Cov Lus Nug Uas Nquag Nug | Kev Kuaj Kab Mob COVID-19

Thov sim los mus siv cov hau kev xaiv hauv qab no:

• Thaum xaus cov cuab yeej pab lawm, tuaj yeem thov tau qhov cuab yeej kuaj mob pub dawb los ntawm Say Yes! COVID Test (Khoos Kas Hais Tau Tias Ua Tau! Yam Cuab Yeej Kuaj Kab Mob COVID) (ua Lus As Kiv) los sis hu rau 1-800-525-0127 ces nias rau lub cim # txhawm rau nkag mus rau kev pab txhais lus. Tsuas thov tau ib zaug tauj ib cuab yim neeg xwb.
• Tuaj yeem thov tau qhov cuab yeej kuaj mob pub dawb los ntawm Tsoom Fwv lub khoos kas muab kev pab tau ntawm COVIDTests.gov (ua lus Askiv). Tsuas thov tau ib zaug tauj ib cuab yim neeg xwb.
• Yuav cuab yeej kuaj mob siv tau tom tsev nyob rau ntawm cov chaw muag kho xa thiab khw muag tshuaj nyob rau hauv cheeb tsam tau.
• Yog tias koj muaj kev tuav pov hwm kev noj qab haus huv, tag nrho cov chaw muab kev tuav pov hwm yuav them rov qab rau koj rau cov cuab yeej kuaj mob tom tsev tau 8 qhov kev kuaj tauj ib hlis, rau txhua tus neeg nyob rau hauv koj qhov phiaj xwm tuav pov hwm. Mus nyeem cov ntaub ntawv muab kev qhia paub ntxiv rau ntawm no (ua Lus Askiv).
• Nrhiav kev kuaj mob tau ntawm ib Qhov Chaw Kuaj Mob nyob ze koj (ua lus Askiv).

Yog tias koj xav tau kev pab los nrhiav lub chaw kuaj uas nyob ze koj, ntsuam xyuas ntawm koj chav hauj lwm ntsig txog kev noj qab haus huv hauv zos (ua lus Askiv) Koj kuj tseem tuaj yeem hu rau 1-800-525-0127 ces nias rau lub cim #. Thaum lawv teb xov tooj lawm, hais koj hom lus kom nkag tau rau cov kev pab cuam txhais lus.

Thov hu rau 1-800-525-0127 ces nias rau lub cim #. Muaj kev pab rau kev txhais lus. Lub chaw lis hauj lwm txais xov tooj tuaj yeem sawv cev thov rau koj nyob rau hauv Xeev Washington thiab tsoom fwv cov chaw ceev ntaub ntawv hauv online.

Cov cuab yeej kuaj mob tuaj yeem thov tau tsis hais yog los ntawm lub khoos kas muab kev pab (Say YES! COVID Test (Khoos Kas Hais Tau Tias Ua Tau! Yam Cuab Yeej Kuaj Kab Mob COVID) los sis Federal Program (Tsoom Fwv Lub Khoos Kas Muab Kev Pab)) yuav siv sij hawm xa li 1-2 ob lim tiam suav txij hnub thov.

Paub tsis tau li, peb tsis muaj hnub tseeb tias thaum twg mam rov muaj cov cuab yeej kuaj muab yeeb vim qhov kev ncua sij hawm yog nyob rau ntawm cov chaw tsim khoom hauv lub teb chaws muaj. Thov rov qab tuaj txheeb xyuas tas li nyob rau ntawm sayyescovidhometest.org (ua Lus Askiv). Ua tsaug uas koj ua lub siab ntev tos!

Yog koj xav tau cuab yeej kuaj mob ntxiv tam siv, thov siv cov hau kev xaiv uas teev rau hauv qab ntawm sob lus nug, 'Kuv tuaj yeem mus kuaj kab mob COVID-19 tau rau qhov twg?'.

Thov txim uas ua rau koj nrhiav tau cuab yeej kuaj kab mob COVID-19 nyuaj, peb pom tau tias niaj hnub no muaj cuab yeej tsawg yuav los pab thoob plaws hauv lub teb chaws lawm.

Yog koj sam sim muaj cov tsos mob kab mob COVID-19 los sis tau raug rau kab mob COVID-19 thiab ntxhov siab tias tej zaum koj kis tau kab mob lawm, peb xav kom ua raws li hauv qab no:

• Ua raws li phau ntawm cob qhia qub hais txog yam yuav ua yog tias koj ntsuam sim pom muaj kab mob COVID-19 lawm.
• Yog koj tsis tuaj yeem cais tus kheej rau ib qho, koj yuav tau ua raws li hauv qab no:
  • Rau hom ntaub npog qhov ncauj qhov ntswg uas kom kaw tau koj lub qhov ntswg thiab qhov ncauj kom zoo txhua lub sij hawm thaum koj tawm nyob nrog lwm tus rau sab nrauv ntawm koj tsev (xav kom rau cov ntaub npog qhov ncauj qhov ntswg uas yog KN95, KF-94, los sis cov ntaub npog qhov ncauj qhov ntswg siv rau kev phais mob 3-ply, yog ua tau).
  • Ceev kom nyob nrug deb lwm tus yam tsawg 6 fij/2 mev los ntawm lwm cov neeg.
  • Ntxuav koj ob txhais tes kom xwm yeem.
  • Zam tej chaw muaj neeg coob thiab cov neeg sib sau nyob ua ke uas muaj neeg coob.

Department of Health (DOH, Feem Tuav Hauj Lwm Saib Xyuas Kev Noj Qab Haus Huv) xav kom muab kev kuaj mob rau txhua tus neeg uas muaj cov tsos mob tshwm sim uas cuam tshuam rau kab mob COVID-19.

DOH kuj tseem xav kom ua kev kuaj mob rau cov neeg uas muaj feem ntxim yuav raug rau kab mob, xws li cov neeg uas chwv rau cov neeg mob, los sis cov neeg uas raug rau ncua muaj kev sib kis kab mob.

Ua raws li Centers for Disease Control and Prevention (CDC, Cov Chaw Lis Hauj Lwm Tswj Hwm thiab Tiv Thaiv Kab Mob) thiab DOH phau ntawv coj qhia kev cais tus kheej nyob rau ib qho tom tsev uas nyuam qhuav kho tshiab, uas yog nyob kom nrug deb ntawm lwm tus. Tag nrho cov neeg nyob ze rau tus neeg mob tsim nyog ceev tus kheej rau ib qho.

• Txhua tus neeg uas ntxim los sis paub meej tias kis tau kab mob COVID-19 lawm tsim nyog nyob tom tsev thiav cais tus kheej rau ib qho kom deb ntawm lwm cov neeg yam tsawg 5 hnub tseem (hnub 0 yog thawj hnub muaj cov tsos mob tshwm sim los sis hnub kuaj tau kab mob vais lav rau cov neeg uas tsis tag muaj tsos mob tshwm sim). Lawv yuav tau rau ntaub npog qhov ncauj qhov ntswg thaum nyob ib ncig ntawm lwm cov neeg nyob rau tom tsev thiab sab nraum qhov muaj neeg coob rau sij hawm 5 hnub ntxiv.
• Yog ib tug neeg twg uas nkag tau rau kev kuaj mob thiab xav kuaj, txoj hau kev zoo tshaj yog siv kev kuaj antigen rau ncua sij hawm kawg ntawm 5 hnub uas cais tus kheej tawm rau ib qho. Tsuas khaws qauv kuaj yog koj tsis muaj npaws rau sij hawm 24 teev uas tsis tau siv tshuaj txo npaws thiab koj cov tsos mob zoo tuaj lawm (tsis hnov khoom qab thiab txhiab tsw tej zaum yuav muaj mus ntau lim tiam los sis hli tom qab zoo rov los thiab tsis tag yuav ncua sij hawm ntxiv rau kev cais tus kheej rau ib qho).
  • Yog koj qhov kev kuaj muaj kab mob, koj yuav tau cais tus kheej rau ib qho txuas ntxiv mus kom txog hnub 10.
  • Yog koj qhov kev kuaj tau los tsis muaj kab mob, koj tuaj yeem tawm qhov kev cais tus kheej rau ib qho, tiam sis yuav tau rau ntaub npog qhov ncauj qhov ntswg kom haum nkaus thaum nyob rau ib ncig ntawm lwm cov neeg tom tsev thiab tom tej chaw muaj neeg coob kom txog rau hnub 10.

Tshaj qhia kev kuaj tau kab mob COVID-19 tom tsev thiab thov kev pab cuam saib xyuas, thov hu rau Xeev Washington Tus Xov Tooj Hu Thov Kev Pab Ceev Txog Kab Mob COVID ntawm 1-800-525-0127. Muaj kev pab rau kev txhais lus.

Yog koj twb tau rub lub cuab yeej WA Notify (Lub Cuab Yeej Ceeb Toom Qhia Paub Tuaj Ntawm Xeev Washington) los sis qhib siv rau hauv koj lub xov tooj lawm, koj tuaj yeem siv lub cuab yeej no los tshaj qhia qhov kev kuaj tau kab mob ib yam nkaus thiab.

Tuaj yeem nrhiav ntaub ntawv muab kev qhia paub ntxiv tau ntawm no: Yam yuav ua yog tias koj ntsuam sim pom muaj kab mob lawm.