoa ia i latou atonu ne'i aafia i le COVID-19. O se tasi ua aafia e mafai ona faapipisi atu le COVID-19 tusa lava pe lei iai ni auga. Pe a e faailoa atu i au pa'aga na tou feiloai, e mafai ona fai a latou siaki ma nofo vaavaaia pe faanofoesea pe a manaomia ina ia foia ai le pipisi o le vairusi i isi.
- Afai e te manaomia e fai lau siaki i le fale, ia lipotia lau siaki ua mautinoa ua aafia i le laina tuusa'o a le COVID-19 a Uasigitone i le 1–800–525–0127. O lea e lagolago ai le tuamafaiga e tulituliloa fesootaiga (contact tracing efforts) (i le faa-Peretania) ma foia ai faamai mai le pipisi atili ai i totonu o le tatou komiuniti. O laina telefoni e tatala i Aso Gafua mai le 6 a.m. i le 10 p.m., ma Aso Lua i Aso Sa (ma aso malolo aloaia) mai le 6 a.m.i le 6 p.m. E maua fesoasoani i Gagana.
- Afai sa e fa'aaogaina se mea e fai ai lau siaki i le fale, talosaga se igoa faalilolilo e iloa ai o oe e ala i le WA Notify (Iapani fi, Uosigitone Fa'aaliga Fa'aaliga) ina ia faailoa faalilolilo i isi WA Notify na fa'aaogaina atonu ne'i aafia.
Faafesootai lau tausi soifua — pe afai e iai se tasi — po o se ofisa fomai faa-lotoifale mo fautuaga faa-fomai. E mafai ona latou tuuina atu ni nai fautuaga laiti mo auala e nofo lelei ai a o faasolo ina e malosi. E mafai ona latou ta'uina atu ia oe e uiga i auga o le tigaina e mata'itū, ina ia mafai ona maua e oe se tausiga faaopopo pe a e manaomia.
Faa'ea le mea o e nofo ai i le tele e mafai ai. Pe a mafai, tatala faamalama, fa'aola le ili o lau masini ea faamaualuga, sui le faamamā o le masini ea (HVAC), pe fa'aaoga se faamamā ‘ea o le HEPA.
Tusa lava po ua e toe malosi mai le COVID-19 ma mafai ona faamuta lou taimi faanofoesea, e tāua le fa'aauau pea ona puipui oe ma isi E mafai ona e faia o lea e ala i le faia o lou tui puipui o le COVID-19 ma le tui puipui lona tolu (booster), ma le faia o lau puni fofoga i nofoaga faitele, foia le auai i mea e tumutumu ai tagata e toatele, fufulu ou lima, ma mafai ona tuu le WA Notify i luga o lau telefoni feaveai.