အမေးများသောမေးခွန်းများ | COVID-19 အတွက် စမ်းသပ်စစ်ဆေးခြင်း။

ကျေးဇူးပြု၍ အောက်ပါရွေးချယ်စရာများကို လုပ်ဆောင်ကြည့်ပါ။

• ပစ္စည်းများ ကျန်နေသည့်အချိန်အတွင် Say Yes! မှ တဆင့် COVID-19 စမ်းသပ်ကိရိယာများ(testing kits) များကို အခမဲ့ မှာယူပါ။ COVID စစ်ဆေးမှု (အင်္ဂလိပ်ဘာသာဖြင့်) သို့မဟုတ် 1-800-525-0127 ကိုခေါ်ဆိုပြီး ဘာသာစကားအကူအညီရယူရန် # ကိုနှိပ်ပါ။ အိမ်ထောင်စုတစ်ခုလျှင် မှာယူမှုတစ်ခုသာ
• COVIDTests.gov (အင်္ဂလိပ်ဘာသာဖြင့်) ဖက်ဒရယ်အစီအစဉ်မှ အခမဲ့စမ်းသပ်ကိရိယာတစ်ခုကို မှာယူပါ။ အိမ်ထောင်စုတစ်ခုလျှင် မှာယူမှုတစ်ခုသာ
• ပြည်နယ်တွင်း လက်လီရောင်းချသူများနှင့် ဆေးဆိုင်များတွင် အိမ်တွင်းစမ်းသပ်ကိရိယာတစ်ခုကို ဝယ်ယူပါ။
• သင့်တွင် ကျန်းမာရေးအာမခံရှိပါက၊ အာမခံအများစုသည် သင့်အစီအစဉ်ရှိလူတစ်ဦးစီအတွက် တစ်လလျှင် အိမ်တွင်းစမ်းသပ်မှု ၈ ခုအထိကို ယခုအချိန်တွင် ပြန်လည်ပေးချေမည်ဖြစ်သည်။ နောက်အချက်အလက်များကို ဤနေရာတွင် ဖတ်ပါ (အင်္ဂလိပ်ဘာသာ)။
• သင့်အနီးရှိ စမ်းသပ်မှုပြုလုပ်ပေးသည့် တည်နေရာ (အင်္ဂလိပ်ဘာသာဖြင့်) တွင် စမ်းသပ်စစ်ဆေးမှုရယူပါ။

သင့်အနီးအနားရှိ စမ်းသပ်စစ်ဆေးပေးမည့်ဆိုဒ်နေရာကို ရှာဖွေရာတွင် အကူအညီ လိုအပ်ပါက သင်၏ ဒေသန္တရ သို့မဟုတ် ခရိုင်ကျန်းမာရေးဌာန (အင်္ဂလိပ်ဘာသာဖြင့်)တွင် မေးမြန်းနိုင်ပါသည်။ သင်အနေဖြင့် 1-800-525-0127 ကိုခေါ်ဆိုပြီး # ကိုနှိပ်နိုင်ပါသည်။ ၎င်းတို့မှဖြေဆိုသည့်အခါ ဘာသာပြန်ဝန်ဆောင်မှုများကို ရယူရန် သင့်ဘာသာစကားကို ပြောပါ။

ကျေးဇူးပြု၍ 1-800-525-0127 ကိုခေါ်ဆိုပြီး # ကိုနှိပ်ပါ။ ဘာသာစကားအကူအညီရရှိနိုင်ပါသည်။ ဖုန်းဖြေကြားစင်တာသည် WA နှင့် ဖက်ဒရယ်အွန်လိုင်းပေါ်တယ်များမှတစ်ဆင့် သင့်ကိုယ်စား မှာယူပေးနိုင်ပါသည်။

(Say YES! COVID Test (ဟုတ်ကဲ့ပြောပါ COVID စစ်ဆေးမှု အစီအစဉ်) သို့မဟုတ် Federal Program (ဖဒရယ်ပရိုဂရမ်တစ်ခု))မှ တောင်းဆိုထားသော စမ်းသပ်မှုပစ္စည်းများကို မှာယူပြီးအချိန် 1-2 ပတ်အတွင်းရနိုင်ပါသည်။

စိတ်မကောင်းပါ။ တနိုင်ငံလုံးထောက်ပံ့ရေး တွင်တောင်းဆိုမှုများသော်ကြောင့် ကြန့်ကြာမှုများရှိနိုင်ပြီး စမ်းသပ်ပစ္စည်းများ ပြန်လည်ရောက်ရှိမည့်ရက်အတိအကျကို ကျွန်ုပ်တို့တွင်မရှိပါ။ ကျေးဇူးပြု၍ sayyescovidhometest.org (အင်္ဂလိပ်လို) တွင် ပုံမှန်ပြန်စစ်ဆေးပေးပါ။ သင့်ရဲ့စိတ်ရှည်သည်းခံမှုအတွက် ကျေးဇူးတင်ပါတယ်။

နောက်ထပ် စမ်းသပ်မှုပစ္စည်းတစ်ခု ချက်ချင်း လိုအပ်ပါက၊ ကျေးဇူးပြု၍ 'COVID-19 စမ်းသပ်စစ်ဆေးမှုကို ဘယ်မှာရနိုင်မလဲ' ဟူသော မေးခွန်းအောက်တွင် ဖော်ပြထားသော နည်းလမ်းများကို အသုံးပြုပါ။

သင်သည် COVID-19 စမ်းသပ်မှုအတွက် ရှာဖွေရာတွင် ခက်ခဲနေကြောင်း သိရတဲ့အတွက် တောင်းပန်ပါသည်၊ ထောက်ပံ့မှုမှာ လက်ရှိတွင် တစ်နိုင်ငံလုံးအတိုင်းအတာဖြင့် ကန့်သတ်ထားပါသည်။

အကယ်၍ သင်သည် COVID-19 ရောဂါလက္ခဏာများ ကြုံတွေ့နေရပါက သို့မဟုတ် COVID-19 နှင့် ထိတွေ့ပြီး ရောဂါကူးစက်ခံရမည်ကို စိုးရိမ်ပါက အောက်ပါတို့ကို ကျွန်ုပ်တို့ အကြံပြုလိုပါသည်။

• COVID-19 စမ်းသပ်တွေ့ရှိလျှင်မည်သို့ ပြုလုပ်ရမည်နည်း ဟူသောတူညီသောလမ်းညွှန်ချက်ကို လိုက်နာပါ။
• အကယ်၍ သင်သည် သီးခြားခွဲမနေနိုင်ပါက အောက်ပါတို့ကို လုပ်ဆောင်သင့်သည်-
  • သင့်အိမ်အပြင်ဘက် အခြားလူများအနီးတွင် ရှိနေချိန်တိုင်း သင့်နှာခေါင်းနှင့် ပါးစပ်ကို လုံခြုံစွာ ဖုံးအုပ်ထားသည့် နှာခေါင်းစည်း (ဖြစ်နိုင်ရင် KN95၊ KF-94 သို့မဟုတ် 3လွှာ ခွဲစိတ်ခန်းသုံးနှာခေါင်းစည်း) ဝတ်ဆင်ပါ။
  • အခြားသူများနှင့် အနည်းဆုံး 6 ပေ/2 မီတာ အကွာအဝေးတွင်နေပါ။
  • လက်ကို မှန်မှန်ဆေးပါ။
  • လူစုလူဝေးနှင့် လူထူထပ် စုဝေးခြင်းကို ရှောင်ကြဉ်ပါ။

Department of Health(DOH, ကျန်းမာရေးဦးစီးဌာန) မှ COVID-19 နှင့် ကိုက်ညီသော ရောဂါလက္ခဏာရှိသူတိုင်း ကို စမ်းသပ်စစ်ဆေးမှု ခံယူရန် အကြံပြုထားသည်။

DOH သည် ရောဂါဖြစ်ပွားမှု အနီးကပ်ထိတွေ့မှုများကဲ့သို့ ထိတွေ့မှုများရှိသူများ သို့မဟုတ် ရောဂါဖြစ်ပွားမှုအခြေအနေများတွင် ထိတွေ့သူများကိုလည်း စမ်းသပ်ရန် အကြံပြုထားသည်။

နောက်ဆုံးပေါ် Centers for Disease Control (CDC, ရောဂါထိန်းချုပ်ရေးစင်တာများ) နှင့် DOH ၏လမ်းညွှန်ချက်ကို လိုက်နာပြီး အခြားသူများနှင့်ဝေး ရာ အိမ်တွင် သီးခြား ခွဲနေပါ။ မိမိနှင့် ထိတွေ့ဖူးသူများအားလုံးမှာလည်း သီးသန့်ခွဲနေထားသင့်သည်။

• COVID-19 ဟု ယူဆထားသော သို့မဟုတ် အတည်ပြုထားသူတိုင်း အိမ်မှာနေပြီး အနည်းဆုံး 5 ရက်ပြည့်အောင် တခြားသူတွေနဲ့ သီးခြားခွဲထားသင့်ပါတယ် (0 သည် ရောဂါလက္ခဏာများ၏ စတင်ပြသည့် ပထမဆုံးနေ့ သို့မဟုတ် ရောဂါလက္ခဏာမပြသောလူများအတွက် ဗိုင်းရပ်စ်စစ်ဆေးမှုပြုလုပ်သည့်နေ့စွဲ) ဖြစ်သည်။။ အိမ်တွင် အခြားလူများကြားတွင် နောက်ထပ် 5 ရက်ကြာ နှာခေါင်းစည်း တပ်သင့်သည်။
• လူတစ်ဦးသည် စမ်းသပ်မှုတစ်ခုကို ရထားပြီး စမ်းသပ်လိုပါက၊ အကောင်းဆုံးနည်းလမ်းမှာ 5-ရက်ကြာ သီးခြားခွဲထားချိန် အပြီးသတ်သောနေ့တွင် antigen စမ်းသပ်စစ်ဆေးမှု ကို အသုံးပြုရန်ဖြစ်သည်။ အဖျားလျော့ဆေးမသောက်ထားဘဲ 24 ကြာအဖျားကင်းစင်ပြီး အခြား ရောဂါလက္ခဏာများ ပြန်လည်ကောင်းမွန်လာမှသာ စမ်းသပ်နမူနာကို ရယူစစ်ဆေးသင့်ပါသည်။ (အနံနှင့်အရသာပျောက်မှုသည် ရောဂါသက်သာလာသော်လည်း အချိန်အတန်ကြာအောင် မရနိုင်သော်လည်း သင့်ခွဲနေမှုကို ရပ်တန့်နိုင်ပါသည်။)
  • သင့်စမ်းသပ်မှုရလဒ်သည် ရောဂါတွေ့ရှိပါက၊ သင်သည် 10 ရက်မြောက်နေ့အထိ သီးခြားခွဲနေသင့်သည်။
  • သင့်စမ်းသပ်မှုရလဒ်သည် ရောဂါမတွေ့ရှိပါက သင်သည် သီးခြားခွဲနေခြင်းကို အဆုံးသတ်နိုင်သော်လည်း အိမ်၌ အခြားသူများအနီးတွင် သာမက ပြင်ပလူများအနီးတစ်ဝိုက်တွင သင့်လျော်သောနှာခေါင်းစည်း ကို ဆက်လက်ဝတ်ဆင်ပါ။

အိမ်တွင် COVID-19 တွေ့ရှိသော စစ်ဆေးမှုရလဒ်ကို အစီရင်ခံရန်နှင့် စောင့်ရှောက်မှုဝန်ဆောင်မှုများရယူရန်၊ ကျေးဇူးပြု၍ ဝါရှင်တန်ပြည်နယ် COVID ဟော့လိုင်းနံပါတ် 1-800-525-0127 သို့ ဖုန်းခေါ်ဆိုပါ။ ဘာသာစကားအကူအညီရရှိနိုင်ပါသည်။

သင့်စမတ်ဖုန်းတွင် WA Notify (ဝါရှင်တန်ကိုအကြောင်းကြားပါ) အက်ပ်ကို ဒေါင်းလုဒ်လုပ်ထားပြီး သို့မဟုတ် ဖွင့်ထားပါက၊ ရောဂါတွေ့ရှိသော စစ်ဆေးမှုရလဒ်ကို သတင်းပို့ရန် ဤကိရိယာကို အသုံးပြုနိုင်သည်။

နောက်ထပ်အချက်အလက်များကို ဤနေရာတွင် တွေ့နိုင်သည်- ရောဂါကိုစမ်းသပ်တွေ့ရှိပါက ဘာလုပ်ရမည်နည်း။