Tui Puipui mo le KOVITI-19

O le tui puipui mo le KOVITI-19 e le totogiina ma e avanoa mo tagata uma e 6 masina tausaga ma matua atu, e tusa pe o le a le tulaga o lou aumau ai i totonu o le atunuu.

O e nofo fale ma e te manaomia le tui puipui o le KOVITI-19?

Fa’amatalaga fa’fouina ia Tesema 9, 2022

O fautuaga mo tui fa'afou o le booster mai le Centers for Disease Control and Prevention (CDC) o loo mulimuli mai:

  • Tamaiti e 6 masina - 5 tausaga sa faia se ulua'i tui puipui e fa'atasi ona fai o le Moderna COVID-19 ua agavaa nei mo le faia o se tui fa'afou e faia fa'alua o le booster i le lua masina talu ona mae'a le fa'asologa o tui muamua.
  • tui puipui o le Pfizer COVID-19 mo tamaiti 6 masina - 4 tausaga o le a aofia ai le lua tui e fa'atasi ona fai o le Pfizer ma le tasi le tui e faia fa'alua o le Pfizer.
    • Tamaiti 6 masina - 4 tausaga le matutua e le'i amataina lava le 3 tui o fa'asologa o tui muamua o le Pfizer pe e le'i mauaina lava le tui lona tolu o latou tui fa'asolo muamua o le a mauaina tui fa'afou o fa'asologa o tui muamua o le Pfizer.
    • Tamaiti 6 masina - 4 tausaga ua mae'a le 3 tui o fa'asologa o tui muamua o le Pfizer o le a le agavaa mo tui puipui fa'aopoopo poo tui o le booster i lenei taimi.
  • O loo iai tui o le Novavax COVID-19 mo tagata matutua pe afai ua ma'ea a latou fa'asologa muamua o tui puipui ae le'i faia lava se tui o le COVID-19 booster—ma afai e le mafai pe o le a le faia se tui fa'afou o le mRNA booster.

E matou te mananao e avatu ia te oe faamatalaga o e manaomia. O le a matou avatu tala lata nei i taimi uma ina ia mafai ai ona e faia filifiliga ma le malamalama mo lou soifua maloloina.

Decorative

O a mea e ao ona ou iloa mo le mauaina o le tui puipui mo le KOVITI-19?

Decorative

O le Saogalemu ma le Aogā

Decorative

Aiaiga mo le faia o Tui Puipui

Decorative

O Aoga ma Nofoaga mo le Tausiga o Tamaiti

Decorative

O le olaga ina ua maea ona faia le Tui Puipui

Decorative

Tui Puipui Faaopoopo e Uunaia le Malosi ma Tuiga Faaopoopo

O a mea e ao ona ou iloa mo le mauaina o le tui puipui mo le KOVITI-19?

E faapefea ona ou mauaina le tui puipui?

Asiasi i le Su'e faatulagaga o feiloa'iga mo tuipuipui COVID-19 e sue ai ma faamautu se taimi faatulagaina e fai ai lou tui puipui.

E mafai foi ona lafo lau ZIP code (le numera o lau itumalo) i se feau tusitusi i le 438-829 (GET VAX) e maua ai nofoaga mo le faia o tui puipui o lata ane ia te oe.

O iai ni au fesili e uiga i le tui puipui mo le KOVITI-19? O e manaomia se fesoasoani mo le sueina o se taimi faatulagaina e fai ai sou tui puipui? Vili i le Laina Telefoni mo Faamatalaga o le KOVITI-19 i le 1-800-525-0127, ona oomi lea o le #. O loo maua fesoasoani faalegagana.

Afai o e faamautuina se taimi faatulagaina mo lou tui puipui lona lua (Moderna/Spikevax po o le Pfizer/Comirnaty), e tatau ona e toe mauaina le vailaau tui e tutusa ma lou tui muamua.

Afai e le mafai ona agai ese oe po o se isi e te iloa ma le fale, faatumu se pepa faatumu malupuipuia i luga o upega tafailagi (na o le Gagana Peretania). O au tali e mafai ai ona matou fesootaia tagata taitoatasi i Vaega Feoai a le Itumalo ma/po o le Setete mo le faia o Tui Puipui o avanoa.

Mo isi mataupu tau KOVITI-19, e pei o fale, fesoasoani aoga, inisiua mo le soifua maloloina, vili i le 211 pe asiasi i le wa211.org

Mo nisi faamatalaga, tagai i le Tuipuipui COVID-19: Iloa Tulaga Nei pepa o mea moni.

E tatau ona avea a'u ma se tagatanuu U.S. faatoa mafai ai ona ou mauaina le tui puipui?

Leai, e lē manaomia ona avea oe ma se tagatanuu U.S. ina ia mafai ai ona maua e oe le tui puipui. O lona uiga e te lē manaomia se social security number (numera o le puipuiga faaagafesootai mai le malo) po o nisi pepa e faamaonia ai le tulaga o lou aumau ai i totonu o le atunuu ina ia mafai ona e mauaina le tui puipui. E ono fesili nisi auaunaga fai tui puipui mo se social security number, ae e lē manaomia ona e taua iai.

E lē manaomia ona avea se tasi o lau fanau ma se tagatanuu U.S. ina ia mafai ai ona mauaina le tui puipui. E lē fesiligia e auaunaga tausi soifua maloloina le tulaga o le aumau ai o se isi i totonu o le atunuu. I le tele o tulaga, o le a manaomia le maliega mai matua ma matua tausi ina ia mafai ai ona faia tui puipui o tupulaga talavou e i lalo mai o le 18 tausaga le matutua.

O loo fautuaina e le Washington State Department of Health (Matagaluega o le Soifua Maloloina a le Setete o Uosigitone) le faia o tui puipui mo tagata uma e 6 masina tausaga ma sili atu le matutua.

O le a manaomia ona ou totogiina se mea mo le tui puipui?

Leai. E leai se tau o le tuipuipui o le COVID-19, pe mauaina foi se pili mai lau auaunaga pe mai le fale faatino tui puipui. E aofia ai tagata e iai inisiua tumaoti, iai le Apple Health (Medicaid), iai le Medicare, pe e leai se inisiua.

Afai e te faaaogaina nisi auaunaga a o e iai i le ofisa o lau auaunaga e fai ai lou tui puipui, e te ono mauaina se pili mo le asiasiga i le ofisa. Ina ia aua nei tupu lenei mea, e mafai ona e fesili muamua i lau auaunaga e uiga i tau o auaunaga uma.

Afai e leai sau inisiua faasoifua maloloina, e lē mafai ona piliina oe e auaunaga mo le faia o le tui puipui ma e ono solia ai aiaiga o le polokalame tui puipui mo le KOVITI-19. Faamolemole imeli i le covid.vaccine@doh.wa.gov pe a piliina oe.

Afai e iai lau inisiua faasoifua maloloina ma ua piliina oe, faafesootai muamua lau polokalame inisiua. Afai e lē faaleleia ai le mataupu, e mafai foi ona e faaulu se tagi (na o le Gagana Peretania) i le Ofisa o le Komisina o Inisiua.

  • Vili i le 800-562-6900 mo auaunaga faaliliu i luga o le telefoni (o loo mauaina mo le ova ma le 100 gagana e aunoa ma se tau e totogi e oe)
  • TDD/TYY: 360-586-0241
  • TDD: 800-833-6384
    Aea pe a leai sa'u inisiua faasoifua maloloina?

    Afai e leai sau inisiua, tau i lau auaunaga. O le a e mauaina pea le tui puipui e aunoa ma se tau e totogi.

    Afai e lē piliina a'u mo le faia o le tui puipui, aisea o fesiligia ai a'u mo a'u faamatalaga tau inisiua faasoifua maloloina?

    I le taimi e fai ai lou tui puipui, e ono fesili lau auaunaga fai tui puipui pe o iai sau pepa inisiua. O le mafuaaga o lenei fesili ina ia mafai ai ona latou toe mauaina a latou totogi mo le avatu o le tui puipui ia te oe (totogifuapau mo le faatinoina o le tui puipui). Faailoa i lau auaunaga pe afai e leai sau inisiua. O le a mafai pea ona e mauaina le tui puipui e aunoa ma se tau e totogi.

    O le a le mea e tau o le totogifuapau mo le faatinoina o le tui puipui ma o ai e totogiina?

    O le totogifuapau mo le faatinoina o le tui puipui o le totogifuapau e piliina ai oe e se auaunaga tausi soifua maloloina ina ia mafai ona avatu ia te oe le tui puipui. E ese mai le tau o le vailaau tui ia.

    E totogi e le malo feterale le tau aofai o le vailaau tui. Afai o iai sau inisiua faasoifua maloloina lautele pe tumaoti, e ono piliina i latou e lau auaunaga fai tui puipui ina ia toe maua ai le totogifuapau mo le faatinoina o le tui puipui.

    E lē tatau ona piliina oe mo tau e totogi mai lou lava taga pe maua e oe se pili mai lau auaunaga e uiga i le totogifuapau mo le faatinoina o le tui puipui mo le KOVITI-19. E aofia ai tagata e iai inisiua tumaoti, iai le Apple Health (Medicaid), iai le Medicare, pe e leai se inisiua.

    O a tuipuipui o le COVID-19 o loo maua i le taimi nei?

    E tolu tuipuipui ua faamaonia mo faalavelave faafuasei po ua faatagaina atoatoa e le U.S. Food and Drug Administration (FDA, Ofisa mo le Vaaiga o Meataumafa ma Vailaau). O nei tuipuipui o loo ofoina atu i le taimi nei i le setete o Uasigitone (Washington). O le Pfizer (Comirnaty) ma tui puiui o le Moderna (Spikevax) o loo fautuaina e sili atu i le tuipuipui o le Johnson & Johnson ona o se tulaga e seāseā tulai mai e ta’ua o le (thrombosis) poloka le totohrombocytopenia syndrome (TTS, auga o le potopotoi o le toto) ma Guillain-Barré syndrome (GBS, le vaega o le tino e tetee atu i faamai ua mafai ona afaina ai neura o le tino).

    Pfizer-BioNTech tuipuipui o le COVID-19 (Comirnaty (o se tuipuipui e fuafua e puipuia mai faamai)):

    E tolu tui sa faia mo tamaiti e 6 masina i le 4 tausaga le matutua. O tui muamua e 2 e tatau ona faia i le va o le 21 aso ma le tui lona tolu e faia i le 8 vaiaso talu ona mae'a le tui lona lua.

    O le tuipuipui lea e lua tuiga, e faia i le ta'i 21 aso le va, faaopoopo iai:

    • Mo i latou o loo vaivai puipuiga o le tino ma ua mae’a ona faia tui puipui e 2 o le mRNA COVID-19 e tatau ona faia se ulua'i tui fa'aopoopo.
    • O tamaiti uma e 5 tausaga ma sili atu e tatau ona maua le fa'alua o tui puipui fa'afouina e fa’amalosia ai tui muamua i le lua masina talu ona mae'a le ulua'i fa'asologa o tui puipui poo tui e fa’amalosia ai tui muamua. Tamaiti 5 tausaga sa faia tui o le Pfizer e ono faia na'o se tui fa'afou o le tui e faia fa'alua o le Pfizer booster. Tamaiti 5 tausaga sa faia se tui o le Moderna e ono faia se tui fa'afou o le booster o le Moderna poo le tui e faia fa'alua o le Pfizer booster.

    E fou ou tui puipui o le COVID-19 pe afai ua mae'a se fa'asologa muamua o tui o le COVID-19 ma ua uma ona faia se tui lata mai o le booster sa fautuaina mo oe e le CDC.

    O le tuipuipui ua atoatoa le faamaoniga mo tagata e 12 tausaga ma matutua atu i lalo o le igoa Comirnaty. O le tuipuipui ua faamaonia mo faalavelave faafuasei mo tupulaga talavou e 6 masina i le 11 tausaga le matutua. O suesuega faafomai ua iloa mai ai e leai ni tulaga matuiā o aliali mai ai.

    O le tuipuipui mo le COVID-19 o le Moderna (Spikevax):

    O lenei tuipuipui e lua tuiga, e faia tai 28 aso le va, faatasi ai ma:

    • Se tuiga faaopopo (lona tolu) o le tuipuipui mo tagata e vaivai le malosi o le tino e tetee atu ai i faamai.
    • O se tui fa'afou e faia fa'alua o le mRNA booster e fautuaina le faia pe a mae'a le 2 masina o le tui mulimuli ina ia fa'afouina ai pea tui puipui mo i latou e 6 tausaga ma sili atu. Tamaiti 5 tausaga sa faia tui o le Pfizer e ono faia na'o se tui fa'afou o le tui e faia fa'alua o le Pfizer booster. Tamaiti 6 masina – 4 tausaga e tatau ona faia na'o se tui fa'afou o le booster e faia fa'alua o le ituaiga fa'amaketi e tasi lea sa fai ai le fa'asologa o tui muamua. Tamaiti 5 tausaga sa faia se tui o le Moderna e ono faia se tui fa'afou o le booster o le Moderna poo le tui e faia fa'alua o le Pfizer booster. Tamaiti e 6 tausaga ma matutua atu e tatau ona faia se tui fa'afou e faia fa'alua o le Pfizer poo le Moderna booster tusa poo le a le tulaga o latou fa'asologa o tui muamua.

    Ua faamaonia atoatoa lenei tui puipui mo tagata e 18 tausaga ma matutua atu. O loo maua tui puipui o le Moderna mo tamaiti 6 masina i le 17 tausaga i lalo o le Emergency Use Authorization (EUA, Fa'atagana o le Fa'aaogaina i Fa'alavelave Fa'afuase'i). E fou ou tui puipui o le COVID-19 pe afai ua mae'a se fa'asologa muamua o tui o le COVID-19 ma ua uma ona faia se tui lata mai o le booster sa fautuaina mo oe e le CDC.

    O suesuega faafomai ua iloa mai ai e leai ni tulaga matuiā o aliali mai ai.

    O tuipuipui o le COVID-19 o le Johnson & Johnson – Janssen:

    O lenei tuipuipui ua faamaonia mo faalavelave faafuasei mo tagata taitoatasi e 18 tausaga ma matutua atu. O lenei tuiga e tasi (e tasi le faiga) o le tuipuipui. E fou ou tui puipui o le COVID-19 pe afai ua mae'a se fa'asologa muamua o tui o le COVID-19 ma ua uma ona faia se tui lata mai o le booster sa fautuaina mo oe e le CDC. . O tamaiti uma e 18 tausaga ma sili atu e tatau ona maua le fa'alua o tui puipui fa'afouina e fa’amalosia ai tui muamua i le lua masina talu ona mae'a le ulua'i fa'asologa o tui puipui poo tui e fa’amalosia ai tui muamua. O tuipuipui o le Pfizer ma le Moderna o loo fautuaina ae le o le tuipuipui o le Johnson & Johnson.

    O tuipuipui o le COVID-19 o le Novavax:

    • e 2 tui e fai e va i le 21 aso mo i latou e 12 tausaga aga'i i luga
    • O tagata uma e ta'i 12 tausaga ma luga atu e tatau ona maua se tui fa'aleleia o se tui (bivalent) talafeagai i le lua masina talu ona maua se fa'asologa atoa o tui puipui po'o se tui fa'aola muamua.
    • E mafai fo'i e tagata ua ta'i 18 tausaga ma sili atu ona filifili e maua se tui fa'aola ole tui Novavax pe a le mafai, pe le mana'o e maua se tui fa'aola ole tui mRNA ua suia.

    O lenei tuipuipui ua faamaonia mo faalavelave faafuasei mo tagata taitoatasi e 12 tausaga ma matutua atu. E fou ou tui puipui o le COVID-19 pe afai ua mae'a se fa'asologa muamua o tui o le COVID-19 ma ua uma ona faia se tui lata mai o le booster sa fautuaina mo oe e le CDC. O suesuega faafomai ua iloa mai ai e leai ni tulaga matuiā o aliali mai ai.

    Afai e tuai ona fai lo'u tui lona lua, e manaomia ona ou toe amataina le faagasologa o le faiga o tui puipui?

    Leai. Afai e tuai ona fai lou tui lona lua, e lē manaomia ona e toe amataina le faagasologa o le faiga o tui puipui.

    Fai vave le tui lona lua pe a maea loa aso ua fautuaina e tatau ona va ai ma lou tui muamua.

    E taua le faia o tui uma e lua tusa pe o le a le umi e va ai ma le taimi e fai ai lou tui lona lua.

    Afai e vaivai le puipuiga faalenatura o lou tino ma o e agavaa mo se tui faaopoopo, e tatau ona e faatali mo ni aso e 28 pe sili atu talu ona maea ona fai lou tui lona lua.

    E mafai ona fai lo'u tui puipui mo le KOVITI-19 pe afai o lea ou te ma'itaga, pe o le tau foafoa se pepe?

    Ioe, o loo atagia mai i faamaumauga e saogalemu le faia o tui puipui mo le KOVITI-19 i le vaitaimi o le ma'itaga. O loo fautuaina mai e le Centers for Disease Control and Prevention (CDC, Ofisa Tutotonu mo le Vaaiga o le Pepesi o Faamai ma le Puipuia mai Faamai) (Na o le Gagana Peretania), American College of Obstetricians and Gynecologists (ACOG, Kolisi Amerika o Fomai Failele ma Fomai o Gasegase tau Tamaitai), Society for Maternal-Fetal Medicine (SMFM, Sosaiete mo Fofō tau Tamaitai Maitaga ma le Pepe a o Lei Fanau Mai) (na o le Gagana Peretania) le tui puipui mo le KOVITI-19 mo tagata o loo ma'itaga, o loo faasusu pepe, pe o loo tau foafoa se pepe. Ua faaalia mai e nisi suesuega afai ua fai ou tui puipui, e ono mauaina foi e lau pepe polōtini e tete'e atu ai i siama ma vairusi e puipuia ai mai le KOVITI-19 e ala mai i le vaitaimi a o ma'itaga ma faasusuina o ia. O tagata ma'itaga e lei faia tui puipui ae maua i le KOVITI-19 o loo maualuga ai le lamatiaga o le aafia ai i faaletonuga matuia e pei o le fanau ae lei oo i le taimi e tatau ona fanau ai pe fanau mai le pepe ua maliu. I se faaopoopoga, o tagata e maua i le KOVITI-19 a o ma'itaga e faateleina i le lua i le tolu taimi le lamatiaga e ono iu ai ona manaomia masini tau faaolaola ma le faaaogaina o se fagaau ina ia mafai ai ona mānava.

    Mo nisi punaoa e uiga i le faia o tui puipui mo le KOVITI-19 a o maitaga pe faasusu se pepe, faamolemole vaai i faamatalaga e masani ona faafouina i le upega tafailagi o le Tasi le Tui, Lua Ola.

      E mafai ona fai lo'u tui puipui mo le KOVITI-19 i le taimi a o faatinoina o'u tui puipui masani?

      Ioe. Na suia fautuaga a le Advisory Committee on Immunization Practices (ACIP, Komiti Faufautua mo le Faatinoga o Tui Puipui) ia Me 12, 2021. O lea ua mafai ona fai lou tui puipui mo le KOVITI-19 faatasi ma isi ou tui puipui i le taimi e tasi.

      E lē manaomia ona e faatulaga eseina le taimi e fai ai tui puipui e tatau ona fai mo le aoga (na o le Gagana Peretania) po o isi tui puipui fautuaina mo se tasi o lau fanau ia ese mai le taimi e fai ai tui puipui mo le KOVITI-19. O se taimi ua faatulagaina e fai ai le tui puipui mo le KOVITI-19 o se isi avanoa lea e fai uma ai loa tui puipui fautuaina mo se tasi o lau fanau.

      O le a le mea e tau o le pepa o faamaumauga o tui puipui?

      E tatau ona e mauaina se pepa tui puipui i le taimi e fai ai lou tui puipui muamua mo le KOVITI-19. O le a tau atu e lenei pepa le ituaiga vailaau tui na e mauaina (Comirnaty/Pfizer-BioNTech, Moderna, po o le Johnson & Johnson) ma le aso na e mauaina ai.

      Afai na e mauaina le vailaau tui o le Comirnaty/Pfizer-BioNTech po o le Moderna, e tatau ona faamautu e lau fai auaunaga lou taimi faatulagaina mo le faia o lou tui lona lua a o e iai iina mo lou tui muamua. Ia e tauaaoina lenei pepa i taimi uma ina ia mafai ona faamaea ona faatumuina e lou fai auaunaga tau tui puipui pe a maea ona fai lou tui lona lua.

      Afai e te mauaina se tui faaopoopo poo se tui puipui faaopopop e uunaia ai le malosi o lau malupuipuiga, e tatau foi ona e tauaaoina lou pepa o faamaumauga o tui puipui i le taimi faatulagaina mo lou tui. E faatumuina e lou fai auaunaga tau tui puipui lenei tuiga.

      O ni nai fesoasoani aoga nei mo oe e uiga i le faaaogaina o lau pepa tui puipui:

      • Ia iai ia te oe lau pepa tui puipui i le vaitaimi a o va le faiga o ou tui ma pe a maea foi.
      • Ia pue ni ata o le pito i luma ma le pito i tua o lau pepa ina ia iai se kopi faaeletoroni nei tei ua manaomia.
      • Mafaufau e imeli ia te oe lava ia, fausia se tusi o ata, pe fai se faailoga i le ata ina ia mafai ai ona faigofie ona e toe mauaina.
      • Ia faaaoga se ata kopi pe a e manao e feaveai ma oe.

      E mafai pea ona fai lou tui lona lua tusa pe e te lei tauaaoina atu lau pepa tui puipui i lau taimi faatulagaina. Talosaga i lau auaunaga e sue pe o le a le ituaiga (igoa) vailaau tui na e mauaina mo lou tui muamua ia faamautinoa ai lou toe mauaina o le ituaiga na e tasi. A leiloa lau pepa tui puipui, saini ane i lau MyIR (My Immunization Registry (O Ou Faamaumauga Tau Tui Puipui)) (na o le Gagana Peretania) e sue ai au faamaumauga tau tui puipui mo le KOVITI-19, ona pue lea o se ata o faamatalaga o iai. Afai e leai sau resitala, e mafai ona e resitala mo le MyIR i soo se taimi.

      Faamolemole ia e manatua o le faamaoniga o au faamaumauga e ala mai i le MyIR e ono lē maua vave, ma ua na o le Gagana Peretania e mafai ona faaaogaina i le taimi nei. O loo avanoa le fesoasoani e maua i luga o le telefoni i le taimi lava e manaomia ai mo le taliina o fesili tau MyIRmobile pe tau faamaumauga o tui puipui i le viliina o le laina telefoni mo le KOVITI-19 a le Department of Health (Matagaluega o le Soifua Maloloina) i le 833-VAX-HELP pe faafesootai e ala i le imeli i le waiisrecords@doh.wa.gov.

      O le Saogalemu ma le Aogā

      Aisea e tatau ai ona ou faia le Tui Puipui mo le KOVITI-19?

      E moni o lou lava filifiliga le faia o le tui puipui mo le KOVITI-19, ae ua tatou manaomia le tele o tagata e mafai ona maua ia faia tui puipui ina ia faaumatia lenei faamai pepesi i le lalolagi. E faafaigata ona pepesi le vairasi o le KOVITI-19 pe a tele tagata i nuu ma afioaga ua malosi le puipuiga faalenatura o o latou tino – e ala i le faia o tui puipui po o le inifeti ai i le vairasi lata mai nei. O le maualuga lava o le tatou faitau numera o tagata ua faia tui puipui, o le maualalo foi na o le tatou faitau numera o tagata inifeti.

      E tele auala e mafai ona puipuia ai oe e vailaau tui mo le KOVITI-19:

      • E matuai faaitiitia e i latou le avanoa e te mai tigaina ai pe afai e maua oe i le KOVITI-19
      • O le atoatoa ai ona faia o ou tui puipui e faaitiitia ai le avanoa e te taofia ai i le falemai ma e faaitiitia ai le lamatiaga e te maliu ai mai le KOVITI-19
      • O le faia o tui puipui e faateleina ai le faitau numera o tagata i totonu o nuu ma afioaga ua malupuipuia, ma e faafaigata ai ona pepesi le faamai
      • O loo faaauau pea suesuega o tagata atamamai e faatatau i le agavaa o le vailaau tui e puipui ai tagata mai le faapepesi atu o le vairasi i isi tagata.

      A atoatoa loa ona faia uma ou tui puipui, e ono mafai lava ona e maua pea i le KOVITI-19, ae o lenei avanoa e matuai laitiiti atu nai lo o le tulaga pe ana fai e lei faia ni ou tui puipui.

      O tagata e lei faia ni tui puipui e mafai pea ona maua ai i le vairasi ma faapepesi atu i isi tagata. O isi tagata e lē mafai ona fai tui puipui ona o mafuaaga faafomai, ma o le a atili ai ona latou iai i se tulaga lamatia e ono maua ai i le KOVITI-19. Afai e lei faia ni ou tui puipui, o le a maualuga atu le tulaga lamatia e te ono taofia ai i le falemai pe maliu ai ona o se ituaiga liuga o le vairasi KOVITI-19 (na o le Gagana Peretania). O le faia o tui puipui e fesoasoani e puipui ai oe ma lou aiga, tuaoi, ma nuu ma afioaga.

      Aisea e tatau ai ona ou faia le tui puipui mo le KOVITI-19 pe afai o le tele o tagata e lē o aafia o latou soifua i le faamai?

      O le maliu e lē na o le pau lea o se lamatiaga mai le maua ai i le KOVITI-19. O le tele o tagata e maua i le KOVITI-19 e lē matuia auga e latou te faalogoina. Ae peitai, o le vairasi e matuai lē mautonu, ma ua matou iloa o isi ituaiga liuga o vairasi KOVITI-19 (na o le Gagana Peretania) e telē atu le avanoa e te mai tigaina pe a e maua iai. E mafai ona mai tigaina isi tagata pe maliu ai mai le KOVITI-19, e oo lava i tagata talavou e leai ni mai tumau. O isi, ua lauiloa o “tagata tauave KOVITI mo se taimi umi” e ono faalogoina ni auga mo ni masina se tele ma aafia ai le tulaga lelei o o latou olaga. Ona o se vairasi fou, e lei atoatoa le tatou malamalama i aafiaga tumau uma o le KOVITI-19. O le faia o tui puipui o le tatou puipuiga silisili lea mai le vairasi. Tusa pe o na e te talavou ma soifua maloloina, e tatau ona fai lou tui puipui mo le KOVITI-19.

      O le a le mea e tau o le ituaiga liuga o le vairasi KOVITI-19?

      O vairasi e liu (sui) a o pepesi mai le tasi tagata i le isi tagata. O le ‘ituaiga liuga o le vairasi' o le fuafuati o le vairasi ua liu. O isi ituaiga liuga o vairasi e mou atu pe a pasi se taimi umi ma o isi e faaauau pea ona pepesi i nuu ma afioaga.

      Ua faailoa mai e le Centers for Disease Control and Prevention (CDC) (Na o le Gagana Peretania) ituaiga liuga o vairasi ua fai ma popolega. I le taimi nei, ua fai ma le popolega le tele o ituaiga liuga o vairasi ona e televave toe faigofie atu ona latou pepesi, ma iu ai i le tele atu o tagata inifeti mai le KOVITI-19.

      E aoga le tui puipui mo le KOVITI-19 e puipui ai mai fuafuati o ituaiga liuga o vairasi?

      O tui COVID-19 o loʻo ofoina atu nei i le Iunaite Setete e aoga tele i le puipuia o tulaga ogaoga o faʻamaʻi, falemaʻi ma maliu, e oʻo lava i suiga. Peitaʻi, o loʻo vaʻaia e le au atamamai o le soifua maloloina lautele le faʻaitiitia o le puipuiga mai faʻamaʻi ma feololo COVID-19, aemaise lava i latou e maualuga le lamatiaga.

      Na faia ni tui fa'aopoopo fa'apitoa e fa'amalosia ai le puipuiga ma maua ai se puipuiga sili atu mai le suiga ole omicron. E taua le mauaina uma o tui fautuaina ina ia manuia mai puipuiga sili.

      O le faia o tui puipui o le auala silisili lea e mafai ai ona puipui oe, puipui ou aiga ma uo mamae, ma lou nuu ma afioaga. O le maualuga o le faitau numera o tagata e faia tui puipui o le a faaitiitia ai le pepesi o le vairasi ma fesoasoani ai e taofi le aliae mai o ituaiga liuga o vairasi fou.

      E faafefea ona tatou iloa e saogalemu vailaau tui?

      Ina ia mautinoa e saogalemu tui puipui mo le KOVITI-19, ua faalauteleina ma faamalosiina e le Centers for Disease Control and Prevention (CDC, Ofisa Tutotonu mo le Puipuiga mai Faamai Pepesi) le agavaa o le atunuu e mataituina le saogalemu o tui puipui. O lea la ua mafai ai e tagata e popoto i mataupu e faatatau i le saogalemu o tui puipui ona mataituina ma iloa ni faafitauli sa ono le vaaia i taimi o suesuega faafomai mo tui puipui mo le KOVITI-19.

      O le ā le mea o tulai mai i le tuipuipui o le Johnson & Johnson?

      Talu mai Tesema 2021, o le Washington State Department of Health (DOH, Matagaluega o Soifua Maloloina a le Setete o Uasigitone) o loo fautuaina oe ina ia filifili ia fai se tuipuipui o le COVID-19 o le mRNA (Pfizer-BioNTech po o le Moderna) ae le o le tuipuipui e faatasi ona fai o le Johnson & Johnson (J&J).

      O lenei tala fou e mulimulitai i taiala mai le Centers for Disease Control and Prevention (Ofisa Tutotonu Faatonu ma le Foia o Faamai) ina ua mae’a faamaumauga o tulaga e lua o mea na lḕ mafaufauina e tulai mai ina ua mae’a tuipuipui o le J&J.

      O nei tulaga sa faatatau na o tui Covid-19 puipui o le J&J, ae le o le Pfizer po o tuipuipui o le Moderna. Mo tagata o loo saili tuipuipui o le COVID-19 i le taimi nei, DOH e fautua atu le Matagaluega o Soifua Maloloina le Moderna ama tuipuipui o le Pfizer. Ae ui i lea, o le tuipuipui o le J&J o loo maua pea pe afai ua le mafai ona e mauaina pe naunau e fai se isi o nei tuipuipui. Faamolemole faafesootai se tausi soifua maloloina e talanoa iai e uiga i au filifiliga.

      Afai sa e faia le tuipuipui o le COVID-19 o le J&J i totonu o le tolu vaiaso talu ai pe fuafua e fai le tuipuipui o COVID-19 o le J&J , ia e iloa faailo o lapataiga of se ituaiga o poloka o le toto e mafua mai le TTS. O lea e aofia ai le tiga tele o le ulu, tiga le manava, tiga vae, ma/po ua lḕ tau le mānava. Afai e te faalogoina se mea e tasi o auga nei, famolemole ia siaki vave i se fomai.

      E masani lava ona iai auga laiti e oo i le feoloolo, e aofia ai le fiva, tiga le ulu, vaivai tino ma tiga sooga o iva/musele, i le vaiaso muamua ina ua mae’a le faiga o le tuipuipui o le COVID-19. O mea nei e tulai mai e masani ona amata i totonu o le tolu aso ina ua uma ona fai le tuipuipui ma e tatau ona na o ni nai aso le umi.

      O le a le uiga pe a faamaonia e le FDA se vailaau tui?

      Mo le faamaoniga atoatoa, e iloilo e le FDA faamaumauga i le faagasologa o se taimi e umi atu nai lo o le taimi e alu mo se faatagana mo le faaaogaina i taimi o faalavelave tutupu faafuasei. Ina ia maua e se vailaau tui le faamaoniga atoatoa, e ao ona atagia mai i faamaumauga se tulaga maualuga o le saogalemu, aoga, ma le pulea lelei o gaosiga o vailaau tui.

      O le emergency use authorization (EUA) e mafai ai e le FDA ona sauni e faaavanoa se oloa i se taimi ua poloai ai se tulaga o faalavelave tutupu faafuasei e ui e lei mauaina e lena oloa se laisene atoatoa. O le faamoemoega o le EUA ina ia faamautinoa ai le maua e tagata o vailaau tui faasaoola e ui e lei faia se iloiloga o faamaumauga ma sailiiliga i le faagasologa o se taimi umi. Ae peitai, o loo manaomia pea e le EUA ia matuai iloga ona iloilo maeaea faamaumauga faafomai—ae pau lava le mea e ese o le puupuu atu o le taimi e fai ai. O soo se EUA e faia e le FDA e toe iloiloina mulimuli ane e le Scientific Safety Review Workgroup (Vaega Galue mo le Iloiloina o le Saogalemu Faasaienisi), i le avea ai o se vaega o le Western States Pact (Feagaiga o Setete i Sisifo) (na o le Gagana Peretania).

      O le a le mea e tau o le Western States Pact?

      O lenei vaega galulue e saunia ai se isi vaega o iloiloga a tagata atamamai e faatatau i le saogalemū o vailaau mo tui puipui. O le laulauafono e aofia ai tagata atamamai sa tofia e setete auai uma, fa'atasi ma saienisi ua iloga i le atunuu o loo iai le tomai i fa'atinoga o tui puipui ma le soifua maloloina lautele. Mo le galulue fa'atasi ai i le tuufa'atasia ma le felagolagoma'i ma setete i sisifo ina ua fa'ailoa mai le avea ai o le COVID-19 ma se fa'alavelave fa'afuase'i o le soifua maloloina, sa iloiloina e lenei laulauafono fa'amatalaga uma o loo mafai ona maua mai le malō i le taimi lava lea fa'atasi ai ma iloiloga a le feterale mo le fa tui puipui o loo iai i le taimi nei i le setete o Uosigitone. A'o matou aga'i atu ai i se vaega fou o mea toe fa'aleleia o le fa'ama'i, ua taofia le Western States Pact (Feagaiga a Setete i Sisifo), ma o tui puipui uma e fa'aaogaina fa'atagana mai i setete i sisifo o le a filifilia e le Food and Drug Administration (FDA, Pulega o Taumafa ma Vailaau mo Togafitiga) ma o fautuaga o tui o le a sau mai le Centers for Disease Control and Prevention (CDC, Nofoaga 'Autū o le Puleaina ma Puipuiga o Fa'ama'i).

      Faitau i iuga o sailiiliga a le Western States Scientific Safety Review Workgroup:

      O le a faapefea ona galue le vailaau tui mo le KOVITI-19 i totonu o lo'u tino?

      Matamata i le ata pue lenei e faatatau pe faapefea ona galue vailaau tui i totonu o lou tino (na o le Gagana Peretania).

      Vailaau tui mRNA (Vailaau tui mo le KOVITI-19 o le Pfizer ma le Moderna)

      O le lua o vailaau tui lea o faaaogaina i le taimi nei e ta'ua o vailaau tui messenger RNA (mRNA).

      E aoao e vailaau tui mRNA sela o lou tino e gaosia se fasi polotini maamaai o le koronavairasi e te lē afaina ai. E vaai le puipuiga faalenatura o lou tino e lē tatau ona iai lenei polotini i totonu o lou tino, ona amata ai lea ona gaosia e lou tino antibodies (polotini e tetee atu i faamai pepesi). O le a manatua e nei antibodies pe faapefea ona foia le KOVITI-19 pe a e inifeti i le lumanai. A fai ou tui puipui, o loo e faatupulaia le malosi o le puipuiga faalenatura o lou tino e feagai ai ma le KOVITI-19 e aunoa ma le mauaina muamua o le faamai. A maea loa ona fai lona galuega, e vave ona toe taape lava le mRNA ma e lē toe iai i totonu o le tino i le maea ai o ni nai aso.

      Vailaau tui e faaaogaina vairasi pepesi ese (O le vailaau tui mo le KOVITI-19 o le Johnson & Johnson)

      O se tasi o vailaau tui mo le KOVITI-19 e ta'ua o se vailaau tui e faaaogaina se vairasi pepesi ese.

      E faaaoga se tulaga vaivai o se vairasi (o se vairasi e ese mai le vairasi lea e tupuga mai ai le KOVITI-19) e gaosia ai vailaau tui e faaaogaina vairasi ese. E aoao e nei vailaau tui sela o lou tino e gaosia se fasi polotini maamaai o le koronavairasi e te lē afaina ai. E vaai le puipuiga faalenatura o lou tino e lē tatau ona iai lenei polotini i totonu o lou tino, ona amata ai lea ona gaosia antibodies (polotini e tetee atu i faamai pepesi). E aoaoina ai lou tino i auala e mafai ona puipuia ai oe mai le inifeti ai i le KOVITI-19 i le lumanai, e aunoa ma lou mai muamua ai.

      O le vailaau tui e faaaogaina vairasi eseese lea e iai i le taimi nei e na o le tasi le tuiga e manaomia ona fai. E masani a ona manaomia le faagasolo o se lua vaiaso mai le maea ai ona fai o le tui faatoa maua ai le malupuipuiga silisili.

      Vaega ninii o polotini mo vailaau o tui puipui (Tui o le Novavax COVID-19)

      O le tasi o tui puipui o le COVID-19 ua fa'amaoniaina e le Food and Drug Administration (FDA, Pulega o Taumafa ma Vailaau o Togafitiga) o se tui ua fausia mai i vaega ninii o polotini. O vailaau e faia mai i vaega ninii o polotini e iai vairasi itiiti (polotini) lea e afua ai le COVID-19 (sa faia e aunoa ma le fa'aaogaina o se vairasi ola) ma se mea fa'aopoopo ua fa'amoemoe e fesoasoani i le galue lelei o tui puipui i le tino. E iloa loa e lou puipuiga fa'alenatua tali atu i polotini maamaai, o le a mafai ai ona tali vave atu i vairasi sa'o ma puipuia ai oe mai le COVID-19. O vaega ninii o le tui e le mafai ona afua ai se aafiaga i le vairasi lea e afua ai le COVID-19 ma e le aafia ai foi o tatou DNA.

      O vaega ninii o le tui o le vairasi o se tui e fai fa'alua. O le masani pe a ma le lua vaiaso pe a mae'a le tui lona lua ina ia matuā malupuipuia.

      O isi taimi e mafai ona aliae mai ni auga o le fiva lē matuia po o le fulu ina ua maea ona faia le tui puipui, ae o nei auga e te lē afaina ai.

      Mo nisi faamatalaga, tagai i nei punaoa: Ata Faafaavaa o Tuipuipui o le COVID-19 ma le Tuipuipui COVID-19: Iloa Tulaga Nei.

      A lava loa le faitau numera o tagata i totonu o nuu ma afioaga e mafai ona foia le koronavairasi, e leai loa se mea e mafai ona alu iai. O le uiga la o lenei mea e mafai ona tatou taofia vave le pepesi ma faalatalata atili atu ina faaumatia lenei faamai pepesi i le lalolagi.

      E faapefea ona gaosia vailaau tui mo le KOVITI-19?

      E faamatala atu e lenei ata pue puupuu (na o le Gagana Peretania) pe faapefea ona gaosia vailaau tui mo le KOVITI (Na o le Gagana Peretania).

      O le a le mea e tau o le vailaau tui mRNA?

      O se vailaau tui messenger RNA po o le mRNA o se ituaiga vailaau tui fou. E aoao e vailaau tui mRNA sela o lou tino e gaosia se fasi “polotini maamaai” o le koronavairasi e te lē afaina ai. O le polotini maamaai o le mea e te vaaia i le tino i fafo o le koronavairasi. E vaai le puipuiga faalenatura o lou tino e lē tatau ona iai lenei polotini i totonu o lou tino, ona amata ai lea ona faatupulaia se tali a le puipuiga faalenatura o lou tino ma gaosia ai antibodies (polotini e tetee atu i faamai pepesi). E tutusa lea ma le mea e tupu pe a tatou inifeti i le KOVITI-19 i ala “faalenatura”. A maea loa ona fai lona galuega, e vave ona toe taape lava le mRNA ma e lē toe iai i totonu o le tino i le maea ai o ni nai aso.

      E ua ina sa tatou faaaogaina le mRNA tuanai i isi ituaiga tausiga faafomai faapea foi mo manu, o le gaosia o vailaau tui i le faaaogaina o lenei metotia o se laasaga telē i luma faasaienisi ma atonu o le a mafai ai loa ona faigofie atili le gaosia o vailaau tui i le lumanai.

      E mafai ona e faitau atili e uiga pe faapefea ona galue vailaau tui mRNA i luga o le upega tafailagi a le Centers for Disease Control and Prevention (CDC, Ofisa Tutotonu mo le Vaaiga o le Pepesi o Faamai ma le Puipuia mai Faamai) (Na o le Gagana Peretania).

      O le a le mea e tau o le vailaau tui e faaaogaina vairasi pepesi ese?

      E faaaoga e lenei ituaiga vailaau tui se tulaga vaivai o se vairasi ese (o le “vairasi ese”) e faatonutonuina ai sela o lou tino. E ulafaleina e le vairasi ese se sela o lou tino ma faaaoga meafaigaluega o le sela e gaosia ai se fasi polotini maamaai o le koronavairasi e te lē afaina ai. E faaalia e le sela o lou tino le polotino maamaai i lona tino i fafo, ma vaai ai loa le puipuiga faalenatura o lou tino e lē tatau ona iai lenei polotini i totonu o lou tino. E amata ai loa ona gaosia e le puipuiga faalenatura o lou tino antibodies (polotini e tetee atu i faamai pepesi) ma faaolaina isi sela o le puipuiga faalenatura o lou tino e foia ai le mea ua ia manatu o se aafiaga inifeti. E aoaoina ai lou tino i auala e mafai ona puipuia ai oe mai le inifeti ai i le KOVITI-19 i le lumanai, e aunoa ma lou mai muamua ai.

      O le a lea mea e ta'ua o vaega ninii o polotini mo vailaau o tui puipui?

      O le tasi o tui puipui o le COVID-19 ua fa'amaoniaina e le Food and Drug Administration (FDA, Pulega o Taumafa ma Vailaau o Togafitiga) o se tui ua fausia mai i vaega ninii o polotini. O vailaau e faia mai i vaega ninii o polotini e iai vairasi itiiti (polotini) lea e afua ai le COVID-19 (sa faia e aunoa ma le fa'aaogaina o se vairasi ola) ma se mea fa'aopoopo ua fa'amoemoe e fesoasoani i le galue lelei o tui puipui i le tino. E iloa loa e lou puipuiga fa'alenatua tali atu i polotini maamaai, o le a mafai ai ona tali vave atu i vairasi sa'o ma puipuia ai oe mai le COVID-19. O vaega ninii o le tui e le mafai ona afua ai se aafiaga i le vairasi lea e afua ai le COVID-19 ma e le aafia ai foi o tatou DNA.

      O le a le mea e ta'ua o le vailaau e fesoasoani i tui ina ia aogā lelei?

      O le vailaau e fesoasoani i tui ina ia aogā lelei i totonu o le Novavax o le mea fa'aopoopo lea e fa'amoemoe e fesoasoani e fa'amalosia le tali atu a le puipuiga fa'ale-natura o le tino.

      O a elemeni o i totonu o vailaau tui?

      O elemeni i totonu o vailaau tui mo le KOVITI-19 o elemeni masani a mo vailaau tui. E iai i totonu le elemeni autu o le mRNA po o le adenovirus (o le vairasi e faatupulaia faamai taatele) ua fetuunaia faatasi ai ma isi elemeni e pei o ga'o, masima, ma suka o loo puipuia le elemeni autu, ma fesoasoani ia galue lelei atili i totonu o le tino, ma puipuia le vailaau tui a o teu ma felauai solo.

      O le tui o le Novavax COVID-19 o se vailaau fausiaina i se vaega itiiti o le polotini lea e iai mea fa'aopoopo, fa'atasi ai ma ga'o ma suka e fesoasoani i le tui ina ia aogā lelei i le tino. O lenei vailaau e le fa'aaogaina ai le mRNA.

      O vailaau tui o le Pfizer, Moderna, Novavax ma le Johnson and Johnson e lē iai i totonu ni sela faaletagata (e aofia ai ma sela o alualutoto), le vairasi o le KOVITI-19, latex (pa'u memei), preservatives (mea faasao), po o soo se oloa manu tatiai e aofia ai oloa puaa po o le gelatin (le polotini e maua pe a umi ona saka pa'u, sooga tino, uaua, ma ponaiva o povi ma puaa i le vai). E lē gaosia vailaau tui i totonu o fuamoa ma e lē iai i totonu o vailaau tui soo se oloa fuamoa.

      Tagai i lenei Fesili&Tali; itulau mai le upega tafailagi a le Falemai mo Tamaiti i Philadelphia (o le upega tafailagi nei ua na o le Gagana Peretania e maua ai) mo nisi faamatalaga e uiga i elemeni o i totonu o vailaau tui. E mafai foi ona e mauaina le lisi atoa o elemeni i pepa o mea moni a le Pfizer (na o le Gagana Peretania), Moderna (na o le Gagana Peretania), Novavax (na o le Gagana Peretania), ma le Johnson & Johnson (na o le Gagana Peretania).

      E iai i totonu o le vailaau tui o le Johnson & Johnson ni atilo o alualutoto?

      Na gaosia le vailaau tui mo le KOVITI-19 o le Johnson & Johnson e faaaoga ai le tekinolosi lava e tasi na faaaogaina mo le tele o isi vailaau tui. E lē iai i totonu o lenei vailaau tui se vaega tino o se alualutoto po o ni sela alualutoto. O se tasi vaega o le vailaau tui e gaosia i totonu o kopi na fausia i totonu o fale suesue o sela mai faapauuga filifilia o pepe sa faatino i le ova ma le 35 tausaga talu ai. Talu mai la, o loo tausia lelei pea laina sela mo nei vailaau tui i totonu o le fale suesue ma e leai nisi mea o tupuna mai ai sela alualutoto o faaaogaina e gaosia ai nei vailaau tui. E ono fou i le faalogo o nisi tagata nei faamatalaga. Ae peitai, o le auala lea e tasi o loo gaosia ai vailaau tui mo le tanesusu, rubella (misela Siamani), ma le hepatitis A (vairasi e inifeti ai totoga).

      E afua mai i le vailaau tui mo le KOVITI-19 le lē mafai ai ona foafoaina se pepe?

      E leai ni faamaoniga faasaienisi e faapea ua afua mai i vailaau tui le lē mafai ona po o le lē aoga i le foafoaina o se pepe. I le taimi e ulufaleina ai e le vailaau tui lou tino, e galulue faatasi ma le puipuiga faalenatura o lou tino e gaosia antibodies (polotini e tetee atu i faamai pepesi) e foia ai le koronavairasi. E lē aafia ou totoga mo le foafoaina o se pepe i lenei faagasologa.

      O le Centers for Disease Control and Prevention (CDC) (Na o le Gagana Peretania), American College of Obstetricians and Gynecologists (ACOG) (Gagana Peretania), ma le Society for Maternal-Fetal Medicine (SMFM) (Gagana Peretania) o loo fautuaina le vailaau tui mo KOVITI-19 mo tagata o loo ma'itaga, o loo faasusu pepe, pe o loo tau foafoa se pepe. E tele tagata na fai o latou tui puipui e puipui ai mai le KOVITI-19 ua maea ane ma'itaga pe ua fanaua ni pepe soifua maloloina.

      E leai ni faamaoniga i lenei taimi e atagia mai ai a mea e afua mai vailaau tui, e aofia ai ma vailaau tui mo le KOVITI-19, ni faafitauli i tane e ono lē mafai ai ona tau foafoaina se pepe. O se suesuega puupuu na faatino lata mai nei e faaaoga ai ni tane soifua maloloina e to'a 45 (na o le Gagana Peretania) na mauaina se vailaau tui mRNA mo le KOVITI-19 (o le Pfizer-BioNTech po o le Moderna), na tagai i amioga o le sua ola o tane, e pei o le tele ma po o a gaioiga, a o lei faia le tui puipui ma ina ua maea ona faia le tui puipui. E lei atagia mai i suesuega o tagata suesue ni suiga e ono amanaia e uiga i le amioga o le sua ola o tane ina ua maea ona faia le tui puipui.

      O le fiva e afua mai faamai ua iloga ona faafesootai ma le faaitiitia ai mo se taimi puupuu o le gaosia o sua ola o tane i tane soifua maloloina. E ui o le fiva atonu e avea na o se auga lē tumau o le tui puipui mo le KOVITI-19, e lē o iai ni faamaoniga i le taimi nei ua faapea mai o le fiva ina ua maea ona fai le tui puipui mo le KOVITI-19 e aafia ai le gaosia o sua ola o tane.

      Tagai i le CDC Faamatalaga o Tui Puipui mo le KOVITI-19 mo tagata o loo mananao e foafoa se pepe (Na o le Gagana Peretania) (o le upega tafailagi nei ua na o le Gagana Peretania e maua ai) mo nisi faamatalaga. E mafai foi ona e tagai i le itulau o le upega tafailagi a le CDC e uiga i Tui Puipui mo le KOVITI-19 (Na o le Gagana Peretania) (o le upega tafailagi nei ua na o le Gagana Peretania e maua ai) mo mea moni e faatatau i vailaau tui.

      O a ituaiga auga e masani ona aliae ina ua maea ona faia le tui puipui?

      E pei o isi tui puipui masani, o auga taatele e masani ona aliae o le tiga o le ogalima, faapalupe, tiga le ulu, ma tiga maso o le tino.

      O nei auga o ni faailoga vaaia o loo galue le vailaau tui. I suesuega o le Pfizer ma le Moderna, na tele ona aliae nei aafiaga i totonu o le lua aso talu ona maea ona faia le tui puipui, ma lagonaina mo se aso e tasi. Sa tele ona aliae aafiaga ina ua maea le tui lona lua nai lo o le taimi na fai ai le tui muamua. I suesuega faafomai o le Johnson & Johnson, na tele ona lagonaina ni aafiaga mo le tasi i le lua aso.

      Mo tui puipui uma e tolu, e seasea lipotiina mai e tagata ua ova ma le 55 tausaga le matutua le lagonaina o ni aafiaga e lē pei o tagata e talavou atu.

      E te ono vaaia ni tala feaveai e uiga i aafiaga pepelo i luga o upega tafailagi pe i luga o fesootaiga i luga o upega tafailagi. I soo se taimi e te vaaia ai se mau e uiga i se aafiaga, ia faamautinoa lou siakiina po o fea e tupuna mai ai lena mau.

      O le a le mea e tupu pe a ou mai ina ua maea ona fai lo'u tui puipui mo le KOVITI-19?

      E pei o isi tui puipui masani, o le tui puipui mo le KOVITI-19 e tele ona aliae aafiaga masani, e pei o le tiga o le ogalima, fiva, tiga le ulu, po o le faapalupe ina ua maea ona faia le tui puipui. O ni faailoga vaaia nei o loo galue le vailaau tui. Aoao atili e uiga i aafiaga e mafai ona maua ina ua uma ona fai se tui puipui mo le KOVITI-19.

      Afai e te mai ina ua maea ona faia lou tui puipui, e tatau ona e lipotiina ni aafiaga lē manuia i le Vaccine Adverse Event Reporting System (VAERS, Polokalame mo le Lipotiina o Aafiaga Lē Manuia mai le Tui Puipui) (Na o le Gagana Peretania). O se “aafiaga lē manuia” o soo se faafitauli faasoifua maloloina po o se aafiaga e tupu ina ua maea ona faia le tui puipui. Mo nisi faamatalaga e uiga i le VAERS, tagai i le “O le a le mea e tau o le VAERS?” o loo i lalo

      O le a le mea e tau o le VAERS?

      O le VAERS o se polokalame mo le faiga o lapatiaga vave o loo taitaia e le Centers for Disease Control and Prevention (CDC, Ofisa Tutotonu mo le Vaaiga o le Pepesi o Faamai ma le Puipuia mai Faamai) ma le Food and Drug Administration (FDA, Ofisa mo le Vaaiga o Meataumafa ma Fualaau). E mafai ona mauaina e le VAERS ni faafitauli e ono fesootai i le tui puipui.

      O soo se isi lava (auaunaga tausi soifua maloloina, tagata mai, tausi) e mafai ona lipotiina ni aafiaga lē manuia e ono aliae mai i le VAERS (na o le Gagana Peretania).

      E iai vaivaiga o lenei polokalame. O le iai o se lipoti VAERS e lē faapea o lona uiga o le tui puipui na afua ai le aafiaga po o le iuga. E pau lava lona uiga, na tupu muamua le faia o le tui puipui.

      Na faatuina le VAERS ina ia fesoasoani i saienitisi e mataulia faasologa masani po o mafuaaga e tatau ai ona latou suesueina se faafitauli e ono tupu mai. E lē o se lisi o iuga faamaonia mai le faia o tui puipui.

      A fai sau lipoti i le VAERS, ua e fesoasoani i le Centers for Disease Control and Prevention (CDC, Ofisa Tutotonu mo le Vaaiga o le Pepesi o Faamai ma le Puipuia mai Faamai) ma le Food and Drug Administration (FDA, Ofisa mo le Vaaiga o Meataumafa ma Fualaau) e mataulia popolega faasoifua maloloina e ono aliae ma faamautinoa o loo saogalemu tui puipui. A tutupu ni faafitauli, o le a latou galulue ma faailoa i auaunaga tausi soifua maloloina e uiga i ni faafitauli e ono tutupu mai.

      E mafai ona fai lo'u tui puipui mo le KOVITI-19 pe afai sa ou maua muamua i le KOVITI-19?

      Ioe, o loo fautuaina mai e le Advisory Committee on Immunization Practices (ACIP, Komiti Faufautua mo le Faatinoga o Tui Puipui) le faia o tui puipui o tagata sa maua muamua i le KOVITI-19.

      O loo atagia mai i faamaumauga e lē masani ai ona mafai ona e toe inifeti i se aafiaga mai le KOVITI-19 i totonu o le 90 aso ina ua maea ona e inifeti muamua, atonu la ua ono e mauaina se puipuiga (e ta'ua o le puipuiga faalenatura o le tino mai faamai pepesi). Ae peitai, tatou te lē o mautinoa po o le a le umi e aoga ai lenei puipuiga faalenatura o le tino mai faamai pepesi.

      O tagata o loo maua i le KOVITI-19 i le taimi nei e tatau ona faatali sei toe malosi ma sei uma le vaitaimi o le latou faanofoesea faatoa fai ai loa tui puipui.

      O tagata sa iai i nofoaga lata mai nei o loo pepesi ai le KOVITI-19 e tatau foi ona faatali sei uma le latou vaitaimi o le nonofo vaavaaia, pe afai e mafai ona latou nonofo vaavaaia saogalemu ese mai i isi tagata, faatoa fai ai loa tui puipui. Afai e maualuga le avanoa e ono mafai ai ona latou inifeti atu isi tagata, e mafai ona faia o latou tui puipui i totonu o le vaitaimi a o nonofo vaavaaia ina ia puipuia ai le latou faapepesi atu o le faamai.

      Faamolemole vaai i le matou itulau mo le Faanofoesea ma le Nofo Vaavaaia mo le KOVITI-19 mo taiala mo le faanofoesea ma le nofo vaavaaia.

      E mafai ona fai lo'u tui puipui mo le KOVITI-19 pe afai na oso so'u mai pata i se tui puipui talu ai?

      E lē tatau ona fai tui puipui o tagata o loo iloga sa latou aafia ai i se aafiaga mai oso po o le mai pata tuga, e pei o le anaphylaxis, i se tui muamua o se vailaau tui mRNA po o se vailaau tui e faaaogaina se vairasi pepesi ese, pe i soo se elemeni o loo i totonu o vailaau tui mo le KOVITI-19 o le Pfizer-BioNTech/Comirnaty (na o le Gagana Peretania), Moderna (na o le Gagana Peretania), Novavax (na o le Gagana Peretania), po o le Johnson & Johnson–Janssen (na o le Gagana Peretania).

      E ono mafai pea ona fai tui puipui o tagata sa aafia muamua i se aafiaga mai oso po o le mai pata tuga i isi tui puipui po o ala togafitiga e faaaogaina tui. Ae peitai, e tatau ona faatino e auaunaga se iloiloga o tulaga lamatia ma faufautua ia i latou e uiga i le lamatiaga o aafiaga e ono tutupu. Afai e filifili le tagata mai e fai le tui puipui, e tatau i le auaunaga ona vaavaaia i latou mo le 30 minute ina ia mataituina ai ni aafiaga tutupu vave.

      O loo fautuaina e le Advisory Committee on Immunization Practices (ACIP) le vaavaaia e auaunaga o isi tagata mai uma mo se 15 minute pe sili atu ina ua maea ona fai le tui puipui ina ia mataituina ai ni aafiaga mai oso po o le mai pata. Tagai i manatu faafomai mo na o le taimi lava nei mo vailaau tui mRNA (Gagana Peretania) mo nisi faamatalaga.

      Aiaiga mo le faia o Tui Puipui

      E faamalosia le faia o le Tui Puipui mo le KOVITI-19?

      O lou lava filifiliga le faia o le tui puipui mo le KOVITI-19, ae o isi fale faigaluega, kolisi, ma iunivesite ua faamalosia ai le faia.

      O loo faamalosia i Uosigitone i le taimi nei le faia o tui puipui mo le KOVITI-19 mo:

      O loo faamalosia le atoatoa ona fai o tui puipui mo le KOVITI-19 o nei tagata faigaluega (ia aua nei i lalo mai o le 2 vaiaso talu ona maea le faia uma o tui puipui e tatau ai) ae lei oo mai le Oketopa 18, 2021. O lenei aiaiga e aofia ai tagata konekarate, volenitia, ma soo se isi lava tofiga e galue i totonu o nei nofoaga.

      Afai o e iai i totonu o se tasi o nei vaega pe o loo faamalosia le faia o tui puipui mo le KOVITI-19 e lau fale faigaluega po o lau aoga, talanoa i le vaega mo le tausiga o tagata faigaluega i totonu o lau galuega, po o lau fale faigaluega, po o lau aoga ia e iloa ai po o a mea e tatau ona e faia. E lē aia le Matagaluega o le Soifua Maloloina i faiga faavae a le fale faigaluega po o le kolisi/iunivesite.

      O le a puipuia oe ma isi tagata outou te faatasi e le tui puipui mai le maua ai i le KOVITI-19, ma e matou te uunaia oe e talanoa i lau fomai po o le fale fomai e uiga i penefiti

      O a aiaiga o le tui puipui mo le KOVITI-19 mo tagata faigaluega K-12?

      I le Aokuso 18, 2021, na faasalalau ai e Kovana Inslee se poloaiga o loo faamalosia ai le atoatoa ona faia o tui puipui mo le KOVITI-19 o tagata faigaluega i aoga K-12 uma lautele ma tumaoti, pe ia taulimaina se tuusaunoa faalelotu pe faafomai ae lei oo mai le Oketopa 18, 2021.

      E aafia uma ai i lalo o lenei poloaiga tagata faigaluega i nofoaga faaleaoga (Na o le Gagana Peretania) (o le upega tafailagi nei ua na o le Gagana Peretania e maua ai), e aofia ai:

      • Tagata faigaluega ma tagata konekarate o loo faigaluega mo aoga tumaoti K-12, itumalo o aoga lautele K-12, aoga tutoatasi lautele, ma itumalo mo auaunaga faaleaoga (o lenei poloaiga e lē aafia ai aoga o loo faavae i luga o feagaiga i le va o le setete ma vaega o tagatanuu faapea foi tamaiti aoga),
      • Auaunaga mo le tausiga o tamaiti ma auaunaga aoga amata o loo tausia tamaiti mai aiga e toatele, ma
      • Tagata faigaluega i aoga maualuluga.

      Mo nisi faamatalaga, tagai i le Aiaiga mo le faia o tui puipui mo le KOVITI-19 e tagata faigaluega i aoga K-12: fesili e masani ona fesiligia (PDF) (Gagana Peretania) (Ofisa o le Pule Sili o Faatonuga Faalauaitele).

      E faafefea ona ou taulimaina se tuusaunoa mai aiaiga mo le faia o tui puipui?

      Afai ua faamalosia le faia o lou tui puipui mo le KOVITI-19 e lau fale faigaluega po o lau kolisi/iunivesite, pe ua faamalosia le faia o lou tui puipui ona o Kovana Jay Inslee ma lana poloaiga i le Aokuso 9 (Gagana Peretania) po o lana poloaiga i le Aokuso 18 (Gagana Peretania), e tatau ona e faafesootai lau fale faigaluega po o lau kolisi/iunivesite e iloa ai pe faapefea ona aoina faamaoniga o le faia o tui puipui, pe o iai se latou faiga faavae e mafai ai ona e filifili e aua le faia, ma po o a mea e manaomia ona e faia ia mafai ai ona aua ona faia. E lē aia le Matagaluega o le Soifua Maloloina i faiga faavae a le fale faigaluega po o le kolisi/iunivesite.

      E lē manaomia ona e taulimaina se pepa faatumu mo tuusaunoaga mai le Department of Health (DOH, Matagaluega o le Soifua Maloloina) mo le tui puipui mo le KOVITI-19. E leai ni pepa faatumu mo tuusaunoaga a le DOH mo le tui puipui mo le KOVITI-19. O le Certificate of Exemption (COE, Pepa Faamaonia o Tuusaunoaga) e mo na o matua/tausi o loo mananao e faatuusaunoa se tasi o a latou fanau mai le faia o tui puipui o loo faamalosia mo tamaiti i aoga K-12, aoga amata, po o nofoaga mo le tausiga o tamaiti. I le taimi nei, e lē o faamalosia i Uosigitone le faia e tamaiti o le tui puipui mo le KOVITI-19 ina ia mafai ai ona alu i le aoga po o i nofoaga mo le tausiga o tamaiti, ma o le mea na e lē o aofia ai lena tulaga i totonu o le COE.

      O Aoga ma Nofoaga mo le Tausiga o Tamaiti

      E mafai e tagata e i lalo mai o le 18 Tausaga le matutua ona faia le tui puipui?

      I le taimi nei, o tui puipui o le Pfizer-BioNTech (Pfizer) ma tui fa'amaketi o le Moderna COVID-19 ua fa'atagaina mo tamaiti e 6 masina le matutua ma sili atu. O le tui Novavax e avanoa mo tagata e 12 tausaga ma matutua atu i lalo o le Fa'atagaina o Fa'alavelave Fa'afuase'i (EUA).

      O tupulaga talavou e laitiiti ma le 17 tausaga le matutua e ono manaomia le maliega mai se matua po o se tausi (na o le Gagana Peretania) faatoa mafai ai ona fai le tui puipui, sei vagana ua faasaolotoina i latou i lalo o le tulafono. Asiasi ane le matou upega tafailagi o le Vaccinating Youth (Tuiga o Tui Puipui mo Tupulaga Talavou) mo nisi faamatalaga.

      Siaki i le fale fomai e fai ai tui puipui e uiga i o latou aiaiga e faatatau i le faaalia o se faamaoniga o le maliega a se matua po o le faasaolotoina i lalo o le tulafono.

      E faamalosia e le setete le faia o tui puipui mo le KOVITI-19 ina ia mafai ai ona ulafaleina tausaga aoga K-12?

      O le Washington State Board of Health (Komiti Faatino o le Soifua Maloloina a le Setete o Uosigitone), ae le o le Department of Health (Matagaluega o Soifua Maloloina) o loo iai le pule e tuufaatasia manaoga mo tui puipui o tamatiti o le aoga K-12 o loo i totonu o le Revised Code of Washigton (RCW, Tulafono Laiti Toe Iloiloina o Uosigitone) 28A.210.140. E leai se manaoga tau aoga poo le tausiga o tamaiti mo le tui puipui o le KOVITI-19 i lenei taimi.

      E mafai ona fai e se tasi o la'u fanau isi o latou tui puipui i le taimi a o faia o latou tui puipui mo le KOVITI-19?

      Ua mafai nei ona fai e tagata o latou tui puipui mo le KOVITI-19 i totonu o le 14 aso talu ona maea ona fai isi tui puipui, e aofia ai ma le faia i le aso lava e tasi.

      O le a iai ni fetuunaiga i aiaiga mo le faia o tui puipui mo le aoga mo le tausaga aoga 2022-2023 ona o le faamai pepesi i le lalolagi o le KOVITI-19?

      E fuafuaina e le Fono Faatonu o le Soifua Maloloina a le Setete pe tatau ona faia ni suiga i aiaiga mo le faia o tui puipui mo le aoga. I lenei taimi, o le a tumau pea aiaiga mo le faia o tui puipui mo le aoga. O le a manaomia ona mulimulitaia e tamaiti aiaiga mo le faia o tui puipui ina ia mafai ai ona auai i le aso muamua o le aoga.

      O le olaga ina ua maea ona faia le Tui Puipui

      O le a le uiga o le atoatoa ona faia tui puipui?

      O lo'o e maua fa'amatalaga i au tui COVID-19 pe afai na e mauaina se fa'asologa muamua o tui puipui ole COVID-19 ma maua le fa'aola fa'aola mulimuli na fautuaina e le CDC e fa'atatau i lou tulaga.

      O le a se mea e tatau ona ou fai ina ua atoatoa ona fai o'u tui puipui?

      A oo loa i le taimi ua atoatoa ai ona e tui puipuia, e tatau ona e:

      Afai ua atoatoa ona fai o'u tui puipui mo le KOVITI-19, e tatau pea ona ou faaeteete i isi auala?

      E tusa pe ua atoatoa ona e tui puipuia, e tatau pea ona:

      • Fai lou tui o le booster ina ia “atoa uma ai tui e tatau ona fai” ma maua ai le puipuiga silisili.
      • Tausi tulafono o le potu. E ono faamalosia pea e aai, itumalo, pisinisi, polokalame ma nofoaga eseese le faia o pupuni fofoga po o le faaalia o se faamaoniga ua uma ona fai tui puipui po o se siaki ua le faamaonia ai le maua i le faamai.
      • Fai siaki pe a faalogoina auga o le KOVITI-19.
      • Tuu le WA Notify i totonu o lau telefoni feaveai ina ia taulogologo ai oe pe afai sa e i ai i se nofoaga o loo pepesi ai le KOVITI-19 ma o le a taulogologoina faalilolilo isi tagata pe a faamaonia e se siaki ua e maua i le faamai. O le WA Notify o se polokalame tumaoti atoatoa, ma e na te le iloa ma e na te le tulituliloa foi po o ai oe ma po o fea o e fealuai ai.
      • Mo le puipuiga silisili, fai se pupuni fofoga e ofi lelei pe a e alu i nofoaga i totonu o fale o loo tumutumu ai tagata.
      • Mulimulitaia fautuaga mo faigamalaga a le Centers for Disease Control and Prevention (CDC, Ofisa Tutotonu mo le Puipuiga mai Faamai Pepesi).
      • Fai uma faatinoga tatau mo le puipuiga pe a ua e ono aafia i le KOVITI-19:
      E mafai ona ou faatasi ma se vaega toatele pe afai ua uma ona fai uma o matou tui puipui?

      O tagata ua atoatoa ona tui puipuia, ma ua uma ona fai o latou tui tatau o le booster, ua lelei lo latou puipuiga mai le KOVITI-19. E saogalemu atu le faia o tuufaatasiga a tagata ua atoatoa ona tui puipuia.

      Faamolemole ia manatua o nisi tagata e ono lagona le le mautonu e auai ai i tuufaatasiga – e oo lava i nofoaga o maualalo ai le tulaga lamatia. O isi e ono le mananao e fusi atu pe lulu lima i le taimi nei. E le o se mea leaga lena. O loo taufetuunai uma tagata e faamasani i faiga fou nei ma o loo tatou mananao uma e saogalemu pea ma puipuia tagata e pele ia i tatou.

      O le a manaomia ona ou faaalia se faamaoniga o le faia o tui puipui?

      E ono manaomia ona e faamaonia ua uma ona fai ou tui puipui mo le KOVITI-19 i nofoaga, pisinisi, ma polokalame faapitoa.

      Ia tausia la lau pepa tui puipui e pei o se pepa fanau po o se isi pepa aloaia! Pue se ata ona teu ai lea i le fale. Faitau atili e uiga i pepa tui puipui ma faamaumauga o tui puipui.

        Aea pe afai e lei atoa ona fai o’u tui puipui tatau mo le KOVITI-19?

        Afai e lei atoa ona fai ou tui puipui tatau mo le KOVITI-19:

        • Sue se tui puipui mo le KOVITI-19 e faatino fua o lata ane ia te oe!
        • Mafaufau e fai se pupuni fofoga e ofi lelei pe a e alu i nofoaga i totonu o fale o loo tumutumu ai tagata.
        • Fai se siaki mo le KOVITI-19 pe afai ua e faalogoina ni auga.
        • A e malaga i se mea, fai se siaki mo le KOVITI-19 a o e lei malaga ma ina ua e toe foi.
        • Tuu le WA Notify i totonu o lau telefoni feaveai ina ia taulogologo ai oe pe afai sa e i ai i se nofoaga o loo pepesi ai le KOVITI-19 ma o le a taulogologoina faalilolilo isi tagata pe a faamaonia e se siaki ua e maua i le faamai. O le WA Notify o se polokalame tumaoti atoatoa, ma e na te le iloa ma e na te le tulituliloa foi po o ai oe ma po o fea o e fealuai ai.
        E mafai ona ou faapepesi atu le KOVITI-19 ina ua maea ona fai lo'u tui puipui?

        E ono lē tupu, ae e iai lava le avanoa laitiiti. E aoga tele tui puipui, ae e lē 100%. Afai ua e lagonaina ni auga e pei o le KOVITI-19 (Na o le Gagana Peretania) (o le upega tafailagi nei ua na o le Gagana Peretania e maua ai), e tatau ona e faamamao ma isi tagata ma faafesootai lau auaunaga tausi soifua maloloina. E ono latou fautuaina se suesuega mo le KOVITI-19.

        Mo faamatalaga tau suesuega mo le KOVITI-19 faamolemole tagai i le Faamatalaga o Suesuega.

        E mafai faapefea ona ou pulea le atuatuvale ma le popole ona o le KOVITI-19?

        E itiiti le faitau numera o tagata ua atoatoa ona tui puipuia ma fai o latou tui o le booster e inifeti. Ae peitai, o tagata ua atoa ona fai o latou tui puipui tatau mo le KOVITI-19 ua inifeti i le KOVITI-19 e mafai ona pasia le vairasi i isi tagata.

        O le a la’u mea e fai pe afai ua ou ono aafia i le KOVITI-19?

        Faamolemole vaai i le matou itulau mo le Faanofoesea ma le Nofo Vaavaaia mo le KOVITI-19 mo taiala mo le faanofoesea ma le nofo vaavaaia.

        E mafai faapefea ona ou pulea le atuatuvale ma le popole ona o le KOVITI-19?

        Ua matou malamalama e mafai ona aafia uma lou soifua maloloina faaletino ma faalemafaufau ona o le faamai pepesi i le lalolagi. E lē na o oe. O le tele o tagata i Uosigitone o loo feagai ai ma le atuatuvale ma le popole ona o faaletonuga tautupe ma faafaigaluega, le tapunia o aoga, le faanofoesea mai isi tagata, popolega faasoifua maloloina, faanoanoaga ma le maliu o isi, ma tele atu. E faaopoopo ai foi le atuatuvale e oo mai ona o le toe foi i e faatino gaioiga lautele.

        O ni nai punaoa nei e mafai ona fesoasoani ia te oe e pulea le atuatuvale ma le popole:

        Tui Puipui Faaopoopo e Uunaia le Malosi ma Tuiga Faaopoopo

        O le a le eseesega o le tuiga faaopoopo mo le KOVITI-19 ma le tui puipui faaopoopo e uunaia le malosi?

        O le tuiga faaopoopo (ua iloga foi o le tui lona tolu) e mo tagata o loo vaivai puipuiga faalenatura o le tino. O isi taimi mo tagata e vaivai puipuiga faalenatura o le tino e lē lava le puipuiga e fausia ina ua maea ona atoatoa ona faia o latou tui puipui muamua. A tupu loa lenei mea, o le toe faia o se isi tui o le vailaau tui e mafai ona fesoasoani ia i latou e fausia se puipuiga e sili atu e foia ai le faamai.

        O le tui puipui faaopoopo e uunaia le malosi e faasino i se tuiga o le vailaau tui e ave i se tagata na lava le puipuiga na fausia mai le faia o tui puipui muamua, ae uma ane ua faaitiitia le puipuiga i le faagasologa o le taimi (o le mea lea e tau o le puipuiga faalenatura o le tino ua amata ona vaivai). O le mafuaaga lenei e tatau ai ona e faia tui puipui faaopoopo e uunaia le malosi mo le tetanus i tausaga e 10 uma, ona o le puipuiga mai le tui puipui mo le tetanus na fai a o e tamaitiiti e amata vaivai a o faagasolo le taimi.

        Faamolemole faitau i taiala a le Centers for Disease Control and Prevention (CDC, Ofisa Tutotonu mo le Puipuiga mai Faamai Pepesi) mo tagata e vaivai le puipuiga faalenatura o latou tino pe asiasi i le upega tafailagi a le Department of Health (DOH).

        O ai e tatau ona faia se tui faaopoopo o le vailaau tui mo le KOVITI-19?

        Faamolemole faitau i taiala a le Centers for Disease Control and Prevention (CDC, Ofisa Tutotonu mo le Puipuiga mai Faamai Pepesi) mo tagata e vaivai le puipuiga faalenatura o latou tino pe asiasi i le upega tafailagi a le Department of Health (DOH).

        O le a le taua tui puipui faaopoopo e uunaia le malosi mo isi vaega?

        O tui puipui faaopoopo e uunaia le malosi (booster doses) e fesoasoani e faaauauina le puipuiga mai i aafiaga matuia mo tagata e maualuluga tulaga lamatia e ono aafia tigaina ai i le KOVITI-19.

        O tui fa'aola sa na'o le faitau aofa'i o tagata e maualuga le lamatiaga o le maua i se fa'ama'i tuga o le COVID-19, peita'i ua fa'alautele le fautuaga e aofia ai tagata uma e ta'i 6 masina ma matutua atu e fa'amalosia le puipuiga mai le COVID-19. COVID-19.

        Ua faasiliina ona taua lenei tulaga ona o le faateleina pea o ituaiga eseese o le vairasi KOVITI-19 e fepisiaigofie, faapea foi le faateleina o gasegase e mafua mai i le KOVITI-19 i totonu o le Iunaite Setete.

        O tui puipui mo le KOVITI-19 na faamaonia pe taliaina mo le faaaogaina i totonu o le Iunaite Setete o loo galue lelei pea i le faaitiitiaina o le avanoa e lamatia ai i aafiaga tuga, le taofia i le falemai, ma le maliu ona o le vairasi KOVITI-19 faapea foi i aafiaga mai ona ituaiga eseese (variants). E ui i lea, e ono gasolosolo lava ina faaitiitia le puipuiga e maua mai i tui puipui o loo i ai i le taimi nei. E fesoasoani tui puipui faaopoopo e uunaia le malosi (booster) ina ia faamalosia atili le puipuiga mai le KOVITI-19 ma umi ai ona tumau lea puipuiga i totonu o lou tino.

        Fa'aopopoga o Puna'oa ma Fa'amatalaga

        Punaoa mo vaega faapitoa e uiga i le KOVITI-19

        Tamaiti ma Tupulaga Talavou

        O le faasusuina o pepe ma/po o Tagata Taitoatasi Maitaga

        Tagata Fai Malaga Mai ma Tagata Sulufai

        Lē mafai ona alu ese ma le fale

        E mafai ona mauaina punaoa faapitoa faaopoopo mo nuu ma afioaga i le itulau o Avanoa Tutusa ma le Galulue Faatasi e uiga i Tui Puipui (na o le Gagana Peretania).

        E lei taliina iinei la'u fesili. E faafefea ona ou iloa atili?

        O fesili lautele e mafai ona lafoina i le covid.vaccine@doh.wa.gov.